બ્લેક ફંગસની અસરકારક દવા એમ્ફોટેરિસિનનું ઉત્પાદન વધારવા કેન્દ્ર સરકારે વધુ 5 કંપનીઓને લાઈસન્સ આપ્યું છે.
બ્લેક ફંગસની દવાની અછત નિવારવા સરકારનો નિર્ણય
બ્લેક ફંગસની દવા એમ્ફોટેરિસિનનું ઉત્પાદન વધશે
સરકારે વધુ 5 કંપનીઓને લાઈસન્સ આપ્યું
બ્લેક ફંગસની અસરકારક દવા એમ્ફોટેરિસિનનું ઉત્પાદન વધારવા કેન્દ્ર સરકારે વધુ 5 કંપનીઓને લાઈસન્સ આપ્યું છે.
દેશમાં કોરોના મહામારી નબળી પડી રહી છે પરંતુ હવે બ્લેક ફંગસ નામની બીજી બીમારી પગપેસારો કરી રહી છે. ત્યારે દેશમાં આ બીમારીની દવાની અછત સર્જાઈ હોવાથી કેન્દ્ર સરકારે આ મહત્વનો નિર્ણય કર્યો છે.
પાંચ કંપનીઓને લાઈસન્સ મળતા હવે વધારે પ્રમાણમાં દવાનું ઉત્પાદન થશે. સ્વાસ્થ્ય મંત્રાલયે પ્રેસ કોન્ફન્સમાં જણાવ્યું કે બ્લેક ફંગસ માટેની દવા એમ્ફોટેરિસિન ઓછા પ્રમાણમાં દેશમાં ઉપલબ્ધ છે અને તેનું ઉત્પાદન વધારાઈ રહ્યું છે. 5 બીજી કંપનીઓને લાઈસન્સ અપાયું છે. હાલમાં જે પણ કંપનીઓ આ દવા બનાવી રહી છે તે પણ ઉત્પાદન વધારી રહી છે.
કોવિડ-19 સ્યુકોરમીસીસ : આખી દુનિયામાં અને ભારતમાં મળેલ કેસોની સમીક્ષા
દેશમાં હજી કોરોના મહામારીનો અંત આવ્યો નથી અને બ્લેક ફંગસ નવી મહામારી લઈ આવ્યો છે. જેના કારણે મ્યુકરમાયકોસિસના કેસમાં વધારો થયો છે. એક રિપોર્ટમાં એવું કહેવામાં આવ્યું છે કે આ બીમારી મહિલાઓ કરતાં પુરુષોમાં વધુ પ્રમાણમાં જોવા મળે છે. ડોકટરોએ આ રિપોર્ટને "કોવિડ-19 સ્યુકોરમીસીસ : આખી દુનિયામાં અને ભારતમાં મળેલ કેસોની સમીક્ષા" નામ આપ્યું છે.
101 દર્દીઓ પર આ રિસર્ચ કરીને એક વિશ્લેષણ કર્યું
એક ન્યૂઝ એજન્સીના કહ્યા મુજબ બ્લેક ફંગસના સંક્રમણ પર અભ્યાસ કરનાર ડોકટરોની ટીમે એક દુર્લભ મ્યુકરમાયકોસિસના 101 દર્દીઓ પર આ રિસર્ચ કરીને એક વિશ્લેષણ કર્યું હતું. જેમાં એ તારણ આવ્યું કે આ દર્દીઓમાં 79 પુરુષો હતા. આ સાથે જ આ અભ્યાસમાં એ બહાર આવ્યું કે આ બધા જ દર્દીઓમાં સૌથી વધુ દર્દીઓને ડાયાબિટીસ હતો. 101 દર્દીઓમાંથી 83 દર્દીઓને તો ડાયાબિટીસ હતો. આ સ્ટડીમાં કોલકાતાના જીડી હોસ્પિટલ અને ડાયાબિટીસ સંસ્થાના ડોકટર અવધેશ કુમાર સિંહ અને ડૉક્ટર રીતુ સિંહ, મુંબઈના લીલાવતી હોસ્પિટલના ડૉક્ટર શશાંક જોશી અને દિલ્હી રાષ્ટ્રીય ડાયાબિટીસ, ચરબી અને કોલેસ્ટ્રોલ ફાઉન્ડેશનના અનુપ મિશ્રા, આ ચાર ડોક્ટરે ભેગા મળી આ અભ્યાસ કર્યો હતો.
દેશમાં કોરોના સંક્રમણ પછી મ્યુકરમાયકોસિસ ચિંતાનું મુખ્ય કારણ
દેશમાં કોરોના સંક્રમણ પછી મ્યુકરમાયકોસિસ એટલે કે બ્લેક ફંગસ હવે ચિંતાનું મુખ્ય કારણ છે. દેશમાં અત્યાર સુધીમાં 7,250 લોકો હાલ મ્યુકરમાયકોસિસથી પીડાઈ રહ્યા છે. 13 રાજ્યો અને કેન્દ્ર શાસિત પ્રદેશના અધિકારીઓ દ્વારા આ આંકડા આપવામાં આવ્યા છે અને અત્યાર સુધીમાં મ્યુકરમાયકોસિસની બીમારીથી ઓછામાં ઓછા 219 લોકો મૃત્યુ પામ્યા છે. ગુજરાત માટે ચિંતાની વાત કહી શકાય કે દેશમાં બ્લેક ફંગસના કેસ મામે ગુજરાત મહારાષ્ટ્ર બાદ બીજા ક્રમ પર છે. મહારાષ્ટ્રમાં બ્લેક ફંગસના કારણે સૌથી વધારે મોત થયા છે. ગુજરાતમાં કુલ 1163 કેસ તથા 63 દર્દીઓએ પોતાના જીવ ગુમાવ્યા છે જ્યારે રાજસ્થાન 700 તો મધ્યપ્રદેશમાં 575 કેસ સામે આવ્યા છે.