છેલ્લા 24 કલાકમાં દેશમાં કોરોનાના નવા કેસ 25 હજાર 920 કેસ નોંધાય તો આજે ગુજરાતમાં માત્ર 617 કેસ પોઝિટિવ આવતા ચિંતા ટળી
ગુજરાતમાં કોરોનાના કેસમાં ફરી થોડો ઘટાડો
આજે છેલ્લા 24 કલાકમાં 617 કેસ નોંધાયા
ગુજરાતમાં જાન્યુઆરીમાં ત્રણેય લહેરના રેકોર્ડ બ્રેક કેસ સામે આવ્યા બાદ ફેબ્રુઆરીની શરૂઆતથી જ કોરોના કેસો સ્ટેપ બાય સ્ટેપ ઘટી રહ્યા છે. છેલ્લા 24 કલાકમાં 617 કેસ કોરોના પોઝિટિવ આવ્યા છે. આજે સૌથી વધુ અમદાવાદ શહેરમાં 198 કેસ સામે આવ્યા છે જ્યારે સુરત શહેરમાં 24 કેસ તો રાજકોટ શહેરમાં 10 કેસ, વડોદરા શહેરમાં 97 કેસ સામે આવ્યા છે. ગાંધીનગર શહેરમાં 16 કેસ, ભાવનગર શહેરમાં 6 કેસ સામે આવ્યા છે. કોરોનાને લીધે 10 લોકોએ જીવ ગુમાવ્યો છે. જ્યારે 1885 દર્દીઓ સાજા થઇ હેમખેમ ઘેર પરત ફર્યા છે. રાજ્યમાં કુલ એક્ટિવ કેસની સંખ્યા 6736 સુધી પહોંચી ગઈ છે. જ્યારે દર્દીઓ 53 વેન્ટિલેટર પર છે.
દેશમાં કોરોનાની સ્થિતિ
ભારતમાં કોરોનાના કેસોમાં મોટો ઘટાડો જોવા મળી રહ્યો છે. છેલ્લા 24 કલાકમાં દેશમાં કોરોનાના નવા કેસ 25 હજાર 920 કેસ બહાર આવ્યા છે તો કોરોનાથી 66 હજાર 254 દર્દી સ્વસ્થ, 492ના મૃત્યુ પામ્યા છે. ભારતમાં કોરોનાના એક્ટીવ કેસ 2 લાખ 92 હજાર 92 થઈ ગઈ છે. તેમજ અત્યાર સુધી કુલ કેસ 4 કરોડ 27 લાખ 80 હજાર 235 લોકો કોરોનાના ઝપેટામાં આવી ગયા છે. કુલ મૃત્યુઆંક 5 લાખ 10 હજાર 905 છે તો બીજી તરફ કોરોના સામે દૈનિક પોઝિટીવીટી રેટ 2.07 ટકા નોંધાઈ રહ્યો છે.