સાવચેતી / રસોઈમાં તળતી વખતે વધુ સમય સુધી તેલ ગરમ કરતા હોવ તો ચેતી જજો, કારણ કે

• એક જ તેલને વારેઘડી ગરમ કરવું ખતરનાક
• હેલ્થને થાય છે મોટા નુકસાન
• જાણો તેલને યૂઝ કરવાની ખાસ ટ્રિક્સ

 
રસોઈમાં ખાવાનું બનાવતી સમયે તેલનો ઉપયોગ જરૂરી છે. પણ જરૂરી નથી કે દરેક  વ્યક્તિ તે જ તેલનો ઉપયોગ કરે જેનો તમે કરો છો. કેટલાક લોકો ખાવાનું બનાવવા સરસિયાનું તેલ, ઓલિવ ઓઈલ કે રિફાઈન્ડ ઓઈલનો ઉપયોગ કરે છે. જો તમે પણ તેલમાં ખાવાનું બનાવો છો તો તેલના ઉપયોગને લઈને પણ કેટલીક ટેક્નિક હોય છે જેને જાણી લેવાથી તેલથી હેલ્થને નુકસાન પણ નહીં થાય અને સાથે તમે તેને સારી રીતે અનેક ઉપયોગમાં લઈ શકો છો. જાણો શું ધ્યાન રાખવાનું રહેશે. 
 

તેલથી ધુમાડો નીકળે તો આ કામ કરો
ખાવાનું બનાવતી સમયે અનેક ચીજોને તમે ઈગ્નોર કરો છો. આ ચીજમાં તમે એક ચીજ તેલનું ગરમ થઈને તેમાંથી નીકળતો ધુમાડો પણ છે. જ્યારે તેલ વધારે ગરમ થઈ જાય છે ત્યારે તેમાંથી ધુમાડો નીકળે છે. જો વધારે સમય સુધી આવું રહે તો તેલ બળવા લાગે છે. જ્યારે પણ તેલમાંથી ધુમાડો નીકળે તો ગેસ ધીમો કરો કે તેને બંધ કરી લો. 

 
ફેટી એસિડ કરે છે નુકસાન
ઘણા ઓછા લોકો જાણે છે કે તેલમાં સેચ્યુરેટેડ ફેટ, મોનોસેચ્યુરેટેડ ફેટ અને પોલીઅનસેચ્યુરેટેડ ફેટ હોય છે. જ્યારે પણ એક જ તેલને વારેઘડી ગરમ કરો તો તેનો ઉપયોગ કરવાનું હેલ્થ માટે હાનિકારક હોઈ શકે છે. માટે એક જ તેલને વારેઘડી ઉપયોગમાં લેવાનું ટાળવું. 
 

એક સાથે બધી વસ્તુઓને ન તળો
અનેક લોકોને આદત હોય છે કે તેઓ તેલ ગરમ થતાં એકસાથે તેમાં અનેક ચીજો ફ્રાય કરવા માટે રાખે છે. જો તમે પણ આવું કરો છો તો સાવધાન રહો. જ્યારે તમે તેલમાં એક સાથે અનેક ચીજો નાંખો છો તો તેલનું તાપમાન ઘટી જાય છે. એવામાં તેલમાં નાંખેલી ચીજો વધારે તેલ શોષી લે છે. માટે તેલમાં થોડી થોડી વસ્તુઓ નાંખો અને ફ્રાય કરો. 

 
જૂના તેલનો આ રીતે કરો ઉપયોગ
જો તમે એક કે વધારે વખત ઉપયોગમાં લેવાયેલા તેલને ફરીથી ઉપયોગમાં લો છો તો તેના માટે તમે એક ખાસ ટ્રિક અપનાવી શકો છો. જ્યારે યૂઝ કરેલું તેલ ઠંડુ થાય તો તેને ગાળી લો. તેને કોઈ એર ટાઈટ ડબ્બામાં ભરી લો. આમ કરવાથી તેમાં રહેલા ફૂડ પાર્ટિકલ્સ નીકળી જશે. આ તેલને તમે પરાઠા બનાવવામાં ઉપયોગમાં લઈ શકો છો.