ગુજરાતમાં કોરોનાની વકરતી સ્થિતિ યથાવત્ છે. તેમાં પણ રાજ્યના 4 મોટા શહેર સુરત, રાજકોટ, અમદાવાદ અને વડોદરામાં કોરોનાના સંક્રમણમાં સતત વધારો થઇ રહ્યો છે. તેવામાં પણ દિવાળી બાદ સુરતમાં કોરોનાના કેસમાં વધારો થયો છે. તેવામાં સુરતથી વધુ એક ચિંતાજનક સમાચાર સામે આવી રહ્યા છે.
સુરતમાં કોરોના કેસમાં વધારો
એક્ટિવ કેસો વધ્યા, રિકવરી રેટ ઘટ્યો
દિવાળી સમયે એક્ટિવ કેસ 1300 સુધી થઈ ગયા
દિવાળી બાદ સુરતમાં કોરોના કેસમાં વધારો નોંધાઇ રહ્યો છે. કોરોના કેસ વધતા એક્ટિવ કેસો પણ વધ્યા છે. સુરત શહેરમાં 10 દિવસમાં 546 એક્ટિવ કેસ વધ્યા છે. બીજી તરફ સુરત શહેરમાં રિકવરી રેટમાં પણ ઘટાડો થયો છે. 94% ઉપર રહેતો રિકવરી રેટ હવે ઘટી 93% થયો છે. ગઈકાલ સાંજ સુધીમાં એક્ટિવ કેસો 1834 પહોંચ્યા છે. દિવાળી સમયે એક્ટિવ કેસ 1300 સુધી થઈ ગયા હતા.