બનાસકાંઠામાં ખડૂતોને પડતા પર પાટુ જેવી પરિસ્થિતિ ઉભી થઇ છે એક બાજુ ચોમાસા દરમિયાન વરસાદ થયો નથી જેના કારણે પાક નિષ્ફળ ગયો હતો, તો બીજી બાજુ ખેડૂતોને પાક નિષ્ફળ માટે સરકા દ્ધારા સહાય કરવામાં આવી હતી, જોકે આ સહાયના પૈસા ડાયરેકટ ખેડૂતોના ખાતામાં જમા કરવામાં આવ્યા હતા, જ્યારે પૈસા બેંકો દ્ધારા બારોબાર ઉપાડી દેતા ખેડૂતો રોષે ભરાયા છે.
ડીસાના ઢેઢાલ ગામના ખેડૂતો જ્યારે ડીસામાં આવેલી કોર્પોરેશન બેંકમાં પૈસા ઉપાડવા ગયા ત્યારે એકાઉન્ટમાં પૈસા પહેલાંથી જ ઉપડી ગયા હતા, જ્યારે આ બાબતે ખેડૂતોએ બેંક મેનેજરને જાણ કરવા ગયા, ત્યારે મેનેજરે જવાબ આપ્યો કે, તમારા પૈસા અમે ઉપાડીને જે ક્રોપ લોન ઉપાડી છે તે લોનમાં જમા કરી દીધા છે. ત્યારે ખેડૂતોએ કહ્યું કે, અમારી જાણ વગર તમે કેવી રીતે પૈસા ઉપાડી શકો, તો મેનેજરે ઉશ્કેરાઈ ગયા હતા અને ખેડૂતો સાથે અમાનવીય વર્તન કર્યું હતું અને ખેડૂતોને કહ્યું કે, તમારાથી જે થાય તે કરી નાખજો અમને કંઈજ ફરક નહીં પડે અને ખેડૂતોને ધક્કા મારીને બેંક બહાર કાઢી દીધા હતા. જો કે ખેડુતોનું કહેવું છે કે, હજી ક્રોપના બેથી ત્રણ મહિના બાકી હોવા છતાં શા માટે ખેડૂતોના ખાતામાંથી પૈસા ઉપાડી દીધા અને ઉપડયા તો ખેડૂતોને જાણ કેમ ન કરવામાં આવી.
ડીસામાં કોર્પોરેશન બેંક દ્ધારા ખેડૂતો સાથે અન્યાય થતા આ બાબતે ખેડૂતોએ કલેકટર અને ટીડીઓને આવેદન પત્ર આપ્યું હતું અને જે અછતના પૈસા ખેડૂતોના ખાતામા જમા થયેલા પૈસા બેંક દ્ધારા બારોબાર ઉપાડી પાક લોનના ભરી દેતા ખેડૂતો રોષે ભરાય હતા, એકબાજુ ખેડૂતો જોડે નવી ખેતી કરવા માટે પૈસા નથી અને બીજ બાજુ આવી રીતે બેંકો દ્ધારા પૈસા ઉપાડી લેતા હાલ ખેડૂતોની હાલત કફોડી બની છે.
એકર દીઠ 6700 રૂપિયા આપવામાં આવ્યા હતા ખેડૂતોનું કહેવું છે કે, અમારા ખાતામા જ્યારે પૈસા જમા થયા ત્યારે અમે ખૂબ ખુશ હતા, અમે હાલ નવા વાવેતર કરવા માટે આ પૈસાની આશાએ બેઠા હતા પણ જ્યારે ઉપાડવા ગયા ત્યારે પૈસા ના મળતા રોષ જોવા મળ્યો હતો. એક બાજુ ખેડૂતોની હાલત કફોડી છે અને બીજી બાજુ આવી રીતે હેરાન ગતિ ભોગવતા ખેડૂતોમાં નિરાશા જોવા મળી રહી છે, હાલ આ ખેડૂતોના ખાતામા પૈસા પાછા મળે તેવીજ ખેડૂતો સરકાર જોડે અપીલ કરી રહ્યા છે.