વિવાદ / ભાવનગર: GMDC લિગ્નાઇટ પ્રોજેક્ટથી ખેડૂતોની 40 ફૂટ જમીન ઉપસી આવી, ખેતરોના ભૂકંપ આવ્યો હોય તેવા થયા હાલ

• ભાવનગરમાં GMDC લિગ્નાઇટ પ્રોજેક્ટ મામલે વિવાદ
• જમીન અને ખેતરને વ્યાપક નુકસાન 
• જમીનના નુકસાન મામલે ડ્રોનથી સર્વે કરવાની માગ  

ભાવનગર જિલ્લામાં લિગ્નાઇટ પ્રોજેક્ટ કોઇને કોઇ કારણસર વિવાદમાં રહ્યા છે. ઘોઘાનાં બાડી-પડવા સહિતનાં ગામો માં જયારે લિગ્નાઇટ પ્રોજેક્ટ કામ શરૂ થયું. ત્યારથી વિવાદ રહ્યો શરૂ થયો હતો. જો કે હવે વર્ષોથી માઇનિંગ કરી રહેલો જીએમડીસી લિગ્નાઇટ પ્રોજેક્ટ વિવાદમાં આવ્યો છે. આ લિગ્નાઇટ પ્રોજેક્ટમાં જે ડમ્પિંગ કરવામાં આવ્યું છે તેના કારણે ખેડૂતોની સોના જેવી જમીન ૪૦ ફૂટ જેટલી ઉપસી આવી છે જેના કારણે ખેડૂતોમાં ભય ફેલાયો છે ખેડૂતો ના હિત  માટે કામ કરતી સન્સ્થાએ માંગ કરી છે કે આ જમીન થી  રહેલા નુક્શન અંગે ડ્રોન થી સર્વે થવો જોઈએ અને તજજ્ઞો ની કમિટી બનવી ને તેની ખરાઈ કર્યા બાદ જ કામ સરું કરવું જોઈએ અન્યથા હાલ માઇનિંગ નું કામ બંધ કરવા માંગ કરી છે 

GPCL  ને GMDC  દ્વારા માઇનિંગનું કામ થતાં સર્જીઈ મુશ્કેલી
ભાવનગર નજીક આવેલા ઘોઘા અને ભાવનગર તાલુકાનાં ગામડાઓ આવેલા છે. ગામડામાં ધરતીનાં પેટાળમાં વિશાળ ખજાનો છુપાયેલો છે અને ખજાનો છે લિગ્નાઈટનો આ વિસ્તારમાં સરકારી તેમજ ખાનગી લિગ્નાઇટ ની ખાણો આવેલી છે.આ વિસ્તારમાં બાડી  ,પાડવા તેમજ ભૂતેશ્વર સહિત ના અનેક વિસ્તારોમાં જમીન ઊંચી આવી જવાની ઘટના બનાવ પામી છે આ વિસ્તારમાં માં GPCL  ને GMDC  દ્વારા માઇનિંગ નું કામ કરવામાં આવી રહ્યં છે   જોકે આ લિગ્નાઇટ પ્રોજેક્ટનાં કારણે વારંવાર ખેડૂતો સાથે કઈ ને કઈ બાબતોને લઇને વિવાદ ઊભો થતો રહ્યો છે. 

ખેડૂતોની જમીન અને ખેતરને વ્યાપક નુકશાન
હજુ થોડા મહિનાઓ પહેલા જ બાડી-પડવા સહિતનાં ગામોમાં જીપીસીબી દ્વારા જે લિગ્નાઇટનું ડમ્પિંગ કરવામાં આવ્યું તેના કારણે ખેતીની જમીન ખસી જવાની ઘટના બની હતી, ત્યારે આવી જ ઘટના જીએમડીસી લિગ્નાઈટ પ્રોજેક્ટનાં કારણે ભૂતેશ્વર ગામે બનતા ખેડૂતોમાં ભયનો માહોલ ઉભો થયો છે.આજે આ વિસ્તાર ની મુલાકાતે પર્યાવરણ સુરક્ષા સમિતિ ના સભ્યો બરોડા થી જાત તપાસ માટે ભૂતેશ્વર દોડી આવ્યા હતા અને જાત માહિતી મેળવી હતી આ સમયે જી એમ ડી સી ના અધિકરીઓ પણ અહીં દોડી આવ્યા હતા અને ચર્ચાઓ કરી હતી સમિતિ ની માંગ છે કે આ વિસ્તારમાં થી રહેલા માઇનિંગ ના કારણે ખેડૂતોની જમીન અને ખેતરને વ્યાપક નુકશાન થી રહ્યં ઉંચે એટલું જ નહીં ભૂ તળ ના પાણી ને પણ ગંભીર અસર થી રહી છે ત્યારે અહીં ડ્રોન થી સર્વે કરાવી ને સરકારે માહિતી મેળવવી જોઈએ અને તાકીદે માઇનિંગ નું કામ બંધ થવું જોઈએ 

ભૂકંપ થયો હોય તેમ 40 ફૂટ જમીન ઉપસી આવી
ભાવનગર નજીકના ભૂતેશ્વર અને આજુબાજુના ગામમાં જીએમડીસી સંપાદિત કરેલી જમીનમાં  માઇનિંગ કરવામાં આવી રહ્યું છે અને આ માઇનિંગ દ્વારા નીકળતી માટીનું ડમ્પિંગ તેની સંપાદિત જમીનમાં કરવામાં આવી રહ્યું છે, પરંતુ ડમ્પિંગ નિયમોની વિરુદ્ધ થતું હોય તેઓ સ્થાનિક લોકો દ્વારા આક્ષેપ કરવામાં આવ્યો છે. જે પ્રમાણે માઇનિંગ દ્વારા નિયમો વિરુદ્ધ મોટા પાળા ખડકી દેવામાં આવ્યા છે, જેના કારણે તેની બાજુમાં રહેલી જમીનો ભાગ ૪૦ ફૂટ જેટલો ઉપસી ગયો છે. ભૂતેશ્વર ગામ નજીકથી પસાર થતો કાચો રસ્તો કાયદેસર ભૂકંપ થયો હોય તે રીતે ૪૦ ફૂટ જેટલો ઊંચો આવી ગયો છે, તેમજ તેની બાજુમાં રહેલી ખેતીની જમીનો પણ ૪૦ ફૂટ ઉંચી થઇ જતા ખેડૂતોમાં ભયનો માહોલ ફેલાયો છે 

ખેતરની ચીકણી માટીના કારણે જમીન ઉપસી આવી
અહીં જી એમ ડી સી ના અધિકારી એ જણાવ્યું હતું કે અહીં માત્ર કેટલાક ખેતરો માં જમીન ઊંચી આવી જવાની સમસ્યા જોવા મળી છે પણ તેનું કારણ આ વિસ્તારની ચીકણી માટી હોવાના  કારણે આમ  થયું છે 

આંદોલનની ચીમકી ઉચ્ચારી
આ સમગ્ર ઘટનાને લઈને  ભુતેશ્વર તેમજ આજુબાજુનાં ગામનાં લોકો મોટી સંખ્યામાં ઘટના સ્થળે એકઠા થયા હતા. જોકે આ ઉપસી આવેલી જમીનને સરખી કરવા જીએમડીસી દ્વારા જેસીબી મશીન લગાવી કામ શરૂ કરવામાં આવ્યું. પરંતુ જમીન મોટા વિસ્તારમાં ઉપસી આવી હોય તે સરખી કરવી શક્ય જ નથી. આવા સંજોગમાં હવે ખેડૂતો તેમની સોના જેવી જમીનોની ચિંતામાં છે અને રોષ વ્યકત કરતા જણાવ્યું હતું કે જો આ અંગે તાકીદે કોઈ પગલાં લેવામાં નહિ આવે તો તેઓ ગાંધી ચીંધ્યા માર્ગે આંદોલન પર જશે.