રાજકીય સમીકરણ / એક સપ્તાહમાં કોળી સમાજનું બીજુ મોટું સંમેલન, ભાજપ-કોંગ્રેસના ધારાસભ્ય અને સાંસદોને પણ આમંત્રણ

• ભાવનગર બાદ હવે પ્રાચીમાં  યોજાશે કોળી સમાજનુ સંમેલન
• આવતીકાલે સોમનાથ નજીક પ્રાચી તીર્થમાં કોળી સમાજની બેઠક 
• સમાજના રાજકીય-સામાજીક મુદ્દે બેઠકમાં થશે મંથન 

ગુજરાતમાં વિધાનસભા 2022ની ચૂંટણી નજીક આવતા સામાજિક-રાજકીય સમીકરણ તેજ બન્યા છે. પાટીદાર બાદ હવે કોળી સમાજ પણ મેદાને આવ્યું છે. ભાવનગર બાદ હવે પ્રાચીમાં કોળી સમાજનુ સંમેલન યોજાશે. 27 જૂને બપોરે 3 વાગે ગીર સોમનાથ સુત્રાપાડાના પ્રાચી ખાતે કોળી સમાજની બેઠકનું આયોજન કરાયું છે. આ બેઠકમાં સમાજના રાજકીય અને સામાજીક મુદ્દે મંથન કરવામાં આવશે. જેમાં શિક્ષણ, રોજગારી અને ખેતી જેવા મુદ્દાની ચર્ચા કરાશે.

તો ગુજરાતમાં કોળી મુખ્યમંત્રીની માગનો મુદ્દો પણ બેઠકમાં ચર્ચાશે. અખિલ ભારતીય કોળી સમાજના નેજા હેઠળ મળનારી આ બેઠકમાં ચંદ્રકાંત પીઠાવાલા સહિત સમાજના અગ્રણીઓ અને સમાજના જિલ્લાના હોદેદારો હાજર રહેશે. આ બેઠકમાં સાંસદ રાજેશ ચુડાસમા અને ધારાસભ્ય વિમલ ચુડાસમાને પણ આમંત્રણ અપાયુ છે.

મહત્વનું છે કે, ગઈકાલે ભાવનગર ખાતે કોળી સમાજના વીર માંધાતા ગ્રૂપનું સંમેલન યોજાયું હતું. ગુજરાતભરમાંથી 200થી વધુ કોળી સમાજના આગેવાનો હાજર રહ્યા હતા. આ સાથે કોંગ્રેસ-ભાજપ સાથે સંકળાયેલા કોળી સમાજના આગેવાનો પણ બેઠકમાં હાજર હતા. જેમાં રાજુ સોલંકી, વિમલ ચુડાસમા, કરશન વેગડ સહિતના કોળી નેતાઓ સંમેલનમાં હાજર હતા. 

• કરશન ભાઈ વેગડ-કોંગ્રેસ
• વિમલભાઈ ચુડાસમા-ધારાસભ્ય કોંગ્રેસ
• ઉમેશભાઈ મકવાણા-ભાજપ
• ચતુરભાઈ મકવાણા-ભાજપ
• ધરમશી ઢાપા-VPP
• ચંદ્રકાંત સોલંકી-સુરત ઉધોગપતિ
• ખોડાભાઈ ખસિયા-ભાજપ
• આનંદ ભાઈ  ડાભી-ભાજપ
• નીતાબેન રાઠોડ-કોંગ્રેસ આગેવાન
• બિંદુબેન પરમાર-ભાજપ

અખિલ ભારતીય કોળી સમાજની પ્રાચીમાં 27 જૂને મિટિંગ યોજાશે. અખિલ ભારતીય કોળી સમાજના પ્રમુખ કુંવરજી બાવળિયા છે. પરંતુ બાવળિયા પ્રાંચીમાં યોજાનારી બેઠકમાં હાજરી આપશે નહીં. આ બેઠકમાં શિક્ષણ, રોજગારી, ખેતી જેવા મુદ્દાની ચર્ચા કરાશે. સાથે ગુજરાતમાં કોળી મુખ્યમંત્રીની માગનો મુદ્દો પણ બેઠકમાં ચર્ચાશે. ચૂંટણી નજીક આવતા સામાજિક-રાજકીય સમીકરણ તેજ બન્યા છે. 

વીર માંધાતા ગ્રૂપ શું છે?

• સૌરાષ્ટ્રના કોળી સમાજનું મહત્વનું છે આ ગૃપ
• ભાવનગર આસપાસ રહેતા કોળી સમાજ પર આ ગૃપનું પ્રભુત્વ
• હાલ રાજ્યકક્ષાના મંત્રી પરશોત્તમ સોલંકીનો છે આ સંગઠનમાં મોટો હોલ્ટ
• કોળી સમાજના યુવાનોમાં વીર માંધાતા ગૃપ છે ફેવરીટ
• સૌરાષ્ટ્રમાં લગભગ તમામ જિલ્લામાં વીર માંધાતા ગૃપ સક્રિય
• સમાજ માટે અનેક મુદ્દા ઉઠાવી ચુક્યું છે વીર માંધાતા ગૃપ
• કોળી રાજનીતિને સમાયંતરે ઉઠાવતું રહ્યું છે આ ગૃપ 

અખિલ ભારતીય કોળી સમાજ શું છે? 

• અખિલ ભારતીય કોળી સમાજ, કોળીઓની એક સામાજિક સંસ્થા છે
• રાજ્ય અને દેશના કોળી આગેવાનો આ સંસ્થા સાથે છે સંકળાયેલા 
• મંત્રી કુવરજી બાવળિયા આ સંસ્થાના છે પ્રમુખ 
• સમાજમાં શિક્ષણ, આરોગ્ય, ખેતી જેવા મુદ્દા ઉઠાવતી રહી છે સંસ્થા 
• ગુજરાતમાં કોળી સમાજમાં આ સંસ્થાની છાપ રહી છે ખુબ સારી
• રાષ્ટ્રપતિ રામનાથ કોવિંદ પણ આ સંસ્થા છે જોડાયેલા

કોળીઓના બે ગ્રૂપની મિટિંગ કેમ? 

• કોળ સમાજની બે અલગ અલગ જગ્યાએ યોજવાનો છે બેઠક
• ગીર સોમનાથનાં પ્રાંચીમાં અખિલ ભારતિય કોળી સમાજની બેઠક 
• ભાવનગરમાં વીર માંધાતા ગૃપની બેઠક 
• વીર માંધાતા ગૃપ મંત્રી પરશોત્તમ સોલંકીની કરે છે તરફદારી
• અખિલ ભારતિય કોળી સમાજ કુંવરજી બાવળિયાની કરે છે તરફદારી 
• બન્ને સંસ્થાઓને અલગ અલગ નેતાઓ કરે છે લીડ
• બન્ને સંસ્થાઓનો ઇરાદો રાજકીય અને સામાજિક છે