વેક્સિન / આ કંપની ભારતમાં હવે માત્ર 500 રૂપિયામાં વેક્સિનના 2 ડોઝ આપશે

• 400 રૂપિયાથી પણ ઓછા ભાવમાં મળશે વેક્સિનના બે ડોઝ 
• ગુજરાતમાં છે એક જ વેક્સિનના અલગ અલગ છે ભાવ
• અમદાવાદના GMDC ગ્રાઉન્ડમાં વેક્સિનનો રૂપિયા 1000 ચાર્જ

400 રૂપિયાથી પણ ઓછા ભાવમાં મળશે વેક્સિનના બે ડોઝ 

વેક્સિનને લઈ ખૂબ જ સારા સમાચાર આવી રહ્યા છે, જેમાં દેશમાં હવે એકદમ ઓછા ભાવમાં વેક્સિન મળતી થઈ જશે. ભારતમાં જ આ વેક્સિનનું ઉત્પાદન થશે. જો વિસ્તાર પૂર્વક આ વાત સમજીએ તો ભારતન કંપની "બાયોલોજિકલ-ઈ" એ  કોરબેવેક્સ નામની રસી બનાવી છે. જેનો ત્રીજા ફેઝનો ટ્રાયલ ચાલી રહ્યો છે. જ્યારે આ ટ્રાયલનું છેલ્લું પરિણામ આવી જશે એટલે તરતજ આ વેક્સિનને મળી જશે. જો આ વેક્સિનની કિંમતની વાત કરીએ તો આ વેક્સિનના બંને ડોઝની કિંમત 500 રૂપિયાથી પણ ઓછી હશે. આ વાત કંપનીના નિર્દેશક મહિમા દલાલે કહી હતી. તેમણે કહ્યું કે હજી છેલ્લી કિંમત અમે વેક્સિન લોન્ચ કરતાં સમયે જણાવીશું.   

ગુજરાતમાં છે એક જ વેક્સિનના અલગ અલગ છે ભાવ 
બીજી તરફ રાજ્ય સરકારે ઓનસ્પોટ રજિસ્ટ્રેશન માટે મનાઇ ફરમાવી છે અને રાજ્યમાં વેક્સિન માટે ઓન લાઇન રજિસ્ટ્રેશન ફરજિયાત કરવામાં આવ્યું છે ત્યારે AMCએ એપોલો હોસ્પિટલને PPP ધોરણે વેક્સિનેશન માટે મંજૂરી આપતા સરકાર સામે અનેક સવાલો ઉઠી રહ્યા છે. રાજ્ય સરકારના નિયમ વિરૂદ્વ AMCએ ઓનસ્પોટ રજિસ્ટ્રેશનને મંજૂરી કેવી રીતે આપી શકે છે. વધુમાં AMCએ પોતાના 4 ડ્રાઇવ થ્રુ વેક્સિન સેન્ટર બંધ કરી દીધા છે. AMCએ પોતાના ડ્રાઇવ થ્રુ વેક્સિનેશન સેન્ટર કેમ બંધ કરી દીધા? એપોલોને ડ્રાઇવ થ્રુ વેક્સિન મંજૂરી આપવા પાછળ AMCનો શો ઉદ્દેશ્ય છે ? ખાનગી હોસ્પિટલ માટે ઓનસ્પોટ રજિસ્ટ્રેશન તો સરકારી કેન્દ્રો પર કેમ નહી ? 

અમદાવાદના GMDC ગ્રાઉન્ડમાં વેક્સિનનો રૂપિયા 1000 ચાર્જ
સમગ્ર મામલે કોંગ્રેસ દ્વારા સરકારને સરકાર પર આકરા પ્રહારો કરવામાં આવી રહ્યા છે સરકારની કહેની અને કથનીમાં ફર્ક જણાઈ રહ્યો છે, મહત્વનું છે કે GMDC ગ્રાઉન્ડમાં વેક્સિનનો રૂપિયા 1000 ચાર્જ લેવામાં આવી રહ્યો છે ત્યારે અર્જૂન મોઢવાડિયાએ તેને અયોગ્ય ગણાવ્યો હતો. મોઢવાડિયાએ જણાવ્યું હતું કે વેક્સિન માટે રૂ.1000નો ચાર્જ તાત્કાલિક રદ કરવા જોઇએ. સરકાર કોંગ્રેસની પોલીયો-ક્ષયની વેક્સિનેશનની પદ્ધતિ અપનાવે તેવી કોંગ્રેસ દ્વારા માંગ કરવામાં આવી રહી છે.