MPમાં સ્કૂલના બાળકો વચ્ચે ભારત માતા કી જયના નારા લગાવવા માટે વિવાદ થયો,જ્યારે કર્ણાટકમાં ટોપી પહેરવાની મજાક ઉડાવ્યા બાદ 8 લોકોની ધરપકડ કરી હતી.
MP માં ભારત માતા કી જય નહીં બોલાવ પર વિવાદ
કર્ણાટકમાં ટોપી પહેરવા બાબતે મજાક ઉડાવતાં 8 સામે ફરિયાદ
બંને બનાવોમાં પોલીસે ફરિયાદ નોંધી કાર્યવાહી હાથ ધરી
સ્કુલનો વિવાદ સ્કુલ છૂટ્યા બાદ વધુ વિકર્યો
મધ્યપ્રદેશના અગર માલવા જિલ્લાના બરોડા શહેરી વિસ્તારમાં શાળાના બાળકો વચ્ચે ભારત માતા કી જયનાનારા લગાવવા બાબતે વિવાદ થયો હતો. સ્કૂલમાં વિવાદ થયા બાદ, સ્કૂલ છૂટ્યા બાદ ઘરે જતા 12 ધોરણના વિદ્યાર્થી સાથે, આરોપી વિદ્યાર્થીઓએ અન્ય સાથીદારો સાથે મળીને બજારમાં તેને ઉગ્ર રીતે માર માર્યો હતો. બડૌદ પોલીસે ગુનો નોંધી તપાસ શરૂ કરી છે.
ભારત માતા કી જયના નારા ન લગાવ્યાં ત્યારે વિવાદ થયો
આ અંગે પોલીસ સુત્રોના જણાવ્યા અનુસાર, ફરિયાદી વિદ્યાર્થીએ કેસ નોંધાવતી વખતે કહ્યું કે તે બડૌદની એક ખાનગી શાળામાં ધો.12માં અભ્યાસ કરે છે, અને શાળામાં રાબેતા મુજબ સવારે રાષ્ટ્રગીત બાદ દરેક વ્યક્તિ ભારત માતા કી જયના નારા લગાવે છે. આ દરમિયાન કેટલાક વિદ્યાર્થીઓએ રાષ્ટ્રગીત બાદ ભારત માતા કી જયનાનારા લગાવવાનો ઇનકાર કર્યો હતો, ત્યારે વિવાદ થયો હતો.
ફરિયાદી વિદ્યાર્થીના જણાવ્યા મુજબ, તે વિદ્યાર્થીઓએ કહ્યું કે ભારત માતા શું છે તે અંગે વાંધો લીધો હતો, બાદમાં અમે શાળા છોડ્યા બાદ ઘરે જઈ રહ્યા હતા, જ્યારે આ વિદ્યાર્થીઓએ તેમના સાથીદારો સાથે રસ્તાની મધ્યમાં રોકી દીધો અને તેને લાકડીઓથી માર માર્યો હતો દરમિયાન, એક શિક્ષક કે જે હુમલાનો વીડિયો બનાવી રહ્યો હતો તેણે પણ મોબાઈલ છીનવી લીધો અને તેને તોડી નાખ્યો, બાદમાં કેટલાક અન્ય રાહદારીઓએ મદદ કરી અને તેને છોડાવ્યો. બડૌદ પોલીસે આ કેસમાં 9 નામો અને 8/10 અન્ય અજાણ્યા આરોપીઓ વિરુદ્ધ મારપીટ, તોફાનો સહિતની વિવિધ કલમો હેઠળ કેસ નોંધીને તપાસ શરૂ કરી છે.
કર્ણાટકમાં ટોપી પહેરવા બાબતે મજાક ઉડાવતાં 8 ની ધરપકડ
બીજી બાજુ, કર્ણાટકના બાગલકોટ જિલ્લા પોલીસે ઇલકાલ નગરમાં બે ધાર્મિક જૂથો વચ્ચે અથડામણ બાદ 8 સભ્યોની ધરપકડ કરી હતી. આ અથડામણની શરૂઆત 15 વર્ષના છોકરાએ તેના મિત્રની ટોપી પહેરીને કરેલી મજાકથી કરી હતી. મજાકથી નારાજ છોકરાએ તેના મિત્રો સાથે મળીને 15 વર્ષના છોકરાને માર માર્યો હતો. ત્યારબાદ આ મામલે બે સંપ્રદાયો સાથે સંકળાયેલો હોવાથી પોલીસે તાત્કાલિક કાર્યવાહીમાં ઝંપલાવ્યું અને તાત્કાલિક બંને પક્ષો તરફથી એફઆઈઆર લખીને 8 લોકોની ધરપકડ કરી.