બેલેટ અને પ્રચાર સાહિત્યમાં અલગ અલગ ચિન્હ છપાતા સરપંચ પદના ઉમેદવારોના ચિન્હને લઈને વિવાદ સર્જાયો
વિરણીયા ગૃપ ગ્રામપંચાયતમાં મતદાન સ્થગિત
સરપંચ પદના ઉમેદવારને ચિન્હ ફાળવણીમાં વિવાદ
બેલેટ અને પ્રચાર સાહિત્યમાં અલગ-અલગ ચિન્હ
આજે રાજ્યની 8,684 ગ્રામ પંચાયતોમાં ચૂંટણી યોજાઇ રહી છે. ત્યારે આ ગ્રામ પંચાયતોમાં 8,560 સરપંચ પદ માટે કુલ 27 હજાર 200 ઉમેદવારો વચ્ચે ચૂંટણીનો જંગ ખેલાઇ રહ્યો છે. વહેલી સવાથી જ કેટલાક મતદારોમાં ઉત્સાહ જોવા મળી રહ્યો છે ત્યારે કેટલીક જગ્યાએ મથકો પર મતદાન પ્રક્રિયા ખોટકાય જતા મતદારો મુજવણમાં મુકાયા છે.
સરપંચ પદના ઉમેદવારને ચિન્હ ફાળવણીમાં વિવાદ
પંચમહાલના વિરણીયા ગૃપ ગ્રામપંચાયતમાં ચૂંટણી પ્રક્રિયા ખોટકાતા, મતદાન સ્થગિત કરવામાં આવ્યું છે, બેલેટ અને પ્રચાર સાહિત્યમાં અલગ અલગ ચિન્હ છપાતા સરપંચ પદના ઉમેદવારોના ચિન્હને લઈને વિવાદ સર્જાયો છે. નિશાનની ફાળવણી વોટરપંપની જયારે બેલેટમાં પેટ્રોલપંપ છપાતા ઉમેદવારોમાં રોષ જોવા મળી રહ્યો છે, સમગ્ર પ્રક્રિયામાં વિવાદ સર્જતા કુલ 4માંથી 3 મતદાન મથકો ઉપર મતદાન અટકાવી દેવામાં આવ્યું હતું, જે બાદ સ્થિતિને જોતા હાલ તો મતદાન પ્રક્રિયા સ્થગિત કરી દેવામાં આવી છે. અહીં છેલ્લા 3 કલાક જેટલા સમયથી મતદાન અટકી પડ્યું છે.