મહામારી / કોરોના : ગુજરાતમાં ગઈકાલ કરતા આજે ઓછા કેસ, પરંતુ મોત ત્રીજી લહેરના સૌથી વધુ

• છેલ્લા 24 કલાકમાં કોરોનાના 21,225 નવા કેસ
• આજે 9254 સાજા થયા અને 16 દર્દીના મોત થયા
• હાલ 116843 એક્ટિવ કેસ

રાજ્યમાં છેલ્લા 24 કલાકમાં કોરોનાના 21,225 નવા કેસ નોંધાયા છે. આજે 9254 સાજા થયા અને 16 દર્દીના મોત થયા છે. હાલ 116843 એક્ટિવ કેસ છે. જેમાંથી 172 દર્દી વેન્ટિલેટર પર છે અને બાકીના તમામ સ્ટેબલ છે. રાજ્યમાં અત્યાર સુધીમાં 895730 દર્દીઓ સાજા થઇ ચૂક્યા છે, તો 10215 દર્દીઓના મૃત્યુ થઇ ચૂક્યા છે. રાજ્યમાં હાલ રિકવરી રેટ ઘટીને 87.58 ટકા પર પહોંચ્યો છે.

આજે ત્રીજી લહેરના સૌથી વધુ મોત

અમદાવાદ શહેરમાં 8, વડોદરા શહેરમાં 1, સુરત શહેરમાં 2, સુરત ગ્રામ્યમાં 2, વડોદરા ગ્રામ્યમાં 1, ખેડામાં 1 અને ભાવનગર ગ્રામ્યમાં 1 દર્દીનું મોત થયું છે.

આજે ક્યાં કેટલા કેસ?

અમદાવાદ શહેરમાં 8627, વડોદરા શહેરમાં 2432, સુરત શહેરમાં 2124, રાજકોટ શહેરમાં 1502, ગાંધીનગર શહેરમાં 612, સુરત ગ્રામ્યમાં 452, ભરૂચમાં 412, વડોદરામાં 409, ભાવનગર શહેરમાં 404, વલસાડમાં 380, આણંદમાં 343, જામનગર શહેરમાં 330, મહેસાણામાં 314, નવસારીમાં 285, રાજકોટ ગ્રામ્યમાં 252, મોરબીમાં 251, પાટણમાં 216, કચ્છમાં 206, ગાંધીનગર ગ્રામ્યમાં 203, બનાસકાંઠામાં 179, અમદાવાદમાં 177, અમરેલીમાં 135, સાબરકાંઠામાં 112, જામનગર ગ્રામ્યમાં 110, ખેડામાં 108, સુરેન્દ્રનગરમાં 103, તાપીમાં 76, દાહોદમાં 69, પોરબંદરમાં 61, જૂનાગઢ શહેરમાં 56, દેવભૂમિ દ્વારકામાં 55, પંચમહાલમાં 55, ગીર સોમનાથમાં 37, ભાવનગરમાં 36, નર્મદામાં 36, અરવલ્લીમાં 18, મહીસાગરમાં 16, જૂનાગઢ ગ્રામ્યમાં 13, બોટાદમાં 7, છોટા ઉદેપુરમાં 7 અને ડાંગમાં 5 કોરોનાના કેસ નોંધાયા છે.

સરકારમાં નોંધાય છે તેના કરતા બમણાં કેસ છેઃ AHNA પ્રમુખ

કોરોનાને લઇ અમદાવાદ શહેરની સ્થિતિ ગંભીર બની રહી છે. આ વચ્ચે AHNAના પ્રમુખ ડૉ.ભરત ગઢવીએ મોટું નિવેદન આપ્યું છે. તેમણે કહ્યું કે, સરકારમાં નોંધાય છે તેના કરતા બમણાં કેસ છે. સેલ્ફ ટેસ્ટ કીટથી ટેસ્ટ કરતા દર્દીઓની સંખ્યા વધી છે. ટેસ્ટ ન કરાવી આઇસોલેટેડ થતા દર્દીઓની સંખ્યા વધુ છે. મોટા ભાગના લોકો જાતે જ દવા લઇ આઇસોલેટેડ થઇ રહ્યાં છે. જાન્યુઆરીના અંત સુધી પીક આવી શકે છે. કોમોર્બીડ, ડાયાબીટીસના દર્દીઓ અને વેક્સિન ન લેનારને વધુ અસર છે. 45થી વધુની વયના લોકો હોસ્પિટલમાં દાખલ થઈ રહ્યા છે.

વેક્સિન ન લેનારા માતા-પિતા માટે ચેતવણી

સિવિલ હોસ્પિટલના સુપરિટેન્ડેન્ટ ડૉ. રાકેશ જોષીએ મહત્વનું નિવેદન આપ્યું છે. તેમણે કહ્યું કે, માતા-પિતાથી બાળકો સંક્રમિત થઈ રહ્યા છે. બાળકોમાં કોરોનાનું સંક્રમણ વધી રહ્યું છે. અમદાવાદની સિવિલમાં 6 બાળકોને કરાયા દાખલ છે. 37 દિવસમાં 12 વર્ષ સુધીના બાળકો કોરોનાની ઝપેટમાં આવ્યા છે. બાળકોના માતા-પિતાએ વેક્સિન ન લીધી હોવાનો ખુલાસો થયો છે. સિવિલ હોસ્પિટલમાં બાળકો માટે 300 બેડની વ્યવસ્થા કરાઈ છે. સૌને વેક્સિન લેવા માટે તબીબોએ અપીલ કરી છે.

ગઇકાલે નોંધાયેલા કેસની વિગત(20-1-2022):

ગુજરાતમાં ગઇકાલે 24 કલાકમાં 24,485 કેસ કોરોના પોઝિટિવ નોંધાયા હતા. જેમાં સૌથી વધુ અમદાવાદમાં 9957 કેસ, સુરતમાં 3709 કેસ તો રાજકોટમાં 1521 કેસ, વડોદરામાં 3194 કેસ સામે આવ્યા હતા. જ્યારે ગાંધીનગરમાં 734 કેસ, ભાવનગરમાં 587 કેસ નોંધાયા હતા. તો 13 લોકોના મોત થયા હતા, 10,310 દર્દીઓ સાજા થયા હતા.