ફિલ્લ જય ભીમ ફરી કાનૂની ચક્કરોમાં ફસાઈ છે. ફિલ્મનાં નિર્માતાઓ પર કૉપીરાઇટનો કેસ થયો છે. જાણો વિગતવાર
ફિલ્મ જય ભીમ ફરી ફસાઈ કાનૂની દાવપેંચમાં
કોપીરાઇટનો કેસ
વન્નીયાર સમુદાયને લઈને પણ ઊભો થયો હતો વિવાદ
સાઉથના સુપરસ્ટાર સૂર્યાની ફિલ્મ જય ભીમ ઘણા સમયથી વિવાદોમાં છે. પરંતુ હવે ફિલ્મનાં ડાયરેક્ટર ડીજે જ્ઞાનવેલ અને સૂર્યા 2ડી એન્ટરટેઇનમેન્ટ સામે વી કૂલંજીયપ્પન નામનાં વ્યક્તિએ કૉપીરાઇટ એક્ટનો મામલો દાખલ કરાવ્યો છે. એક ઓનલાઈન પોર્ટલમાં છપાયેલ સમાચાર અનુસાર, ડાયરેક્ટર અને પ્રોડક્શન હાઉસ સામે ચેન્નાઈનાં શાસ્ત્રી નગર પોલીસ સ્ટેશનનાં માધ્યમથી કૉપીરાઇટ અધિનિયમની કલમ 63 (એ) હેઠળ મામલો દાખલ કરવામાં આવ્યો છે.
કૂલંજીયપ્પનને વચન આપ્યા પ્રમાણે નથી આપવામાં વળતર
એમ કહેવાઈ રહ્યું છે કે વર્ષ 2019માં જ્ઞાનવેલે શૂટિંગ પહેલા કૂલંજીયપ્પન સાથે મુલાકાત કરી હતી અને તેમની લાઇફ સ્ટોરી માટે રોયલ્ટી તરીકે 50 લાખ રૂપિયા આપવાનું વચન આપ્યું હતું. સાથે જ તેમને ફિલ્મના પ્રોફિટમાં પણ હિસ્સો આપવાનું વચન આપવામાં આવ્યું હતું. જોકે, હવે સમાચારો મળી રહ્યા છે કે કૂલંજીયપ્પનને વચન અનુસાર વળતર આપવામાં આવ્યું નથી.
કૂલંજીયપ્પન પાસેથી નહોતી લેવામાં આવી પરમીશન
સાઉથની એક ચેનલ સાથે વાત કરતાં કૂલંજીયપ્પનનાં વકીલે કહ્યું કે કૉપીરાઇટ એક્ટ હેઠળ નિર્માતાઓએ મારા ક્લાઈન્ટ પાસેથી લેખિત અનુમતિ લેવી જોઈતી હતી. જોકે, અત્યાર સુધી કોઈ આવી પરમીશન લેવાઈ નથી. એટલા માટે મારા ક્લાઈન્ટની લાઇફ સ્ટોરી પર આધારિત ફિલ્મ બનવી અને તેમની પરમીશન વિના પૈસા કમાવા અપરાધ છે.
વન્નીયાર સમુદાયને લઈને પણ ઊભો થયો હતો વિવાદ
તમારી જાણકારી માટે જણાવી દઈએ કે મદ્રાસ હાઇ કોર્ટે સૂર્યા, જ્યોતિકા અને ટીજે જ્ઞાનવેલ સામે એક મામલો રદ્દ કર્યો છે. તે મામલા અનુસાર એમ દાવો કરવામાં આવ્યો હતો કે ફિલ્મમાં વન્નીયાર સમુદાયને ખરાબ રીતે દર્શાવવામાં આવ્યો છે. હાઇકોર્ટનાં આદેશ બાદ બે અઠવાડિયાની અંડર જ ફિલ્મ નિર્માતાઓને ફરી એક લીગલ તકલીફનો સામનો પડી રહ્યો છે.