કથિત રીતે લોકસભા ચૂંટણી ૨૦૧૯માં ભાજપને મદદ કર્યા બદલ વિવાદમાં આવેલા ફેસબુકના પબ્લિક પોલીસી હેડ અંખી દાસે હાલમાં પોતાના પદ પરથી રાજીનામું આપ્યું હોવાની જાણકારી સૂત્રો દ્વારા સામે આવી હતી.
ભારતમાં ફેસબુકના પબ્લિક પોલીસી હેડ તરીકે કાર્યરત હતા અંખી દાસ
લોકસભા ચૂંટણી ૨૦૧૯માં ભાજપને કથિત રીતે મદદ કર્યા બદલ વિવાદમાં આવ્યા હતાં
હજુ થોડા સમય પહેલા જ અમેરિકી અખબાર ધ વોલસ્ટ્રીટ જર્નલમાંની રીપોર્ટમાં થયો હતો આક્ષેપ
હજુ થોડા દિવસો પહેલા જ અમેરિકાના એક ખાનગી અખબાર ધ વોલ સ્ટ્રીટ જર્નલમાં છપાયેલી એક રીપોર્ટમાં દાવો કરવામાં આવ્યો હતો જેમાં કહેવામાં આવ્યું હતું કે ફેસબુકની અધિકારીએ પોતાના પાવરનો ઉપયોગ કરીને ફેસબુકના તે નિયમો જે ધૃણા ફેલાવતી પોસ્ટને બ્લોક કરવા માટે વપરાતા હતા ને ભાજપ સાથે જોડાયેલા કથિત હિંદુ રાષ્ટ્રવાદીઓની પોસ્ટ પર લાગૂ થવા દીધા નહોતા.
અંખી દાસ પર મીડિયા રીપોર્ટસ બાદ દબાણ વધ્યું હોવાથી રાજીનામાંના નિર્ણયની શક્યતા
આ રિપોર્ટ બાદ પહેલાથી જ વિવાદમાં રહેલા અંખી દાસ પર આ બાબતે દબાણ વધ્યું હોવાની શક્યતાઓ રહેલી છે, જેને લઈને તેણે આખરે આ નિર્ણય કર્યો હોવાનું મનાઈ રહ્યું છે. જો કે સૂત્રોએ જણાવ્યું હતું કે "અંખી દાસે પોતાનું રાજીનામું આપતા વખતે કહ્યું હતું કે, હું જ્યારે ફેસબુકમાં 2011માં જોડાઈ ત્યારે તે એક નાના સ્ટાર્ટ અપ સમાન હતું અને ત્યારે અમારું એક માત્ર મિશન ભારતના લોકોને કનેક્ટ કરવાનું હતું, જ્યારે કે આજે જોઉ છું તો લાગે છે કે છેલ્લા 9 વર્ષોની લાંબી જર્ની દરમિયાન મોટા ભાગે અમારું તે લક્ષ્ય સફળ થઈ ચૂક્યું છે. "
"આપણે હજુ ફેસબુક પર મળતા રહીશું" : અંખી દાસ
વધુમાં તેણે કહ્યું હતું કે હું આ લાંબી જર્ની દરમિયાન ઘણું શીખી છું અને મને આશા છે છે કે મે સ્પેશિયલ લોકોના સમૂહ કે જેની સાથે મે કામ કર્યું અને આ કંપની બંનેને સારી રીતે સર્વ કરી છે, અને હું જાણું છું કે આપણે હજુ પણ ફેસબુક પર આવી રીતે મળતા રહીશું."
સામે એક અન્ય નિવેદનમાં ફેસબુક ઈન્ડિયાના પ્રમુખ, અજીત મોહન એ કહ્યું હતું કે," દાસ આ કંપની છોડી રહ્યા છે કેમ કે તેમને પબ્લિક સર્વિસ કરવામાં ઇન્ટરેસ્ટ છે અને તેઓ અમારા સૌથી જૂના કર્મચારીઓમાંના એક હતા અને આ કંપનીના વિકાસમાં તેમનું નોંધપાત્ર યોગદાન છે, ખાસ કરીને છેલ્લા 9 વર્ષોમાં, તે કંપનીની લીડરશિપ ટીમનો છેલ્લા 2 વર્ષથી ભાગ હતા અને તેમણે આ પદ પર પણ ઘણું જ નોંધપાત્ર યોગદાન આપ્યું છે, અમે તેમનો આભાર માનીએ છીએ અને તેમના ભવિષ્ય માટે શુભેચ્છાઓ પાઠવી છીએ."