કોમન પ્લોટ પડાવી લેવા માટે બિલ્ડરે સ્થાનિકો પાછળ દોડાવી ગાયો?, બિલ્ડર દ્વારા રહીશોને ખોટી રીતે હેરાન પરેશાન કરવામાં આવી રહ્યાનો આક્ષેપ
અમદાવાદ સેટેલાઈટ પાર્ક સોસાયટી બહારના કોમન પ્લોટનો વિવાદ
કોમન પ્લોટ પડાવી લેવા માટે બિલ્ડરે સ્થાનિકો પાછળ દોડાવી ગાયો
અમદાવાદ સેટેલાઈટ પાર્ક સોસાયટી બહારના કોમન પ્લોટના વિવાદ મામલે બિલ્ડરે સ્થાનિકો સામે સામે આવી ગયા છે. બિલ્ડર સ્થાનિકો પર અને રહીશો બિલ્ડર પર ગંભીર આરોપ મૂકી રહ્યા છે. પણ સમગ્ર વિવાદ વચ્ચે કોમન પ્લોટમાં વિરોધ માટે એકઠા થયેલા સ્થાનિકોને ત્યાંથી દૂર કરવાના આરોપ મુજબ કોમન પ્લોટ પડાવી લેવા માટે બિલ્ડરે સ્થાનિકો પાછળ ગાયો દોડાવી હતી.
શું છે કોમન પ્લોટનો વિવાદ?
સેટેલાઇટ પાર્ક સોસાયટીના રહીશોને ખોટી રીતે હેરાન કરતા હોવાનો આક્ષેપ લાગી રહ્યો છે. ગિરીશ પટેલના નામના બિલ્ડરે પ્લોટ ખરીદ્યો છે. પણ સ્થાનિકોના મતે સેટેલાઈટ પાર્ક સોસાયટીનો કોમન પ્લોટ છે. બિલ્ડરે અગાઉ સોસાયટી વિરુદ્ધ ખોટી ફરિયાદ કરી હોવાનો પણ આરોપ પણ વીડિયોમાં સ્થાનિકો લગાવી રહ્યા છે. અને તંત્ર અથવા પોલીસ સ્થાનિકોની રજૂઆત ન સાંભળતી વાત કરી છે.
સ્થાનિકો નોંધાવશે ફરિયાદ
વિવાદના મૂળ વિશે મળતી માહિતી મુજબ કોમન પ્લોટનો કબજો સોસાયટી પાસે 35 વર્ષથી હોવાનો દાવો થઈ રહ્યો છે. કોમન પ્લોટ જગ્યા વિવાદને લઈ હાલ કોર્ટમાં કેસ ચાલી રહ્યો છે. ત્યાં સુધી સોસાયટી બહાર રહેલા પ્લોટમાં ગાયોને ઘાસચારો ખવડાવવામાં આવે છે. પણ આજે સ્થાનિકોના વિરોધ દરમિયાન ગાયોને જાણી જોઇને તેમની પાછળ દોડાવી હોવાના આરોપ લાગી રહ્યા છે.સમગ્ર બાબતે રહીશોએ પોલીસ ફરિયાદ કરવાની તૈયારી બતાવી છે.
VTV ગુજરાતીના સળગતા સવાલ
કોમન પ્લોટ પચાવવાનો કારસો કેમ?
સેટેલાઇટ પાર્કના રહીશોની ફરિયાદ કેમ લેવાતી નથી?
35 વર્ષથી જે પ્લોટનો કબજો સોસાયટી પાસે છે તેનું શું?
કોમન પ્લોટને લઇને કરાયેલા દાવામાં તથ્ય શું?
પ્લોટ પચાવવા ગાયોને ચારો આપવાનું ષડયંત્ર?
રહીશો પાછળ ગાયો દોડાવવાની શું જરૂર?
રહીશોની ફરિયાદ પોલીસ કે તંત્ર કેમ ધ્યાને નથી લેતું?