ચિંતાજનક / અમદાવાદ બાદ હવે પાટણનો વારો: દિવાળી પછી કોરોના 4 ગણો વધ્યો, હવે હોસ્પિટલોમાં ભીડ

• પાટણમાં દિવાળી પર જામેલી ભીડ બાદ વકર્યો કોરોના
• કોરોનાના દર્દીઓની સંખ્યામાં થયો 4 ગણો વધારો
• દિવાળી પહેલા રોજ 10-15 કેસ નોઁધાતા હતા

પાટણ ના બજારોમાં ઉમટેલી દિવાળીની ભીડ બાદ હવે તેની વિપરીત અસર સામે આવી રહી છે પાટણમાં હવે કોરોના બેકાબુ બન્યો છે દિવાળી પહેલા પાટણમાં 10 થી 15 જેટલા કોરોના પોઝિટિવ દર્દીઓ આવતા હતા એની સામે દિવાળી પત્યા બાદ 40 થી 50 ઉપરાંત ચિંતાજનક કેસ આવી રહ્યા છે. પાટણમાં અત્યાર સુધી 3291 કોરોના પોઝિટિવ કેસ નોંધાઈ ગયા છે તો 72 લોકોએ પોતાનો જીવ ખોયો છે જોકે દિવાળી બાદ કોરોનાએ ફરી પાટણને બાનમાં લેતા ધારપુર હોસ્પિટલ હાલ કોરોનાના દર્દીઓથી ઉભરાઈ જવા પામી છે.

ધારપુર હોસ્પિટલમાં બેડ ભરાઈ જાય તેવી શક્યતાઓ

હાલ ધારપુર હોસ્પિટલનાં આઇસોલેસન વોર્ડમાં 166 બેડની સુવિધા છે દિવાળી પહેલા 20 થી 25 કોરોનાના દર્દીઓ હોસ્પિટલમાં સારવાર લઈ રહ્યા હતા જ્યારે દિવાળી બાદ હવે 70 થી 80 દર્દીઓ ઓપીડીમાં આવી રહ્યા છે  76 દર્દીઓ સારવાર માટે દાખલ કરવામાં આવ્યા છે. ધારપુર હોસ્પિટલમાં પાટણ , મહેસાણા, બનાસકાંઠા, કચ્છ જીલ્લાઓ માંથી પણ કોરોનાના દર્દીઓ સારવાર માટે આવી રહ્યા છે પરંતુ જે રીતે પાટણમાં કોરોનાના કેસ વધી રહ્યા છે તેને જોતા ધારપુર હોસ્પિટલમાં બેડ ભરાઈ જાય તેવી શક્યતાઓ પણ સેવાઇ રહી છે.

ર્દીઓની ચહલપહલ ચિંતાજનક વધવા પામી

હાલ ધારપુર હોસ્પિટલમાં દવા ,ઓક્સિજન ,વેન્ટીલેટર કે સ્ટાફની કોઈ અગવડ નથી પરન્તુ જો આજ રીતે કેસ વધ્યા તો આવનાર દિવસો ધારપુર હોસ્પિટલમાંટે આકરા સાબિત થઈ શકે તેમ છે.  ધારપુર હોસ્પિટલના સુપરિટેન્ડને વી.ટીવી ને એક ચિંતાજનક બાબત પણ જણાવી છે કે આવનાર દિવસોમાં હજુ કોરોના વધવાની શક્યતાઓ છે હાલ ધારપુર હોસ્પિટલના તમામ વિભાગોના સ્ટાફને કોવિડ હોસ્પિટલમાં લગાવી દેવામાં આવ્યો છે દિવાળી બાદ કોરનાના કેસ વધતા આજે ધારપુર હોસ્પિટલમાં એમ્બ્યુલન્સ વાનોની અવરજવર અને દર્દીઓની ચહલપહલ ચિંતાજનક વધવા પામી છે.