મધ્યપ્રદેશના ગૃહ પ્રધાન નરોત્તમ મિશ્રાએ હાલમાં જ એક વૅબ સિરીઝ પર વાંધો ઉઠાવ્યો છે. નેટફ્લિક્સ પર રિલીઝ થયેલી વૅબ સિરીઝ અ સુટેબલ બોય કે જેમાં તબુ અને ઇશાન ખટ્ટર જેવા કલાકાર છે તે સિરીઝ પર આરોપ છે કે તેના કેટલાક સિનને કારણે હિન્દુ ધર્મના લોકોની લાગણી દુભાઇ છે.
શું છે સમગ્ર મામલો
અ સુટેબલ બોયમાં મંદિરમાં કિસીંગ સિન દર્શાવવામાં આવ્યા છે પરંતુ હજુ સુધી તે સ્પષ્ટ નથી થયુ કે તે મંદિર જ છે કે બીજી કોઇ જગ્યા. જો આ મંદિર છે તો તેનાથી હિન્દુ ધર્મના લોકોની ભાવનાઓને હર્ટ કરી છે. આ જ કારણને લઇને રવિવારે ટ્વિટર પર #BoycottNetflix ટ્રેન્ડમાં રહ્યું હતુ.
ગૃહપ્રધાને શું કહ્યું
મધ્યપ્રદેશના ગૃહ પ્રધાને આ વૅબ સિરીઝ અને નિર્માતાઓ વિરુદ્ધ કાયદાકીય કાર્યવાહી કરવાના સંકેત આપ્યા છે. ભાજપના એક યુવા મોરચાના એક પદાધિકારીએ દાવો કર્યો છે તે આ કિસિંગ સીનને પ્રદેશના ઐતિહાસિક મહેશ્વરના એક મંદિરમાં ફિલ્માવવામાં આવ્યું છે. રિવા જિલ્લાના પોલિસ અધિક્ષકને ફરિયાદ કરવામાં આવી છે.
एक #ओटीटी_मीडिया_प्लेटफॉर्म पर "A Suitable Boy" नामक फ़िल्म जारी की गई है। इसमें बेहद आपत्तिजनक दृश्य दिखाए गए हैं जो एक धर्म विशेष की भावनाओं को आहत करते हैं। मैंने पुलिस अधिकारियों को इस विवादास्पद कंटेंट का परीक्षण कराने को निर्देशित किया है। pic.twitter.com/oYSiizJxCQ
મિશ્રાએ રવિવારે એક વીડિયો શૅર કરીને નિવેદન આપ્યુ છે કે, ઓટીટી મિડીયા પ્લેટફોર્મ પર અ સુટેબલ બોય રિલીઝ કરવામાં આવી છે. જેમાં કિસિંગ સીન અને ભજનને એક સાથે મંદિરમાં ફિલ્માવવામાં આવ્યા છે. હું આ વાતને આપત્તિજનક માનુ છુ અને મને લાગે છે કે આ પ્રકારના સીન લોકોની ભાવનાને હર્ટ કરે છે.
ઓટીટી પ્લેટફોર્મ પર કાતર ફેરવવી કે નહી તે બાબતને લઇને હાલમાં ચર્ચા ચાલી રહી છે અને તેનો કોઇ નિર્ણય આવી શક્યો નથી. હવે આવનારી દરેક વૅબ સિરીઝ તેના પ્લોટ કોઇ વિવાદમાં ન સપડાય જાય તે રીતે વિચારીને જ નિર્માણ કરશે તેવું લાગી રહ્યું છે.