10 ઓક્ટોબરે ચીનમાં કોરોનાના 2,089 કેસ નોંધાયા હતા, જે 20 ઓગસ્ટ પછીનો સૌથી મોટો આંકડો છે. તો ચીનના શેનઝેનમાં BF.7ના કારણે વધુ કેસ નોંધાઈ રહ્યા છે.
ચીનમાં ફરી કોરોના કેસમાં વધારો થયો
એક દિવસમાં 2 હજારથી વધુ કેસ નોંધાયા
શહેરોમાં ફરી લોકડાઉનની સ્થિતિ ઉભી થઈ
ચીનમાં ફરી એકવાર કોરોનાના કેસ ઝડપથી વધવા લાગ્યા છે. સ્થિતિ એવી બની ગઈ છે કે કેટલીક જગ્યાઓ પર ફરીથી લોકડાઉન લાગી રહ્યું છે, લોકો પર પ્રતિબંધ મૂકવામાં આવી રહ્યો છે અને નવી ટ્રાવેલ ગાઈડલાઈન્સ પણ જારી કરવામાં આવી છે. હાલમાં ચીનમાં Omicronના બે નવા સબ વેરિઅન્ટ્સ સામે આવ્યા છે - BF.7 અને BA.5.1.7. આ બે સબ વેરિઅન્ટના કારણે જ ચીનમાં અચાનક કોરોનાના કેસોમાં મોટો ઉછાળો જોવા મળી રહ્યો છે.
ચીનના શેનઝેનમાં કોરોનાના કેસમાં ત્રણ ગણો વધારો
આંકડા અનુસાર, ચીનમાં 10 ઓક્ટોબરે કોરોનાના 2,089 કેસ નોંધાયા હતા, જે 20 ઓગસ્ટ પછીનો સૌથી મોટો આંકડો છે. તો ચીનના જ શેનઝેનમાં BF.7ના કારણે વધારે કેસ સામે આવી રહ્યા છે. ત્યાં પણ કોરોનાના કેસ ત્રણ ગણા વધી ગયા છે. પરિસ્થિતિને જોતા હવે જે કોઈ શેનઝેન આવશે, તેમના ત્રણ દિવસની અંદર ત્રણ અલગ-અલગ ટેસ્ટ કરવામાં આવશે. શેનઝેનમાં પરિસ્થિતિ એટલી ચિંતાજનક બની ગઈ છે કે અધિકારીઓ શાળાઓ બંધ કરાવી રહ્યા છે, મનોરંજનના સ્થળોને તાળા મારી રહ્યા છે.
આ વેરિઅન્ટ્સના કારણે ઘણી જગ્યાએ જોવા મળી રહી છે નવી લહેરોઃ ડો જયદેવન
હવે ચીનમાં કોરોનાના અચાનક વધી રહેલા કેસના ઘણા કારણો માનવામાં આવી રહ્યા છે. સૌથી મોટી વાત તો એ છે કે ચીનમાં અઠવાડિયા સુધી ચાલતા રાષ્ટ્રીય દિવસને કારણે ઘણા લોકો એક જગ્યાએથી બીજી જગ્યાએ ગયા છે. એટલા માટે કોરોનાનો પ્રસાર પણ ઘણા વિસ્તારો સુધી પહોંચી ગયો છે. હવે સવાલ એ થાય છે કે શું કોરોનાના આ બંને નવા સબ વેરિઅન્ટ ખતરનાક છે? શું તેનાથી ડરવાની જરૂર છે? આ અંગે ડૉ. રાજીવ જયદેવન કહે છે કે, ઓમિક્રોનના સબ વેરિઅન્ટ્સને કારણે ઘણી જગ્યાએ કોરોનાની નવી લહેરો જોવા મળી રહી છે. યુકે અને જર્મનીમાં પણ આ કારણે કેસ વધવા લાગ્યા છે. આ વેરિએન્ટ વિશે જે માહિતી મળી રહી છે તે મુજબ આ વેરિઅન્ટ્સ રોગપ્રતિકારક શક્તિને પણ નબળી પાડી શકે છે. હજી સુધી આ સબવેરિએન્ટના કારણ વધારે ગંભીર લક્ષણો જોવા મળ્યા નથી.
ચીન હજુ પણ ઝીરો કોવિડવાળી રણનીતિ પર કરી રહ્યું છે કામ
ડૉક્ટર રાજીવ જયદેવન ચીનની કોરોના રણનીતિને લઈને પણ વધારે સંતુષ્ટ નથી. તેમનું કહેવું છે કે, ચીન હજુ પણ ઝીરો કોવિડવાળી રણનીતિ પર કામ કરી રહ્યું છે. તેના તરફથી ટેસ્ટિંગ કરવામાં આવી રહ્યા છે, નાના લોકડાઉન લાદવામાં આવી રહ્યા છે. પરંતુ હવે કેસ એક દિવસમાં 2000ની નજીક પહોંચવા લાગ્યા છે. ઓમિક્રોન ઝડપથી ફેલાય છે અને મૃત્યુ થઈ શકે છે. હોંગકોંગ અને ઑસ્ટ્રેલિયામાં રસીકરણ હોવા છતાં સમાન દૃશ્ય જોવા મળ્યું હતું.