વર્ષ 2017માં ગ્રામસેવક ભરતી અંગે RTIના ખુલાસાથી વિવાદ, જોગવાઈ પ્રમાણે ભરતી થઈ ન હોવાનો દાવો
ગ્રામસેવકની ભરતીમાં BRS અને કૃષિ ડિપ્લોમા વિદ્યાર્થીઓ જ હતા લાયક
18 જિલ્લાઓમાં અન્ય ડિગ્રી ધરાવતા ઉમેદવારોને લાયક ગણાવ્યાનો ઉલ્લેખ
11-01-2022નાં પરિપત્ર અનુસાર બદલાયા હતા નિયમો
વર્ષ 2017માં ગ્રામસેવક ભરતી અંગે RTIના ખુલાસાથી વિવાદ સર્જાયો છે.ગ્રામસેવકની ભરતીમાં તક મેળવી રહેલા કૃષિ ક્ષેત્રના ડિપ્લોમા અને BRSના વિદ્યાર્થીઓએ ગ્રામસેવકની ભરતીમાં ગેરરીતિ થઈ હોવાનો દાવો કર્યો છે.વર્ષ 2017માં જોગવાઈ પ્રમાણે ગ્રામસેવકની ભરતી થઈ ન હોવાનો દાવો કરવામાં આવ્યો છે.
11-01-2022નો પરિપત્ર રદ્દ કરવા માંગ
ગેરરીતિને કારણે હજુ સુધી પંચાયત વિભાગ RTIનો જવાબ ન આપતી હોવાનો વિદ્યાર્થીઓએ આક્ષેપ કર્યો છે.અને આ સમગ્ર મામલે ગીર સોમનાથ કોડીનારનાં BRS અને કૃષિ ડિપ્લોમાના વિદ્યાર્થીઓએ રજૂઆત કરી હતી.મામલતદાર મારફતે પંચાયત મંત્રીને આવેદનપત્ર પાઠવ્યું હતું.તેમજ નવા પરિપત્રથી BRS અને કૃષિની ડિગ્રી મેળવનાર વર્ગને અન્યાયની રજૂઆત કરી હતી.આપને જણાવી દઈએ કે, ગ્રામસેવકની ભરતીમાં અગાઉના ઠરાવ મુજબ BRS અને કૃષિ ડિપ્લોમાના જ વિદ્યાર્થીઓ લાયક ઉમેદવાર હતા પરંતુ પંચાયત વિભાગ દ્વારા તારીખ 11.01.2022ના રોજ નવો ઠરાવ જાહેર કરવામાં આવ્યો.જેમાં ઉચ્ચ ડિગ્રીઓનો સમાવેશ કરવામાં આવ્યો.આથી કૃષિ ક્ષેત્રના ડિપ્લોમા અને BRS ના વિદ્યાર્થીઓમાં ભારે રોષ જોવા મળી રહ્યો છે.11-01-2022નો પરિપત્ર રદ્દ કરવાની હવે આ વિધાર્થીઓ માંગ કરી રહ્યા છે.
કોણ કરી રહ્યું છે લાયક વિદ્યાર્થીઓનો હક છીનવવાનો પ્રયાસ ?
કૃષિ ક્ષેત્રના ડિપ્લોમા અને BRS ના વિદ્યાર્થીઓને ક્યારે મળશે ન્યાય ?
RTIના નિયમોનું કોણ કરી રહ્યું છે ઉલ્લંઘન ?
3 મહિના બાદ પણ વિદ્યાર્થીઓને શા માટે નથી અપાતો યોગ્ય જવાબ ?
ગ્રામસેવક ભરતી નિયમોમાં શા માટે કરવામાં આવ્યો બદલાવ ?
યોગ્ય ઉમેદવારો હોવા છતા શા માટે નવો પરિપત્ર જાહેર કરાયો ?
પંચાયત વિભાગ કોના ઈશારે કરી રહ્યુ છે વિદ્યાર્થીઓના ભાવિ સાથે ચેડા ?
કૃષિ ક્ષેત્રના ડિપ્લોમા અને BRSના વિદ્યાર્થીઓને નોકરી માટે એક જ તક ગ્રામ સેવક
BSC એગ્રીકલ્ચર, હોર્ટિકલ્ચર,B.E જેવી ડિગ્રી ધરાવતા વિદ્યાર્થીઓને સરકારી ક્ષેત્રે નોકરી માટે અનેક ચાન્સ મળી રહી છે. તેઓ વર્ગ 1 અને વર્ગ 2 ઉપરાંત બેંકિગ ક્ષેત્ર, વિસ્તરણ અધિકારી વગેરે જગ્યાએ નોકરી માટે એપ્લાઈ કરી શકે છે. જયારે કૃષિ ડિપ્લોમા કોર્ષ કરનાર વિદ્યાર્થીઓને પશુપાલન, પ્રાકૃતિક ખેતી વિશેની સમજ ધરાવે છે. તેમના માટે સરકારી નોકરી માટે એક જ તક ગ્રામસેવક છે. છેલ્લા ઘણા સમયથી કૃષિ ડિપ્લોમાં કોર્ષ કરનાર વિદ્યાર્થીઓને તેની કાગડોળે રાહ જોઇને બેઠા હતા. ત્યારે ગ્રેજયુએટનો પણ તેમાં સમાવેશ કરવામાં આવતા સ્પેશિયલ ગ્રામ સેવકની ભરતી માટે લાયક ઉમેદવારોને અન્યાય થઈ રહ્યો હોય તેવુ દાવા પ્રમાણે લાગી રહ્યું છે.