સોશિયલ મીડિયા / AAPના નેતા મહેશ સવાણીની એક પોસ્ટને લઈ વિવાદ, ભાજપ નેતાએ કહ્યું પાકિસ્તાનનો ફોટો છે ગુજરાતનો નહીં

• AAP નેતા મહેશ સવાણી દ્વારા ફેસબુક પોસ્ટ મામલો
• ભાજપ નેતા યજ્ઞેશ દવેએ મહેશ સવાણી પર કર્યા પ્રહાર
• યજ્ઞેશ દવેએ મહેસ સવાણીની ફેસબુક પોસ્ટને લઈને કર્યા પ્રહાર

આમ આદમી પાર્ટીના નેતા અને સુરતના જાણીતા ઉદ્યોગપતિ મહેશ સવાણીની એક ફેસબુક પોસ્ટને લઈ વિવાદ સામે આવ્યો છે. આપ નેતા સવાણીએ પોતાના FB પેજ પર એક પોસ્ટ કરી હતી. આ પોસ્ટમાં સુકાયેલા વૃક્ષને વીજળીનો થાંભલો બનાવી દેવાયો હતો. અને વૃક્ષના સહારે વીજપ્રવાહ પસાર થઈ રહ્યો હતો. આ પોસ્ટ સાથે મહેશ સવાણીએ કેટલાક શબ્દો પણ લખ્યા હતા. જેમાં કહ્યું કે, તૌકતે વાવાઝોડાના બે મહિના બાદ પણ વીજળીની વ્યવસ્થા ઉભી ન થતા લોકો આત્મનિર્ભર બન્યા. ગુજરાત મોડલ અને ડિજિટલ ઈન્ડિયા વિશે પણ ટિપ્પણી કરી હતી. 

મહેશ સવાણીની પોસ્ટ પર ભાજપ નેતાએ કર્યો ખુલાસો

AAPના નેતા મહેશ સવાણીની આ પોસ્ટ બાદ ભાજપના નેતા યજ્ઞેશ દવેએ ટિપ્પણી કરી હતી. અને મહેશ સવાણીની પોસ્ટ પર કોમેન્ટ કરતા કહ્યું કે, તમે પાકિસ્તાન સિંધની તસ્વીર દેખાડી સત્તા લાલચ માટે આટલી નિમ્ન રાજનીતિ કરશો? સાથે કહ્યું કે, આ પોસ્ટ તેમણે ડીલીટ કરી છે. જો કે આ બાદ મહેશ સવાણીની પોસ્ટ પર અનેક ભાજપના કાર્યકરોએ ટ્રોલિંગ શરૂ કરી દીધું હતું. અને સાથે AAPને પણ ટાર્ગેટ કર્યો હતો.