છેલ્લા 24 કલાકમાં દેશમાં કોરોનાના 67,597 નવા કેસ નોંધાયા, જ્યારે આજે ગુજરાતમાં નવા 2,502 કેસ સામે આવતા લોકો અને તંત્રને હાશકારો
ગુજરાતના કોરોના કેસોમા નોંધપાત્ર ઘટાડો
આજે નવા 2,502 કેસ બહાર આવ્યા
ગુજરાતમાં કોરોના કેસો જેટલી ગતિએ વધ્યા એટલી જ ગતિએ ઘટી પણ રહ્યા છે. છેલ્લા 24 કલાકમાં 2,502 કેસ કોરોના પોઝિટિવ આવ્યા છે. આજે સૌથી વધુ અમદાવાદ શહેરમાં 874 કેસ સામે આવ્યા છે જ્યારે સુરત શહેરમાં 87 કેસ તો રાજકોટ શહેરમાં 118 કેસ, વડોદરા શહેરમાં 404 કેસ સામે આવ્યા છે. ગાંધીનગર શહેરમાં94 કેસ, ભાવનગર શહેરમાં 28 કેસ સામે આવ્યા છે. કોરોના ફેબ્રુઆરીની 15 તારીખ પછી ગુજરાતમાં એકદમ શાંત પડશે તેવું નિષ્ણાંતો માની રહ્યા છે. કોરોનાને લીધે 28 લોકોએ જીવ ગુમાવ્યો છે. જ્યારે 7,487 દર્દીઓ સાજા થઇ હેમખેમ ઘેર પરત ફર્યા છે. રાજ્યમાં કુલ એક્ટિવ કેસની સંખ્યા 33,631 સુધી પહોંચી ગઈ છે.
10થી ઓછા કેસ ધરાવતા જિલ્લા
જ્યારે 10થી ઓછા કેસ ધરાવતા જિલ્લાનો આંકડો વધ્યો જેમાં ડાંગમાં 9 કેસ, તાપીમાં 8 કેસ, નર્મદામાં 7 કેસ, પોરબંદરમાં 7 કેસ, સુરેન્દ્રનગરમાં 7 કેસ, દાહોદમાં 6 કેસ, દ્વારકામાં 5 કેસ, ગીર સોમનાથમાં 5 કેસ, છોટા ઉદેપુરમાં 4 કેસ, બોટાદ અને મહીસાગરમાં એક-એક કેસ નોંધાયો છે.
જિલ્લા પ્રમાણે કોરોના કેસ..
અમદાવાદમાં બીજા દિવસે કેસ 1 હજારની અંદર આવ્યા છે. આજે સૌથી વધુ અમદાવાદમાં 894 કેસ, વડોદરામાં 546 કેસ, રાજકોટમાં 173 કેસ, ગાંધીનગરમા 124 કેસ, સુરતમાં 155 કેસ, ભાવનગરમાં 32 કેસ, જામનગરમાં 19 કેસ, જુનાગઢમાં 5 કેસ, બનાસકાંઠામા 92 કેસ, કચ્છમાં 61 કેસ, ખેડામાં 54 કેસ, પાટણમાં 51 કેસ, મહેસાણામાં 48 કેસ, આણંદમાં 31 કેસ, ભરૂચમાં 24 કેસ, સાબરકાંઠામાં 24 કેસ, અરવલ્લીમાં 22 કેસ, મોરબીમાં 21 કેસ, નવસારીમાં 21 કેસ, પંચમહાલમાંં 17 કેસ, વલસાડમાં 16 કેસ, અમરેલીમાં 12 કેસ સામે આવ્યા છે.
ભારતમાં 67,597 કોરોના કેસ નોંધાયા
ભારતમાં કોરોનાનો કહેર ખાસ્સો ઓછો થઈ ગયો હોય એવું લાગી રહ્યું છે. ગઈકાલે લગભગ એક મહિના પછી એક લાખથી પણ ઓછા કેસ નોંધાય હતા, અને આજે સતત બીજા દિવસે, કોરોનાના એક લાખથી ઓછા નવા કેસ નોંધાયા છે.છેલ્લા 24 કલાકમાં દેશમાં કોરોનાના 67,597 નવા કેસ સામે આવ્યા છે તો સામે 1188 સંક્રમિત લોકોએ જીવ ગુમાવ્યા છે. જ્યારે આના એક દિવસ પહેલા જ કોરોનાના 83 હજાર 876 નવા કેસ સામે આવ્યા હતા અને 896 લોકોએ જીવ ગુમાવ્યા હતા. સારી વાત એ છે કે છેલ્લા 24 કલાકમાં એક લાખ 80 હજાર 456 લોકો કોરોનાથી સાજા થયા છે, એટલે કે એક લાખ 14 હજાર એક્ટિવ કેસમાં ઘટાડો થયો છે.