કોરોના અપડેટ / ભારતમાં વધ્યો કોરોના કહેર, ગુજરાત સહિત આખા દેશમાં ફરી વધ્યા કેસ, જુઓ ક્યાં પહોંચ્યો આંકડો

• દેશમાં કોરોનાની સંખ્યામાં વધારો
• 24 કલાકમાં 1150 કેસ નોંધાયા
• શુક્રવારની તુલનાએ નોંધાયા વધારે કેસ 

ભારતમાં હાલમાં કોરોનાને લઇને સ્થિતિ કાબૂમાં છે પરંતુ હવે ધીરે ધીરે કોરોનાના કેસ વધી રહ્યા છે. ભારતના અમુક રાજ્યોમાં તો સ્થિતિ એવી છે કે કેન્દ્ર સરકારે જે તે રાજ્યને પત્ર લખીને ચિંતા વ્યક્ત કરી. ત્યારે આજે નોંધાયેલા કેસની વાત કરીએ તો,દેશમાં કોરોનાના નવા 1150 કેસ નોંધાયા છે જે શુક્રવારની સરખામણીએ નવા નોંધાયેલા કેસની સંખ્યા કરતા વધારે છે.

દેશમાં નવા 1150 કોરોનાના કેસ નોંધાયા 

મહત્વનું છે કે  સરેરાશ દર ચાર મહિને કોરોનાવાયરસના નવા પ્રકારો બહાર આવવા લાગે છે. યુએન સેક્રેટરી-જનરલ એન્ટોનિયો ગુટેરેસે ચેતવણી આપી  કે કોવિડ-19 રોગચાળો સમાપ્ત થયો નથી કારણ કે એશિયામાં મોટા પ્રમાણમાં  કોરોના ફેલાઇ રહ્યો છે. ગુટેરેસે સરકાર અને ફાર્મા કંપનીઓને દરેક જગ્યાએ, દરેક વ્યક્તિને રસી પહોંચાડવા માટે મળીને સંપીને કામગીરી કરવા માટે આહવાહન કર્યું છે. છેલ્લા 24 કલાકમાં દેશમાં 1150 નવા કોરોનાના કેસ નોંધાયા છે. જ્યારે 1194 દર્દીઓ સાજા થયા. છેલ્લા 24 કલાકમાં 83 દર્દીના મૃત્યુ થયા.  અત્યાર સુધી કોરોનાની રસીના કુલ 1,85,55,07,496 કરોડ ડોઝ આપવામાં આવ્યા .  છેલ્લા 24 કલાકમાં 4,66,362 સેમ્પલ ટેસ્ટ કરવામાં આવ્યા.

COVID19 | 1,150 new cases in India today; Active caseload stands at 11,365 pic.twitter.com/2RCyTxOfoa

— ANI (@ANI) April 9, 2022

ગુજરાતમાં એક દિવસમાં કોરોનાના કેસ 150 ટકા વધ્યા 

ગુજરાતમાં એક દિવસમાં કોરોનાના કેસ 150 ટકા વધ્યા છે. જેમાં ગાંધીનગરમાં 15 અને જિલ્લામાં 2 નવા કેસ નોંધાયા છે. જેની સાથે રાજ્યમાં કુલ 86 એક્ટિવ કેસ થવા પામ્યા છે. જેમાં 2 દર્દી વેન્ટિલેટર પર છે. આ સાથે અમદાવાદ શહેરમાં પણ 2 કેસ નોંધાયા છે. 6 કોર્પોરેશન અને 31 જિલ્લામાં કોરોનાના શૂન્ય કેસ રહ્યા છે.
 

શુક્રવારે દેશમાં કેટલા નોંધાયા હતા કેસ

ભારતમાં છેલ્લા 24 કલાકમાં કોરોનાના 1,109 નવા કેસ નોંધાયા છે. જે બાદ સંક્રમિતોની કુલ સંખ્યા 4,30,33,067 થઈ ગઈ છે. જ્યારે દેશમાં સક્રિય દર્દીઓની સંખ્યા ઘટીને 11,492 થઈ ગઈ છે. આરોગ્ય વિભાગ દ્વારા જાહેર કરવામાં આવેલા આંકડા અનુસાર શુક્રવારે વધુ 43 કોરોના દર્દીઓના મોત થયા છે. જે બાદ કુલ મૃતકોની સંખ્યા 5,21,573 પર પહોંચી ગઈ છે. દેશમાં સંક્રમિત દર ઘટીને 0.03 ટકા પર આવી ગયો છે જ્યારે રિકવરી રેટ વધીને 98.76 ટકા થઈ ગયો છે.

ગુજરાતમાં સામે આવ્યો  XE વેરિએન્ટ

મહત્વનું છે કે  ગુજરાતમાં કોરોનાવાયરસના XE પ્રકારનો એક કેસ સામે આવ્યો છે..સાથે જ રાજ્યમાં XM વેરિઅન્ટના કેસ પણ સામે આવતા હડકંપ મચ્યો છે.  આ પહેલા ગુરુવારે મુંબઇમાં XM વેરિઅન્ટનો એક કેસ નોંધાયો હતો.  આ વેરિએન્ટ્સ ઓમિક્રોનનો પેટા વેરિએન્ટ છે. ઓમરોનની પેટા વેરિએન્ટ  દેશના જુદા જુદા ભાગોમાં ઉપલબ્ધ છે. જો કે, આ વેરિઅન્ટની ઉપલબ્ધતાને કારણે, અત્યાર સુધી કોરોનાના કેસોમાં વધારો થવાની કોઈ વાત કરવામાં આવી નથી. આ પ્રકારોની અસરકારકતા અંગે કોઈ નક્કર નિષ્કર્ષ પર પહોંચી શકાય તે પહેલાં કેટલાક વધુ અભ્યાસની જરૂર છે. જીનોમિક નિષ્ણાતો અને NCDC હાલમાં તેનું મૂલ્યાંકન કરી રહ્યા છે.