વિવાદ / આર્મી ચીફના એક નિવેદન પર શરુ થઇ ગયુ રાજનૈતિક ઘમાસાણ, ઓવૈસીએ કહ્યુ હદમાં રહો

• આર્મી ચીફે નામ લીધા વગર કેમ્પસનાં હિંસક વિરોધ પર સાધ્યું હતું નિશાન 
• દિગ્વિજય સિંહે સેના પ્રમુખ સાંપ્રદાયિક પ્રદર્શન પર ઉઠાવ્યા સવાલ 

સેના પ્રમુખે હિંસક પ્રદર્શન પર સાધ્યું હતું નિશાન 

NRC અને CAB પર દેશમાં હિંસક પ્રદર્શન કરવામાં આવી રહ્યા છે ત્યારે દેશની સેનાનાં પ્રમુખે તેના પર તીખી પ્રતિક્રિયા આપી હતી. તેમણે કોઈ પણ યુનિવર્સીટીનું નામ લીધા વિના જ નિશાન સાધતા કહ્યું ' લીડરશીપ તે નથી જે લોકોને ખોટી દિશામાં લઇ જાય. આજે અમે મોટી સંખ્યામાં યુનિવર્સીટી અને કોલેજમાં વિદ્યાર્થીઓની ભીડ શહેરોમાં નીકળતા જોઈ રહ્યા છે જે હિંસક પ્રદર્શન કરી રહ્યા છે. આ ક્યારેય લીડરશીપ હોઈ જ ના શકે' 

દિગ્વિજય સિંહે ટ્વીટ કરીને સાધ્યું નિશાન 

કોંગ્રેસનાં દિગ્ગજ નેતા દિગ્વિજય સિંહ અને અસદદ્દીન ઓવૈસીએ આર્મી ચીફ પર નિશાન સાધ્યું છે. દિગ્વિજય સિંહે સાંપ્રદાયિક આધાર પર થયેલી હિંસાને લઈને સવાલ ઉઠાવ્યા છે જ્યારે ઓવૈસીએ આર્મી ચીફને પોતાના કાર્યક્ષેત્ર સુધી સીમિત રહેવા સલાહ આપી છે. દિગ્વિજયસિંહે આર્મી ચીફને સંબોધિત કરતા કહ્યું ' લીડર તે નથી હોતો જે લોકોને હથિયાર ઉઠાવવા માટે પ્રેરિત કરે. હું તમારાથી સહમત છું જનરલ સાહેબ પરંતુ નેતા તે નથી હોતો જે તેના અનુયાયીને સાંપ્રદાયિક આધાર પર નરસંહાર કરવા માટે પ્રેરણા આપે. શું તમે મારાથી સહમત છો જનરલ સાહેબ?' 

ઓવૈસીએ આપી સલાહ 

અસદુદ્દીન ઓવૈસીએ આર્મી ચીફને શિખામણો આપવાની શરુઆત કરી દીધી. તેમણે ટ્વીટ કરીને કહ્યું પોતાની ઓફીસની સીમાને સમજવું પણ લીડરશીપ છે. જે સંસ્થાનાં તમે પ્રમુખ છો તેની ગરિમાને સમજવું પણ એક લીડરશીપ છે.