આજે ગુજરાતમાં કોરોનાના વધુ 37 કેસ નોંધાયા જેમાં અમદાવાદ શહેરમાં રાજ્યના સૌથી વધુ 10 નવા કેસ સામે આવ્યા છે, સાથે જ એક્ટિવ કેસની સંખ્યા 226 પર પહોંચી છે.
બેદરકારી જોજો ક્યાંક મોંઘી ન પડે
આજે રાજ્યમાં કોરોનાના વધુ 37 કેસ નોંધાયા
રાજ્યમાં કોરોનાના એક્ટિવ કેસની સંખ્યા 226 થઈ
ગુજરતમાં કોરોના કેસનું પ્રમાણ વધી રહ્યું છે આજે વધુ નવા 37 કેસ સામે આવ્યા છે તે સાથે જ રાજ્યમાં કોરોનાના એક્ટિવ કેસની સંખ્યા 226 થઈ ગઈ છે. જોકે કોરોનાને કારણે આજે એક પણ દર્દીનું મોત નિપજ્યું નથી, તો કોરોનાગ્રસ્ત 6 દર્દીઓ વેન્ટિલેટર પર સારવાર લઈ રહ્યા છે જ્યારે બીજી તરફ 32 દર્દીઓ સાજા પણ થયા છે.
બેદરકારી જોજો ક્યાંક મોંઘી ન પડે
જોવા વાત કરવામાં આવે તો અત્યાર સુધીમાં કુલ 8,16,608 દર્દીઓ કોરોનાને મ્હાત આપી ચુક્યાં છે. જ્યારે રાજ્યભરમાં અત્યાર સુધી 10090 લોકોના મૃત્યુ થઈ ચૂક્યા છે, બીજી તરફ રાજ્ય સરકાર કોરોના વેક્સિનેશ પણ ખૂબ જોરશોરથી ચાલી રહ્યું છે રાજ્યમાં અત્યાર સુધીમાં કુલ 4,26,516 નાગરિકોનું રસીકરણ થયું હતું. આમ રાજ્યમાં કોરોનાથી સાજા થવાનો દર 98.75 ટકાએ પહોંચી ગયો છે.
આજે રાજ્યમાં કોરોનાના વધુ 37 કેસ નોંધાયા
આજે અમદાવાદ શહેરમાં 10 નવા કેસ સામે આવ્યા છે, તો વડોદરામાં 6, સુરતમાં 8 અને નવસારીમાં 4 કેસ નવા નોંધાયા અને વલસાડમાં 4 કેસ સામે આવ્યા છે. જ્યારે બનાસકાંઠા, ગીર સોમનાથ, મહેસાણા અને પંચમહાર તથા તાપી જિલ્લામાં એક એક કેસ સામે આવ્યો છે. દિવાળીના તહેવાર બાદ અમદાવાદ સહિત મોટા શહેરોમાં કોરોનાના કેસ વધવાની શક્યતાને પગલે અમદાવાદ મ્યુનિ. દ્વારા આગોતરા પગલાંરૂપે ટેસ્ટિંગની સંખ્યા પણ વધારવામાં આવી હતી, જેમાં સામાન્ય રીતે દિવસોમાં થતાં ટેસ્ટિંગ કરતાં બમણાં ટેસ્ટિંગ કરવામાં આવી રહ્યાં છે, જેમાં આજે 10 નવા કેસ સામે આવ્યા છે.