વકર્યો / ગુજરાતમાં ફરી કોરોનાએ પકડી રફતાર, આજે નવા 23,150 કેસ, અમદાવાદના કેસનું તો પૂછતા જ નહીં

• ગુજરાતમાં કોરોના કેસોનો રાફડો ફાટ્યો
• આજે છેલ્લા 24 કલાકમાં 23,150 કેસ નોંધાયા

ગુજરાતમાં કોરોના કેસ કુદકેને ભૂસકે સતત વધી રહ્યા છે. છેલ્લા 24 કલાકમાં 23,150 કેસ કોરોના પોઝિટિવ આવતા ફફડાટ વ્યાપ્યો છે. આજે સૌથી વધુ અમદાવાદમાં 8,332 કેસ સામે આવ્યા છે જ્યારે સુરત શહેરમાં1876 કેસ તો રાજકોટ શહેરમાં 1707 કેસ, વડોદરા શહેરમાં 2823 કેસ સામે આવ્યા છે. ગાંધીનગરમાં 547 કેસ, ભાવનગર શહેરમાં 401 કેસ સામે આવતા જાણે કોરોના કેસોનું કીડિયારું ઉભરાયું હોય તેવી સ્થિતિ પેદા થઈ ચૂકી છે. તો  કોરોનાને લીધે 15 લોકોના મોત થયા છે. જ્યારે 10103 દર્દીઓ સાજા થયા છે. રાજ્યમાં કુલ એક્ટિવ કેસની 1,29, 875 સંખ્યા સુધી પહોંચી ગઈ છે

જિલ્લામાં કોરોના કેસોમાં ધરખમ વધારો
જો જિલ્લા પ્રમાણે કોરોના કેસોની વાત કરીએ તો અમદાવાદ આજે કુલ 8332 કેસ, સુરતમાં 2488 કેસ, વડોદરામાં 3790 કેસ, રાજકોટમાં 2029 કેસ, જુનાગઢમાં 156 કેસ,ભાવનગરમાં 436 કેસ, જામનગરમાં 730  કેસ, ગાંધીનગરમાં 874  કેસ નવા કેસ, વલસાડમાં 359  કેસ, ભરૂચમાં 448 કેસ, નવસારીમાં 240 કેસ, મોરબીમાં 373 કેસ, મહેસાણા 238 કેસ, આણંદમાં 565 કેસ, બનાસરકાંઠામાં 253 કેસ, કચ્છમાં 462  કેસ, ખેડામાં 169 કેસ, પાટણમાં 236  કેસ, સુરેન્દ્રનગરમાં 144 કેસ, નર્મદામાં 46 કેસ, દાહોદમાં 81 કેસ, પોરબંદરમાં 51 કેસ, સાબરકાંઠામાં 186 કેસ, અમરેલીમાં 213 કેસ, દ્વારકામાં 73 કેસ, તાપીમાં 87 કેસ, પંચમહાલમાં 74 કેસ, ગીર સોમનાથમાં 35 કેસ, મહીસાગરમાં 20 કેસ, ડાંગમાં 8 કેસ, અરવલ્લી જિલ્લામાં 12 કેસ, બોટાદમાં 16 કેસ, છોટા ઉદેપુરમાં 8 કેસ નોંધાયા છે.
 

કેસની સાથે મોતનો આંકડો પણ વધ્યો
ગુજરાતમાં કોરોના કેસ વધવાની સાથે સાથે ધીમે ધીમે મોતનો આંકડો પણ વધી રહ્યો છે. આજે કૂલ 15 દર્દી મોતને ભેટયા છે. જેમાં સૌથી વધુ 6 મોત પણ અમદાવાદમાં જ થયા છે.  સુરતમાં 4, રાજકોટમાં 1, ભાવનગર 3, નવસારી 1 મોત કોરોનાના લીધે થયું છે.

કોરોના કેસના દૈનિક આંકડામાં દેશમાં 5 નંબર પર ગુજરાત
ભારતમાં કોરોનાના ગત 24 કલામાં 3.37 લાખ કેસ સામે આવ્યા છે. સતત આ ત્રીજો દિવસ છે. જ્યારે કોરોનાના દેશમાં 3 લાખથી વધારે કેસ સામે આવ્યા છે. દેશમાં એક્ટિવ કેસની સંખ્યા વધીને 21 લાખ થઈ છે.ગત 24 કલાકમાં દેશમાં કોરોનાથી 488 લોકોના મોત થયા છે. અત્યાર સુધીમાં દેશમાં કોરોનાના 4, 88, 884 લોકોના મોત થયા છે.  દેશમાં 5 સૌથી વધારે સંક્રમિત રાજ્યોની વાત કરીએ તો મહારાષ્ટ્ર ટોપ પર છે. મહારાષ્ટ્રમાં કોરોનાના 48, 270 કેસ સામે આવ્યા છે. આ બાદ કર્ણાટકમાં 48, 049, કેરળમાં 41,668 કેસ, તમિલનાડુમાં 29,870 કેસ, ગુજરાતમાં 21 225 કેસ સામે આવ્યા છે.

ગઇકાલે નોંધાયેલા કેસની વિગત(21 જાન્યુઆરી 2022)
રાજ્યમાં શુક્રવારે કોરોનાના 21,225 નવા કેસ નોંધાયા હતા.તેમજ  9254 સાજા થયા અને 16 દર્દીના મોત થયા હતા. ગઈ કાલે ત્રીજી લહેરના સૌથી વધુ મોત અમદાવાદ શહેરમાં 8, વડોદરા શહેરમાં 1, સુરત શહેરમાં 2, સુરત ગ્રામ્યમાં 2, વડોદરા ગ્રામ્યમાં 1, ખેડામાં 1 અને ભાવનગર ગ્રામ્યમાં 1 દર્દીનું મોત થયું હતું.