છેલ્લા 24 કલાકમાં દેશમાં કોરોનાના 83 હજાર 876 નવા કેસ, આજે ગુજરાતમાં નવા 2,909 કેસ નોંધાયા
ગુજરાતના કોરોના કેસોમા નોંધપાત્ર ઘટાડો
આજે નવા 2,909 કેસ આવતા લોકો સહિત તંત્રએ લીધો રાહતનો શ્વાસ
ગુજરાતમાં કોરોના કેસો સતત ઘટી રહ્યા છે. શાળાઓ આવતીકાલથી શાળાઓ શરૂ થવા જઈ રહી છે. છેલ્લા 24 કલાકમાં 2,909 કેસ કોરોના પોઝિટિવ આવ્યા છે. આજે સૌથી વધુ અમદાવાદ શહેરમાં 928 કેસ સામે આવ્યા છે જ્યારે સુરત શહેરમાં 90 કેસ તો રાજકોટ શહેરમાં 108 કેસ, વડોદરા શહેરમાં 462 કેસ સામે આવ્યા છે. ગાંધીનગર શહેરમાં 131 કેસ, ભાવનગર શહેરમાં 27 કેસ સામે આવ્યા છે. કોરોના ફેબ્રુઆરીની 15 તારીખ પછી ગુજરાતમાં એકદમ શાંત પડશે તેવું નિષ્ણાંતો માની રહ્યા છે. કોરોનાને લીધે 21 લોકોએ જીવ ખોયો છે. જ્યારે 8,862 દર્દીઓ સાજા થઇ હેમખેમ ઘેર પરત ફર્યા છે. રાજ્યમાં કુલ એક્ટિવ કેસની 38,644 સંખ્યા સુધી પહોંચી ગઈ છે.
જિલ્લા પ્રમાણે કોરોના કેસ..
ઘણા સમય બાદ અમદાવાદમાં નવા કેસ એક હજાર નીચે આવ્યા છે. અમદાવાદમાં આજે 959 કોરોના કેસ નોંધાયા, જ્યારે વડોદરામાં 603 કેસ, સુરતમાં 153 કેસ,રાજકોટમાં 185 કેસ, ગાંધીનગરમાં 161 કેસ,જામનગરમાં 42 કેસ, ભાવનગરમાં 30 કેસ,જૂનાગઢમાં 10 કેસ, મહેસાણામાં 140 કેસ, બનાસકાંઠામાં 128 કેસ, કચ્છમાં 81 કેસ, ખેડામાં 63 કેસ, આણંદમાં 44 કેસ, પંચમહાલમાં 43 કેસ, મોરબીમાં 38 કેસ, નવસારીમાં 32 કેસ, ભરૂચમાં 26 કેસ, પાટણમાં 25 કેસ, છોટાઉદેપુરમાં 19 કેસ, વલસાડમાં 17 કેસ, નર્મદામાં 15 કેસ, તાપીમાં 12 કેસ, અમરેલીમાં 11 કેસ, અરવલ્લીમાં 11 કેસ, દાહોદમાં 10 કેસ, ગીર સોમનાથમાં 10 કેસ, સાબરકાંઠામાં 10 કેસ, મહીસાગરમાં 9 કેસ, દ્વારકામાં 8 કેસ,સુરેન્દ્રનગરમાં 8 કેસ, પોરબંદરમાં 5 કેસ, બોટાદમાં 1 કેસ, જ્યારે ડાંગમાં એક પણ કેસ કોરોનાનો નોંધાયો નથી
ભારતમાં કોરોના કેસ 1 લાખની અંદર
દેશમાં હવે કોરોના સંક્રમણની ઝડપ ઘટી ગઈ છે. લગભગ એક મહિના પછી પહેલીવાર આજે કોરોનાના નવા કેસ એક લાખથી ઓછા આવ્યા છે. છેલ્લા 24 કલાકમાં દેશમાં કોરોનાના 83 હજાર 876 નવા કેસ સામે આવ્યા છે, જો કે આ દરમિયાન 895 લોકોના મોત પણ થયા છે.જ્યારે છેલ્લા 24 કલાકમાં 1 લાખ 99 હજાર 54 લોકો સાજા થયા છે. આ સાથે, કોરોનાનો પોઝિટીવીટી રેટ પણ ઘટ્યો છે અને હવે ઘટીને 7.25 ટકા પર આવી ગયો છે.કુલ સક્રિય દર્દીઓની સંખ્યા વધીને 11 લાખ 8 હજાર 938 થઈ ગઈ છે, જ્યારે આ મહામારીને કારણે દેશમાં અત્યાર સુધીમાં કુલ 5 લાખ 2 હજાર 874 લોકોએ પોતાનો જીવ ગુમાવ્યો છે.