રાજ્યમાં કોરોનાના કેસ વધી રહ્યા છે તેમાં પણ નવજાત બાળક સહિત સગર્ભા મહિલાઓ પણ કોરોનાનો ભોગ બની રહી છે
રાજ્યમાં વકર્યો કોરોના વાયરસ
નવજાત બાળકી થઇ કોરોના સંક્રમિત
વડોદરામાં સગર્ભા મહિલાનું કોરોનાથી મોત
રાજ્યમાં કોરોનાએ તો કહેર વર્તાવ્યો છે. નાના બાળકોથી લઇને વૃદ્ધો સુધી તમામ લોકો કોરોનાની ચપેટમાં આવી ગયા છે. કોરોના હવે તો જાણે ક્યાં નથી. દરેક જગ્યાએ કોરોનાના કેસ નોંધાઇ રહ્યા છે. શાળાએ જતા બાળકો પણ કોરોનાનો ભોગ બને છે તેવામાં 10 દિવસની નવજાત બાળકી પણ કોરોનાની ચપેટમાંથી બાકાત રહી શકી નથી. આ વાત છે રાજકોટના ગોંડલની. અહીં 10 દિવસની બાળકીને કોરોના પોઝિટીવ આવી છે.
10 દિવસની બાળકીને કોરોના
હાલમાં બાળકીને રાજકોટ સિવિલ હોસ્પિટલમાં દાખલ કરવામાં આવી છે. બાળકીને શ્વાસ લેવામાં તકલીફ પડતી હોવાથી ઓક્સિજન આપવામાં આવી રહ્યો છે. જો કે બાળકી સંક્રમિત થવા પાછળ કારણ એ છે કે બાળકીના પરિવારના 8 સભ્યો કોરોના ગ્રસ્ત હતા. જો કે બાળકી હાલ ડોક્ટરની દેખરેખ હેઠળ છે. તમામ પ્રકારની સારવાર કરવામાં આવી રહી છે.
વડોદરામાં સગર્ભાનું કોરોનાથી મોત
વડોદરામાં કોરોનાને કારણે સગર્ભા મહિલાનું મોત થયુ હતું. 25 વર્ષની હાલોલની સગર્ભા કોરોના સંક્રમિત હતી. તેને પ્રસૂતિની પીડા ઉપડતા ગોત્રી હોસ્પિટલમાં દાખલ કરવામાં આવી હતી. જો કે બાળકના જન્મ બાદ મહિલા મોતને ભેટી હતી.