તમે સાંભળ્યું હશે કે કોઇ પણ વ્યક્તિનું દિલ જીતવું હોય તે તેને સ્વાદિષ્ટ ભોજન ખવડાવો. હિન્દીમાં એક કહેવત છે કે દિલ કા રાસ્તા પેટ સે હોકર ગુઝરતા હે. જો તમને રસોઇ બનાવવાનો શોખ છે તો અમે તમને જણાવીશું કેટલીક એવી બાબતો જેના દ્વારા તમે બની શકશો રસોડાના એક્સપર્ટ.
રાંધવું પણ છે એક અલગ કળા
કુકિંગ મેનેજમેન્ટ પણ જરૂરી
રસોડાની રાણી બનો ચપટી વગાડતા
હાલના આ આધુનિક સમયમાં જ્યારે આપણા સૌની લાઇફ આટલી બીઝી છે તો રસોઇ બનાવવામાં સમય વધારે જતો રહે છે અને થાકી જવાના કારણે ખોરાકનો સ્વાદ પણ આપણે એન્જોય કરી શકતા નથી.
રાંધવાની રીત
જલ્દી જ સ્વાદિષ્ટ જમવાનું બનાવવા માટે કેવી રીતે રાંધીએ છીએ તે જાણવું પણ જરૂરી છે. ક્યારેક અમુક શાકભાજી આપણે બનાવીએ ત્યારે તેને ગેસ પર વધારે સમય રાખવાની જગ્યાએ તેને શેકી શકીએ અથવા ગ્રેવી બનાવીને પણ સ્વાદ મેળવી શકીએ છીએ. આ રીતે સબ્જી બનાવવાથી ગેસ પણ ઓછો વપરાય છે અને જલ્દી જ રંધાય જાય છે.
સલાડને આપો નવું રૂપ
આપણે સૌ જાણએ છીએ કે, સલાડ આપણી હેલ્થ માટે ખૂબ સારુ છે પરંતુ આપણે સલાડને સંપૂર્ણ ખોરાક નથી માનતા. ત્યારે તમે સલાડ સાથે નવી વાનગી બનાવી શકો છો જેમકે બ્રોકલી, કેપ્સીકમ, ગાજર, કાકડી વગેરેને કાપીને ફ્રિજમાં રાખી દો. બાદમાં જ્યારે ખાવાની ઇચ્છા થાય ત્યારે થોડા તેલમાં સાંતળી લો. તમારા પસંદના મસાલા તેમાં નાખીને બ્રેડ કે રોટલી સાથે ખાઇ શકો છો.
પાસ્તા-નૂડલ્સ આવશે કામમાં
જો તમે પાસ્તા અને નૂડલ્સના શોખીન છો તો તમે પાસ્તા અને નૂડલ્સને બાફીને 4થી5 દિવસ સુધી ફ્રિજમાં રાખી શકો છો, જ્યારે પણ તમને ભૂખ લાગે ત્યારે તેને બહાર કાઢી ફટાફટ મસાલા અને સૉસ નાંખીને ખાઇ શકો છો.
સુપનો અલગ અંદાજ
પાસ્તાની જેમ સૂપ પણ એક અલગ ઓપ્શન છે. આમ તો સૂપ બનાવવામાં ઘણો સમય લાગે છે પરંતુ જો તમને ભૂખ લાગી છે તો જે શાકનો સૂપ બનાવવો છે તેને કૂકરમાં બાફી લો. બાદમાં તેને મિક્સ કરીને મસાલા એડ કરી લો. જે પાણીમાં શાક બાફ્યુ છે તે પાણીનો પણ ઉપયોગ સુપ બનાવવામાં કરી શકો છો.
શોર્ટકટ્સ અપનાવો
કોઇ પણ વસ્તુ બનાવવાની બે પ્રક્રિયા હોય છે. આસાન અને વધારે સમય લેવાવાળી. કેટલાક શાક જેમકે પનીરનું શાક બનાવવા માટે મેરીનેટનો ઉપયોગ કરો. ફિશ કે ચિકન બનાવવા માટે પણ મેરિનેટનો ઉપયોગ કરી શકાય છે.