વિવાદનો ભડકો / રામનવમીના દિવસે JNU માં બબાલ, પૂજાના દિવસે નોનવેજ ખાવા મુદ્દે વિદ્યાર્થી સંગઠનો અમનેસામને

• રામનવમીના દિવસે JNU માં વિવાદ 
• નોનવેજ મુદ્દે પૂજા સમયે હોબાળો 
• ABVP એ શું કહ્યું જુઓ 

આજે રામનવમીનો તહેવાર છે અને આજના દિવસે JNU ફરી એકવાર વિવાદમાં છે. આ વખતે રામ નવમી પર પૂજાને લઈને JNUમાં વિવાદ થયો છે. 

આ વિવાદ ABVP અને લેફ્ટના વિદ્યાર્થીઓ વચ્ચે થયો હોવાની માહિતી મળી છે. ઈન્ટરનેટ મીડિયામાં લોકો આ વિવાદને લઈને ઉગ્રતાથી પોતાની પ્રતિક્રિયા પણ આપી રહ્યા છે. 

તો સામે એબીવીપીના નેતાએ કહ્યું હતું કે નોનવેજને લઈને કોઈ વિવાદ નથી પરંતુ NSUI દ્વારા અને ડાબેરીઓ દ્વારા પૂજાના સમયે હોબાળો કરવામાં આવ્યો હતો.

रामनवमी के मौके पर विश्वविद्यालय में पूजा के दौरान वामपंथी और NSUI कार्यकर्ताओं ने हंगामा किया। नॉनवेज को लेकर कोई विवाद नहीं है: ABVP के JNU विंग के अध्यक्ष रोहित कुमार pic.twitter.com/09tBYym3YM

— ANI_HindiNews (@AHindinews) April 10, 2022

મળતી માહિતીઓ અનુસાર, JNUની કાવેરી હોસ્ટેલમાં પૂર્વ વિદ્યાર્થીઓ દ્વારા રામ નવમીની પૂજા કરવામાં આવી રહી હતી. તે જ સમયે, ડાબેરી વિચારધારા સાથે સંકળાયેલા વિદ્યાર્થી સંગઠનો પૂજાને મંજૂરી આપવા માંગતા ન હતા. 

જોકે, પૂજા શાંતિપૂર્ણ રીતે ચાલી હતી. તે જ સમયે, પૂજા અટકાવી ન શકવા માટે, ડાબેરી વિદ્યાર્થી સંગઠનોએ માંસાહારી ખોરાક બંધ કરવાનો મુદ્દો ઉઠાવ્યો હતો. એવું પણ જણાવવામાં આવી રહ્યું છે કે કાવેરી હોસ્ટેલના મેનુમાં નોન વેજ અને વેજ બંને સામેલ છે. ABVPના કાર્યકરો રવિવારે નોનવેજ ફૂડ બનાવવાનું અને ખાવાનું બંધ કરી રહ્યા હતા. અહેવાલ છે કે તેમણે હોસ્ટેલ વોર્ડન સાથે ધક્કામુક્કી પણ કરી હતી.

ABVP hooligans stopped residents inside JNU from having non Veg food

ABVP also assaulted the mess secretary of the Hostel.

Unite against the hooliganism unleashed by ABVP inside campus premises.https://t.co/3MpRE9zXn4 pic.twitter.com/Fy3HU7qg8J

— Aishe (ঐশী) (@aishe_ghosh) April 10, 2022

ABVP એ શું કહ્યું જુઓ 

આ મામલે એબીવીપીએ કહ્યું હતું કે રામ નવમી નિમિત્તે પૂજા અને હવનનો કાર્યક્રમ રાખવામાં આવ્યો હતો. કાવેરી હોસ્ટેલમાં પૂજાનો સમય બપોરે સાડા ત્રણ વાગ્યે હતો. જેમાં JNU ના વિદ્યાર્થીઓ મોટી સંખ્યામાં આવ્યા હતા. ત્યાં ડાબેરી વિદ્યાર્થીઓએ આવીને પૂજાને રોકવાનો પ્રયાસ કર્યો અને તેમાં વિક્ષેપ પાડ્યો. 

આ સિવાય તેમણે ભોજનના અધિકારને લઈને બિનજરૂરી હોબાળો મચાવવાનો પ્રયાસ કર્યો હતો. તેમણે આક્ષેપ કર્યો હતો કે ડાબેરીઓ મુસ્લિમો અને હિંદુઓ વચ્ચે અસમાનતા અને જાતીય અંતર ઊભું કરવાનો પ્રયાસ કરી રહ્યા છે, જેઓ ખરેખર તો  શાંતિથી પોતપોતાના તહેવારો ઉજવી રહ્યા છે.