સારા સમાચાર / કોરોનાની વિદાય નજીકઃ ગુજરાતમાં નવા 116 કેસ, 1 દર્દીનું મોત, જાણો જિલ્લાવાર આંકડા

• ગુજરાતમાં કોરોના કેસમાં નોંધપાત્ર ઘટાડો
• આજે છેલ્લા 24 કલાકમાં 116 કેસ નોંધાયા

ગુજરાતમાં કોરોનાના આંકડો ફેબ્રુઆરીના શરૂઆતથી અંત સુધી સતત ઘટી રહ્યો હતો. માર્ચ મહિનાની શરૂઆતમાં ગઈકાલે કેસ વધારે આવ્યા હતા. જે બાદ આજે છેલ્લા 24 કલાકમાં 116 કેસ કોરોના પોઝિટિવ આવ્યા છે. કોરોનાને લીધે 01 દર્દીએ જીવ ગુમાવ્યો છે. જ્યારે 334 દર્દીઓ સાજા થઇ હેમખેમ ઘેર પરત ફર્યા છે. રાજ્યમાં કુલ એક્ટિવ કેસની સંખ્યા 1428 સુધી પહોંચી ગઈ છે. જ્યારે 14 દર્દીઓ વેન્ટિલેટર પર છે.

જિલ્લા પ્રમાણે કોરોના કેસ..

દેશમાં કોરોના કેસમાં ગઈકાલની સરખામણીએ નજીવો વધારો
દેશમાં કોરોના સંક્રમણની બાબતમાં થોડા ચિંતાજનક સમાચાર સામે આવી રહ્યા છે. કોરોનાના દૈનિક નવા કેસમાં ગઈ કાલની તુલનાએ નજીવો વધારો થતાં આરોગ્ય તંત્ર એલર્ટ થઈ ગયું છે. નિષ્ણાતોના જણાવ્યા અનુસાર કોરોનાની ત્રીજી લહેર સમાપ્ત થવાના આરે હોય તો નવા દૈનિક કેસમાં નજીવો વધારો પણ થવો જોઈએ નહીં. આ વધારો નવી લહેર લાવી શકે છે.કેન્દ્રીય આરોગ્ય મંત્રાલયના જણાવ્યા અનુસાર દેશમાં છેલ્લા ૨૪ કલાકમાં કોરોનાના ૭,૫૫૪ નવા કેસ સામે આવ્યા છે અને ૨૨૩ સંક્રમિતોનાં મોત થયાં છે. ઉલ્લેખનીય છે કે ગઈ કાલે દેશમાં કોરોનાના ૬,૯૧૫ નવા કેસ નોંધાયા હતા.રાહતની વાત એ છે કે ૨૪ કલાકમાં દેશમાં ૧૪,૧૨૩ સંક્રમિતો કોરોનામુક્ત થતાં એક જ દિવસમાં ૬,૫૬૯ એક્ટિવ કેસ ઘટ્યા છે. આ સાથે દેશમાં કોરોનાના કુલ કેસની સંખ્યા હવે ૪,૨૯,૩૮,૫૯૯ થઈ છે અને તેની સામે અત્યાર સુધીમાં કુલ ૪,૨૩,૩૮,૬૭૩ દર્દીઓએ કોરોનાને માત આપતાં હવે દેશમાં કોરોનાના કુલ એક્ટિવ કેસની સંખ્યા ૮૫,૬૮૦ પર પહોંચી છે. દેશમાં કોરોનાનો કુલ મૃત્યુઆંક ૫,૧૪,૨૪૬ થયો છે.]