બેંગ્લૂરુના મંજુશ્રી કોલેજ ઓફ નર્સિંગના 210 વિદ્યાર્થીમાંથી 40 પોઝિટિવ આવ્યા અને અન્ય એક ફ્લેટના 103 લોકો પોઝિટિવ આવ્યા છે.
કર્ણાટકમાં કોરોના બ્લાસ્ટ
એક જ કોલેજના 40 વિદ્યાર્થીઓ આવ્યા કોરોના પોઝિટિવ
18 હોસ્પિટલમાં એડમિટ અન્ય સેલ્ફ આઈસોલેશનમાં
બેંગ્લૂરુના મંજુશ્રી કોલેજ ઓફ નર્સિંગના 210માંથી 40 વિદ્યાર્થીઓ કોરોના સંક્રમિત મળ્યા છે. જેમાંથી 18ને વિક્ટોરિયા હોસ્પિટલમાં એડમિટ કરાયા છે તો અન્યને સેલ્ફ આઈસોલેશનમાં રાખવામાં આવ્યા છે. મોટાભાગના પોઝિટિવ આવનારા વિદ્યાર્થીઓ કેરળના રહેવાસી છે.
કર્ણાટકમાં થયો કોરોના બ્લાસ્ટ
કેરળમાં સતત વઘી રહેલા કોરોનાની વચ્ચે કર્ણાટકમાં કોરોના બ્લાસ્ટ થયો છે. અહીં એક જ કોલેજના 40 વિદ્યાર્થીઓ અને અન્ય એક એપાર્ટમેન્ટના 103 લોકો પણ સંક્રમિત આવ્યા છે. બેંગ્લૂરુના મંજુશ્રી કોલેજ ઓફ નર્સિંગના 210માંથી 40 વિદ્યાર્થીઓ કોરોના સંક્રમિત મળ્યા છે. જેમાંથી 18ને વિક્ટોરિયા હોસ્પિટલમાં એડમિટ કરાયા છે તો અન્યને સેલ્ફ આઈસોલેશનમાં રાખવામાં આવ્યા છે. મોટાભાગના પોઝિટિવ આવનારા વિદ્યાર્થીઓ કેરળના રહેવાસી છે.
એસએનએન રાજ લેકવ્યૂ એપાર્ટમેન્ટમાં વકર્યો કોરોના
બેગ્લૂરૂના એસએનએન રાજ લેકવ્યૂ એપાર્ટમેન્ટના 103 લોકોને એકસાથે કોરોના થયો છે, તેમાં 96 લોકો 60 વર્ષથી વધુ ઉંમરના છે. બેંગ્લૂરુ મહાનગરપાલિકાના કમિશ્નરે આ વાતની જાણકારી આપી છે અને કહ્યું કે આ દિશામાં ખાસ પગલાં લેવાશે.
કર્ણાટકમાં કેરળથી આવનારાને લઈને સખ્તી
કોરોનાના નવા કેસ સામે આવ્યા બાદ કર્ણાટકમાં કેરળથી આવી રહેલા લોકોને લઈને કડકાઈ વર્તવામાં આવી રહી છે. રાજ્ય પ્રશાસનના આધારે કેરળથી કર્ણાટકના હોટલ, રિસોર્ટ, હોસ્ટેલ અને અન્ય કોઈ આવાસ પર રહેનારા માટે 72 કલાક પહેલાનો નેગેટિવ રિપોર્ટ આરટીપીસીઆરનો હોવો જોઈશે.
તપાસમાં જો કોઈ પોઝિટિવ આવશે તો તેમને NIMHANS મોકલવામાં આવશે. અહીં કોવિડ નોડલ અધિકારીની અનુમતિ વિના હોસ્ટેલ અને કોલેજમાં રહેનારાને તેમના સંબંધીઓને મળવા દેવાશે નહીં. સંબંધિત વિભાગે કેરળના કર્ણાટક આવેલા સ્ટુડન્ટનું લિસ્ટ તૈયાર રાખવાનું રહેશે. આ નિયમ કંપનીઓ અને આરડબલ્યૂએ માટે પણ લાગૂ કરાશે.