ચીનમાં 2020 કરતા પણ કોરોનાની બદ્દત્તર સ્થિતિ, લાખો લોકો ઘરોમાં કેદ, કોરોના ટેસ્ટને લઇને મારામારી
ચીનમાં કોરોના વકર્યો
10 શહેરોમાં લોકડાઉન
મેડિકલ સપ્લાય માત્ર 2-3 દિવસ ચાલે તેટલો
ચીનમાં ફરી એકવાર કોરોના વકર્યો છે. એવું માનવામાં આવી રહ્યું છે આ વખતે તો 2020 કરતા પણ ખરાબ સ્થિતિ ખરાબ છે. ચીનમાં છેલ્લા ઘણા અઠવાડિયાથી કોરોનાના કેસનો રાફડો ફાટ્યો છે. જેને લઇને ભારતમાં ચિંતાની લહેર જોવા મળી રહી છે. કોરોનાના કેસને જોતા ચીનના કેટલાક શહેરોમાં તો લોકડાઉનની સ્થિતિ જોવા મળી છે ત્યારે એક્સપર્ટ્સનુ માનવુ છે કે આવનાર દિવસોમાં ચીનમાં મેડિકલ સુવિધાઓ પર દબાણ વધી શકે છે.
ઝીરો કોવિડ નીતિ અપનાવશે
કોરોનાને જોતા ચીનના ઘણા શહેરોમાં અસ્થાયી હોસ્પિટલો તૈયાર કરવામાં આવી છે. આ દરમિયાન ચીનના રાષ્ટ્રપતિ શી જિનપિંગે કહ્યું છે કે દેશ 'ઝીરો કોવિડ પોલિસી'ને વળગી રહેશે. માહિતી અનુસાર, છેલ્લા 10 અઠવાડિયામાં, ચીનમાં 14000 થી વધુ કેસ નોંધાયા છે અને ઓમિક્રોન વેરિઅન્ટમાં સૌથી વધુ કેસ છે. આ કારણે ઘણી જગ્યાએ લોકડાઉન પણ લાગુ કરવામાં આવ્યું છે. એવું કહેવામાં આવી રહ્યું છે કે ચીનના આ લોકડાઉનથી દેશની અર્થવ્યવસ્થા પર પણ ખરાબ અસર પડી શકે છે.
કોરોના ટેસ્ટને લઇને મરામારી
મીડિયા રિપોર્ટ્સ અનુસાર, કોરોના ટેસ્ટને લઈને ચીનમાં ઘણી જગ્યાએ લડાઈ ચાલી રહી છે. આ સિવાય ચીનની કડક 'ઝીરો કોવિડ પોલિસી' હેઠળ લોકોને ક્વોરેન્ટાઈન કરવામાં આવી રહ્યા છે. ચીનમાં, કોરોનાથી સૌથી વધુ પ્રભાવિત જિલિનની હોસ્પિટલોમાં ક્વોરેન્ટાઇનિંગ માટે જગ્યા ઓછી પડી રહી છે. એક સ્થાનિક અધિકારીએ જણાવ્યું કે અહીં કોરોનાને રોકવા માટે માત્ર 2-3 દિવસનો મેડિકલ સપ્લાય ઉપલબ્ધ છે.
લાખો લોકો છે ઘરોમાં કેદ
ચીનના ઘણા શહેરોમાં લોકડાઉનના કારણે કરોડો લોકો તેમના ઘરોમાં કેદ છે. જે પ્રાંતમાં કોરોનાના કેસ વધુ આવી રહ્યા છે ત્યાં લોકડાઉન લાગુ કરવામાં આવી રહ્યું છે. અત્યાર સુધીમાં ચીનના 10 શહેરોમાં લોકડાઉન લાગુ કરવામાં આવ્યું છે. સાથે જ આરોગ્ય અધિકારીઓએ ચેતવણી આપી છે કે વધુ કડક નિયંત્રણો લાદવામાં આવી શકે છે.
હવે નિયમો વધુ કડક થશે
ઓક્સફર્ડ યુનિવર્સિટીના રોગશાસ્ત્રના પ્રોફેસર ચેન ઝેંગમિને કહ્યું છે કે આગામી દિવસોમાં નિયંત્રણો વધુ કડક કરવામાં આવશે, જે બતાવશે કે તે ચેપને રોકવા માટે પૂરતું છે કે કેમ. કોરોનાના વધતા કેસ વચ્ચે એવું કહેવામાં આવી રહ્યું છે કે ચીનમાં વૃદ્ધોને બૂસ્ટર ડોઝ આપવામાં આવ્યો નથી. 17 મિલિયનની વસ્તી ધરાવતા શેનઝેનમાં લોકોને કડક શબ્દોમાં કહેવામાં આવ્યું છે કે ઘરની જરૂરી વસ્તુઓ લાવવા માટે ઘરનો એક જ સભ્ય બહાર આવશે.