થોડું સાચવજો / ગઈકાલ કરતા કોરોના કેસમાં નજીવો વધારો, અમદાવાદમાં માત્ર 51 પણ ડાંગ અને તાપીનો આંકડો ચિંતાજનક

• ગુજરાતમાં કોરોનાના દૈનિક કેસમાં સતત ઘટાડો
• આજે છેલ્લા 24 કલાકમાં 128 કેસ કોરોના પોઝિટિવ

ગુજરાતમાં કોરોના નિયંત્રણો ના બરોબર કરી દેવામાં આવ્યા છે. નાઈટ કર્ફ્યૂ પણ મહાનગરોમાંથી હટાવી લેવામાં આવ્યો છે. હવે ત્રીજી લહેર વિદાય લઈ રહી છે. ત્યારે આજે છેલ્લા 24 કલાકમાં 128 કેસ કોરોના પોઝિટિવ આવ્યા છે. કોરોનાને લીધે 01 દર્દીએ જીવ ગુમાવ્યો છે. જ્યારે 305 દર્દીઓ સાજા થઇ હેમખેમ ઘેર પરત ફર્યા છે. રાજ્યમાં કુલ એક્ટિવ કેસની સંખ્યા 1250 સુધી પહોંચી ગઈ છે. જ્યારે 12 દર્દીઓ વેન્ટિલેટર પર છે.અમદાવાદ શહેરમાં માત્ર 51 કેસ જ બહાર આવ્યા છે પણ ચિતાની વાત એ છે કે ડાંગ અને તાપીમાં કોરોના કેસમાં વધારો થયો છે. ડાંગ જિલ્લામાં એકાએક 9 તો તાપીમાં 6 કેસ કોરોના પોઝિટિવ બહાર આવ્યા છે. જો કે આ કેસ સામાન્ય છે પણ આ જિલ્લામાં 3જી લહેરમાં પણ કોરોના નહિવત કેસ જ નોંધાયા હતા.

જિલ્લા પ્રમાણે કોરોના કેસ..

દેશમાં એક્ટિવ કેસ 1 લાખની અંદર
ભારતમાં બે મહિના બાદ કોરોનાના દૈનિક કેસ 7 હજારની નીચે આવ્યા છે. દેશમાં છેલ્લા 24 કલાકમાં કોરોનાના નવા કેસ 6 હજાર 561 નોંધાયા છે જ્યારે 142ના મૃત્યુ થયા છે. એક દિવસમાં 14 હજાર 947 લોકો કોરોનાથી સ્વસ્થ હેમખેમ ઘરે પરત ફર્યા છે. દેશમાં કોરોનાના એક્ટિવ કેસ એક લાખથી નીચે આવી ગયા છેઃ. હવે 77 હજાર 152 કેસ હાલ કોરોનાના સક્રિય છે.ભારતમાં કોરોનાના અત્યાર સુધી કુલ કેસ 4 કરોડ 29 લાખ 45 હજાર 160 કેસ નોંધાયા છે. અને કુલ 4 કરોડ 23 લાખ 53 હજાર 620 દર્દી સ્વસ્થ થયા છે. ભારતમાં કોરોનાથી કુલ મૃત્યુઆંક 5 લાખ 14 હજાર 388 પર પહોંચી ગયો છે.