સોખડા મંદિરમાં નજરકેદ પ્રમોદ સ્વામીને સંમેલનમાં ન જવા દેવાયા
વેબસાઇટ પરથી પ્રબોધ સ્વામીની તસ્વીરો હટાવી દેવાઈ
પ્રેમસ્વરૂપ સ્વામી અને પ્રબોધ સ્વામી ગ્રુપમાં વહેંચાયો પંથ
વડોદરા શહેર નજીક આવેલા સોખડા હરિધામ ખાતે ચાલતા ગાદીનો વિવાદ હવે ભક્તોના દરબારમાં પહોંચ્યો છે. બંને જૂથના હરિભક્તો એકબીજાને દેખાડી દેવાના મૂડમાં આવી ગયા છે. . ત્યારે આજે પ્રબોધસ્વામીના ભક્તોએ આણંદના લાંભવેલમાં અને પ્રેમસ્વરૂપ સ્વામીના ભક્તોએ કરજણમાં સમાંતર કાર્યક્રમ યોજી મૂર્તિની પધરામણી કરતાં સાચા હરિભક્તોમાં હરિપ્રસાદ સ્વામી વિસરાયા હોવાની લાગણી ભારે દુઃખ સાથે વ્યાપી છે.
સંપ્રદાયનો કકળાટ કયારે અટકશે ?
હરિપ્રસાદ સ્વામી બ્રહ્મલીન થયા બાદ હરિભક્તો અને સંતોની સંમતિથી પ્રબોધસ્વામી અને પ્રેમસ્વરૂપસ્વામીને સંયુક્ત રીતે ગાદીપતિ તરીકે જાહેર કરવામાં આવ્યા હતા અને કામગીરીની વહેંચણી કરવામાં આવી હતી. જો કે, એ વખતે બંને જૂથના ભક્તોમાં ભારોભાર અસંતોષ વ્યાપ્યો હતો જેને હવે ઉગ્ર સ્વરૂપ પકડી લીધું છે અને કોઈનું નિયંત્રણ ન હોય એમ બંને જૂથો પોતાપોતાની રીતે વર્તી રહ્યા છે અને એકબીજાને નીચા દેખાવડા માટે સમાંતર કાર્યક્રમો યોજી રહ્યા છે.
દરમિયાન આજે બંને જૂથના હરિભક્તોએ શક્તિપ્રદર્શન કરતા હોય એમ જુદા જુદા સ્થળોએ સમાંતર કાર્યક્રમો યોજ્યા હતા. જેમાં કરજણ ખાતે પ્રેમસ્વરૂપસ્વામીના સમર્થકોએ મૂર્તિ પ્રતિષ્ઠા ઉત્સવ સભાનો કાર્યક્રમ રાખ્યો હતો. જેમાં મોટી સંખ્યામાં હરિભક્તોએ હાજરી આપી હતી અને આ કાર્યક્રમનું સોશિયલ મીડિયા પ્લેટફોર્મ ફેસબુક ઉપર લાઈવ નિદર્શન પણ કરાયું હતું.
પ્રબોધ સ્વામીના જુથનું લાંભવેલમાં શક્તિ પ્રદર્શન
બીજી તરફ આણંદ નજીકના બુડિયા ગામે પ્રબોધસ્વામીના સમર્થકોએ પણ આજે રવિવારે જ મોટો કાર્યક્રમ યોજ્યો હતો, જેની આમંત્રણ પત્રિકામાં હરિપ્રસાદ સ્વામીનું નામ લખી એમના આશીર્વાદ અને પ્રેરણાથી ચૈતન્ય મહીંરસમ આત્મીય સમાજ તથા યુવા સમાજના ઉત્થાન અર્થે ઘર મંદિરમાં પ્રબોધસ્વામી મહારાજની મૂર્તિઓનો પ્રતિષ્ઠા ઉત્સવ ઉજવાયો હતો. પરંતુ હરિપ્રસાદ સ્વામીની તસવીર આમંત્રણ પત્રિકામાં છાપવામાં આવી ન હતી. આમ ગાદી માટે જંગે ચઢેલા બંને જૂથો વચ્ચે ખટરાગ એટલો વધી ગયો છે કે ગમે ત્યારે હિંસક અથડામણ પણ થઈ શકે છે. બીજી તરફ સોખડા મંદિરમાં નજરકેદ પ્રબોધ સ્વામીને સંમેલનમાં ન જવા દેવાયા આ સાથે વેબસાઇટ પરથી પ્રબોધ સ્વામીની તસ્વીરો હટાવી દેવાઈ તો આ તરફ સુરત પાસે સંમેલનમાં 136 ઘર મંદિરમાં પ્રબોધ સ્વામીની મૂર્તિ મુકાશે