કોરોના વાયરસ / દેશમાં 3 કરોડને પાર થઈ કોરોનાગ્રસ્તની સંખ્યા, 1 કરોડ કેસ ફ્ક્ત 50 દિવસમાં આવ્યા, રેકોર્ડ બાદ રસીકરણ પડ્યુ ધીમુ

• દેશમાં કોરોનાના કુલ કેસની સંખ્યા 3 કરોડને પાર થઈ ગઈ 
• 1 કરોડ કેસ તો માત્ર 50 દિવસમાં મળ્યાં
•  6 મેએ એક દિવસમાં સૌથી વધારે 4.14 લાખ કેસ આવ્યા હતા

દેશમાં કોરોનાના કુલ કેસની સંખ્યા 3 કરોડને પાર થઈ ગઈ 

દેશમાં કોરોનાની બીજી લહેર ઘણી ભયંકર રહી. ત્યારે મંગળવારે રાતે દર્દીઓની કુલ સંખ્યા 3 કરોડને પાર થઈ ગઈ છે. 1 કરોડ કેસ તો માત્ર 50 દિવસમાં મળ્યાં છે. ભારતમાં પહેલો દર્દી 30 જાન્યુઆરી 2020માં મળ્યો હતો. અત્યાર સુધીમાં 2.89 કરોડ દર્દી સાજા થયા છે. બીજી લહેરને નબળી પાડવા માટે રસીકરણની મર્યાદા વધારાયી છે. મંગળવારે સવારે 42, 640 નવા મામલા નોંધાયા હતા. આ 91 દિવસો બાદ 50 હજારથી ઓછા છે. સક્રિય મામલા પણ 79 દિવસો બાદ લાખથી ઓછા થયા. ભારતમાં 6 મેએ એક દિવસમાં સૌથી વધારે 4.14 લાખ મામલા સામે આવ્યા હતા.

રસીકરણે સ્પીડ પકડી

નવા દિશા નિર્દેશ લાગૂ થતાં રાજ્યોને પૂરતા પ્રમાણમાં રસી ઉપલબ્ધ કરાવ્યા બાદ રસીકરણમાં સ્પીડ આવી છે.  સતત બીજા દિવસે સૌથી વધારે લોકોને રસી લાગી છે. મંગળવારે સાંજ સુધીમાં 51 લાખ લોકો રસી લગાવી ચૂક્યા છે. જેમાં 35 લાખ લોકોએ પહેલો ડોઝ લીધો છે જ્યારે 26 લાખ લોકોની ઉંમર 18થી 44 વર્ષની વચ્ચે છે.  જ્યારે અનેક કેન્દ્રો પર મોડી રાત સુધી રસીકરણ થયું. ઉલ્લેખનીય છે કે સોમવારે 84 લાખથી વધારે લોકોને રસી આપવામાં આવી હતી.  કેન્દ્રીય સ્વાસ્થ્ય મંત્રાલયનું કહેવું છે કે રાજ્યો - કેન્દ્ર પ્રદેશો પાસે હજું પણ 2.14 કરોડથી વધારે ડોઝ ઉપલબ્ધ છે.

ઉલ્લેખનીય છે કે અત્યાર સુધીમાં 28.87 કરોડ ડોઝ અપાયા છે. કુલ 29.35 કરોડ ડોઝ ખરીદવામાં આવ્યા હતા. જેમાંથી કુલ ખપત અને વેસ્ટ સહિતના 27, 20,14, 523 ડોઝ છે. સ્વાસ્થ્ય મંત્રાલયે કહ્યું કે કોરોનાની રસીના 2, 14, 90, 297 ડોઝ તમામ રાજ્યો અને કેન્દ્ર શાસિત પ્રદેશોની પાસે ઉપલબ્ધ છે.

કોવેક્સિન 77.8 ટકા અસરકારક

દેશે પહેલી સ્વદેશી કોરોનાની રસી કોવેક્સિનનું ત્રીજા ક્લિનીકલ ટ્રાયલને પણ 77.8 ટકા અસરકાર ગણાવ્યું છે.  સૂત્રોના જણાવ્યા ભારત બાયોટેકે ગત અઠવાડિયે ભારત સરકારને ત્રીજા ચરણનું ક્લિનિકલ ટ્રાયલનો ડેટા સોંપ્યો હતો.  જેના પર મંગળવારે સબ્જેક્ટ એક્સપર્ટ કમિટીની મહત્વની મિટીંગ થઈ. ગત રસીના ફેઝ 3ના ટ્રાયલના ડેટાને મંજૂરી આપી છે. ભારત બાયોટેકે આઈસીએમઆર સાથે મળીને આ રસી બનાવી છે. ત્યારે ડબ્લ્યૂએચઓની સાથે ભારત બાયોટેકે પણ પ્રી સમિશન બેઠક બુધવારે થશે.