દુનિયાભરમાં હાલમાં કોરોના વાયરસ રોગચાળાનો કહેર ચાલી રહ્યો છે, ત્યારે હવે અત્યાર સુધી અમેરિકા અને યુરોપને ઘમરોળી રહેલા આ વાયરસે ફરીથી તેના જન્મસ્થાન એવા દેશની વાટ પકડી છે, જી હા હેવ ફરીથી ચીનમાં કોરોના વાયરસ નવેસરથી માથું ઊંચકી રહ્યો છે અને જેના લીધે ચીનના હેબઈ પ્રાંતમાં વધુ એકવાર લોકડાઉન લગાવી દેવાયું છે. જાપાનની રાજધાની ટોક્યોમાં પણ ફરીથી ઇમરજન્સી લાગૂ કરી દેવામાં આવી છે. અમેરિકામાં અત્યાર સુધી 20 લાખ જેટલા બાળકોને કોરોનાના ચેપની પુષ્ટિ થઇ છે.
અમેરિકા અને યુરોપને ઘમરોળતા કોરોનાનો એશિયામાં પગપેસારો
ચીન અને જાપાનમાં નોંધાયા ચિંતાજનક કેસ, જાપાનમાં લગાવાઇ ઇમરજન્સી
ચીનમાં હેબેઇમાં લોકડાઉન, દસ હાઇવે બંધ કરી પ્રતિબંધો લાગૂ કર્યા
ચીનમાં છેલ્લા 5 મહિનામાં છેલ્લા 24 કલાકમાં સૌથી વધુ કોરોના સંક્રમિતોના નવા કેસ સામે આવ્યા છે. હાલમાં ચીનમાં કુલ સંક્રમણની સંખ્યા વધીને 87, 278 જેટલી થઇ ગઈ છે અને મોતનો કુલ આંકડો 4634નો થઇ ગયો છે.
રાજધાની બેજિંગને અડીને આવેલા હેબેઈ પ્રાંતમાં કન્ટિન્યુસલી નવા કોરોના કેસો સામે આવી રહયા છે અને હાલમાં ત્યાં ઘણા પ્રતિબંધો લાગૂ કરી દેવામાં આવ્યા છે, ચીનમાં ઘણા ક્ષેત્રોમાં લોકડાઉન લગાડી દેવાયું છે, ગોન્ગડોન્ગ પ્રાંતમાં સાઉથ આફ્રિકાથી આવેલા નવા કોરોના સ્ટ્રેઇનની પણ પુષ્ટિ થઇ છે અને શિંજિયાંગ પ્રાંતમાં મોટા પાયે ટેસ્ટિંગ શરુ કરી દેવામાં આવી છે. અહીંથી પસાર થઇ રહેલા 10 હાઇવે પણ હાલ બંધ કરી દેવામાં આવ્યા છે.
જાપાનમાં 7 ફેબ્રુઆરી સુધી ઇમરજન્સી
પૂર્વી એશિયાના મહાવપૂર્ણ દેશ જાપાનમાં પણ કોરોના સંક્રમણના કેસોમાં લગાતાર વધારો થઇ રહ્યો છે જેને લઈને હાલમાં ત્રણ ક્ષેત્રોમાં ઇમર્જન્સી લગાડી દેવામાં આવી છે. રાજધાનીમાં રોજના અઢી હજારથી વધુ નવા કેસો સામે આવી રહયા છે. આ ઇમરજન્સી આગામી 7 ફેબ્રુઆરી સુધી ચાલુ રહેવાની છે અને છેલ્લા 24 કલાકમાં જાપાનમાં અહીં 6076 નવા કેસો સામે આવ્યા છે. કોરોનાના કુલ કેસો વધીને 2 લાખ 58 હાજર 393 સુધી પહોંચી પહોંચી ગઈ છે. અહીં છેલ્લા 24 કલાકમાં કોરોનાથી 72 લોકોના મોત થયા છે.
બ્રિટનમાં ત્રીજી વાર લોકડાઉન લગાવવામાં આવ્યું
બ્રિટેનમાં છેલ્લા 24 કલાકમાં એપ્રિલ બાદ મોતના આંકડામાં સૌથી મોટો વધારો નોંધાયો છે. અહીં એક દિવસમાં 1162 જેટલા લોકો મૃત્યુ પામ્યા છે અને બ્રિટેનમાં અત્યાર સુધી કુલ 28 લાખ 89 હજાર અને 419 જેટલા લોકો સંક્રમિત થઇ ચૂક્યા છે અને 78,508 જેટલા લોકો મૃત્યુ પામ્યા છે. કોરોનાથી સૌથી વધુ પ્રભાવિત દેશીની યાદીમાં બ્રિટેન હવે પાંચમા નમ્બર પર છે.