લ્યો બોલો / VIDEO: કાળઝાળ ગરમીમાં પણ ડાન્સ બંધ ન થવો જોઈએ, વરઘોડામાં કુલર સાથે લઈને પહોંચ્યો યુવક

• જાનમાં ગરમી ન લાગે એટલા માટે કરી કૂલરની વ્યવસ્થા 
• જાનૈયાઓને નાચવામાં તકલીફ ન પડે એટલે રીક્ષામાં ગોઠવ્યું કૂલર 
• સોશિયલ મીડિયા પર વીડિયો વાયરલ 

જાનમાં ગરમી ન લાગે એટલા માટે કરી કૂલરની વ્યવસ્થા

મધ્યપ્રદેશથી એક અજબ ગજબ કિસ્સો સામે આવ્યો છે, જેની ચર્ચા આખા દેશમાં જોવા મળી રહી છે. સોશિયલ મીડિયા પર  મધ્યપ્રદેશના ટીકમગઢ જીલ્લાની એક જાનનો વીડિયો ખૂબ જ વાયરલ થઇ રહ્યો છે. આ જાનમાં જાનૈયાઓની સુવિધા માટે રીક્ષામાં કૂલર લગાવવામાં આવ્યું છે, જેથી તેમણે આ ભીષણ ગરમીમાં પરસેવો ન થાય અને તેઓ આરામથી જાનમાં મજા માણી શકે. 

pic.twitter.com/MGvHW8pdmP

— Mandar (@mandar199325) April 22, 2022

કૂલરની ઠંડી હવામાં નાચતા જોવા મળ્યા જાનૈયાઓ 
ટીકમગઢમાં એક અલગ જ અંદાજમાં નગરવાસીઓને જાન જોવા મળી, જેમાં જાનમાં ડીજેની સાથે સાથે કૂલર પણ રીક્ષામાં રાખેલ જોવા મળ્યું હતું અને તેની ઠંડી ઠંડી હવામાં જાનૌયાઓ નાચતા ઝૂમતા પણ જોવા મળ્યા હતા. આ પ્રકારનું દ્રશ્ય જાનમાં પહેલી વાર જોવા મળ્યું હતું, જેને રસ્તા પર લોકો ઉભા રહીને જોતા હતા. 

જીલ્લામાં તાપમાન 42 ડીગ્રીની આસપાસ 
લોકો લગ્નનાં આ મુહૂર્તમાં ધામધૂમથી લગ્ન કરી રહ્યા છે. આ જીલ્લામાં તાપમાન લગભગ 42 ડીગ્રીની આસપાસ છે. આવામાં જાનૈયાઓ ગરમીથી બચવા માટે જાન સાથે ચાલતા જનરેટર સાથે કનેક્શન જોડીને કૂલરની ન માત્ર વ્યવસ્થા કરી લીધી, પણ જાનમાં નાચવા માટે ગરમી ન નડે એટલા માટે પણ પૂરી તૈયારીઓ કરી લીધી. હવે આ જાનનો વીડિયો સોશિયલ મીડિયા પર વાયરલ થઇ રહ્યો છે.