કોરોના વાયરસ / ક્યાંક કન્ટેનરમાં મૃતદેહ તો ક્યાંક કડક લૉકડાઉન : આ દેશોમાં કોરોનાનાં હાલ જાણી ફફડી ઊઠશો

• એશિયાના દેશોમાં કોરોનાના કેસોમાં ધરખમ વધારો 
• થાઈલેન્ડમાં સૌથીા ખરાબ હાલત 
• વિયતનામમાં 2 સપ્તાહ પ્રતિબંધો લગાવામાં આવ્યા 

એશિયાના ઘણા ખરા દેશોમાં કોરોના સંક્રમણ હવે વધારે ફેલાઈ રહ્યું છે. એકાએક અમુક દેશોમાં કોરોનાના કેસમાં ઉછાળો જોવા મળ્યો છે. જેમા ભારતમાં પણ હવે કોરોનાના કેસ વધતા જોવા મલી રહ્યા છે. બીજી તરફ જાપાન, મલેશિયા અને થાઈલેંન્ડ જેવા દેશોમાં પણ  કોરોના વાયરસનું સંક્રમણ વધારે ફેલાતું જોવા મળી રહ્યું છે. 

ઓસ્ટ્રેલિયા સિડનીમાં હાલ ખરાબ 

ટોકિયોમાં તો ઓલંપિકના મેમ્બર્સને બહાર જવાનીજ ના પાડી દેવામાં આવી છે. અહીયા ઈમરજન્સા લાગૂ કરવામાં આવી છે. ઓસ્ટ્રેલિયાના સિડનીમાં પણ પરિસ્થિતીઓ બગડી રહી છે. જેના કારણે ત્યા પ્રતિબંધો વધારી દેવામાં આવ્યા છે. 

બેંકોકમાં 80 ટકા કેસ ડેલ્ટા વેરિએંટના 

મલેશિયામાં ઝડપથી કોરોનાના કેસ વધી રહ્યા છે. છેલ્લા 24 કલાકમાં મલેશિયામાં 17 હજાર કરતા પણ વધું કેસ નોંધાયા છે. જ્યારે થાઈલેન્ડમાં 18 હજાર કરતા વધારે કેસ નોંધાયા છે. થાઈલેન્ડ સરકારનું કહેવું છે કે તેમના ત્યા 60 ટકા જેટલા દર્દી ડેલ્ટા વેરિએંટના છે જ્યારે બેંકોકમાં 80 ટકા જેટલા કેસ ડેલ્ટા વેરિએટંના છે. 

થાઈલેન્ડમાં પરિસ્થિતી સૌથી ખરાબ 

સૌથી ખરાબ હાલત અત્યારે થાઈલેન્ડની છે. કારણકે અહીયા હોસ્પિટલોએ મૃતદેહોને કંટેનરમાં મુકવાનું શરૂ કરી દીધું છે. હોસ્પિટલોનું કહેવું છે કે હવે શબગૃહમાં તેમની પાસે જગ્યા નથી. 20 ટકા મૃતદેહો હોસ્પિટલો પાસે એવા છે કે જે મર્યા પછી ખબર પડી કે તેઓ પોઝિટીવ છે. 

વિશ્વમાં કોરોનાના કેસમાં 80 ટકા ઉછાળો

ઉલ્લેખનીય છે કે ચીનમાં પણ નિનજિયાંગ પ્રાંતમાં કોરોનાના ડેલ્ટા વેરિએંટના કેસ નોંધાયા છે. વિયતનામાં પણ કોરોનાના વધતા કેસને ધ્યાનમાં રાખીને 2 સપ્તાહનું લોકડાઉન લાદી દેવામાં આવ્યું છે. સાથેજ વિશ્વ સ્વાસ્થ્ય સંગઠનના પ્રમુખ ટ્રેડ્રોસનું કહેવું છે કે વિશ્વભરમાં કોરોનાના કેસમાં 80 ટકા જેટલો વધારો નોંધાયો છે.