દેશ ભરમાં કોરોનાના કેસ વધી રહ્યા છે ત્યારે સુપ્રીમ કોર્ટના બે જજ પણ કોરોનો પોઝિટીવ આવ્યા છે. જેથી હવે ઘરથી જ ઓનલાઈન સુનાવણી હાથ ધરવામાં આવશે
સુપ્રીમ કોર્ટના બે જજ કોરોના પોઝિટિવ
સુપ્રીમ કોર્ટ પણ હવે વર્ક ફ્રોમ હોમ મોડ પર
હવેથી ઓનલાઈન સુનાવણી હાથ ધરાશે
દેશમાં કોરોનાના કેસ વધી રહ્યા છે ત્યારે સુપ્રીમ કોર્ટના બે જજનો રિપોર્ટ પણ પોઝિટીવ આવ્યો છે. જેથી હવે સુપ્રિમ કોર્ટ પણ વર્ક ફ્રોમ હોમના મોડ પર આવી ગઈ છે. કોર્ટમાં ચિફ જસ્ટિસ સહિત પાંચ શીર્ષસ્થ જજ પણ સાડા દસ વાગ્યા પછી ન આવ્યા તો બધાને લાગ્યું કે મીટિંગ ચાલી રહી હશે. પરંતુ બાદમાં ખુલાસો થયો કે પાંચેય જજ સુપ્રિમ કોર્ટ પરિસરમાં કોવિડની સ્થિતીની સમીક્ષા અને પરિસ્થિતીનો સામનો કરવાનો પ્રયાસ કરી રહ્યા હતા.
2020 જેવી પરિસ્થિતી ફરી આવી
ન્યાયાધિશો વચ્ચે જે મીટિંગ થઈ તે પ્રમાણે હવે દરેક જજ તેમના ઘરેજ સુનાવણી કરશે. એટલેકે ફરી પહેલા જેવી પરિસ્થિતી આવી ગઈ છે. માર્ચ 2020માં જ્યારે કોરોનાની એન્ટ્રી થઈ ત્યારે વર્ચ્યુઅલ સુનાવણી કરવામાં આવી હતી. તે સમયે તો રજિસ્ટાર તેમજ સ્ટાફ પણ વર્ક ફ્રોમ હોમ મોડમાં જતા રહ્યા હતા.
ઓનલાઈન સુનાવણી હાથ ધરાશે
2021ના અંતમાં કોર્ટ ફરી ફિઝિકલ સુનાવણી માટે તૈયાર થઈ હતી. પરંતુ કોરોનાની ત્રીજી લહેરને કારણે પરિસ્થિતી પાછી જેવી પહેલા હતી તેવીજ થઈ ગઈ છે. એટલે હવે સુનાવણી વખતે વીડિયોમાં અલગ અલગ સ્ક્રીન પર જજ અને વકીલ રહેશે.
કોરોનાના વધતા કેસ ચિંતાનો વિષય
ઉલ્લેખનીય છે કે કોરોનાના વધતા કેસ હવે દેશ માટે ચિંતાનો વિષય બન્યો છે. ત્યારે હવે તો સુપ્રિમ કોર્ટના જજ પણ પોઝિટિવ આવ્યા છે. જેના કારણે પરિસ્થિતી હવે વધારે ગંભીર બનતી જાય છે. ખાસ કરીને મહારાષ્ટ્ર અને દિલ્હીમાં સૌથી વધારે કેસ નોંધાયા છે. સાથેજ અહીયા તો ઓમિક્રોનના કેસ પણ દિવસેને દિવસે વધી રહ્યા છે.