વાંસદાના અનંત પટેલે એક ચૂંટણી સભામાં પૂર્વમંત્રી નરેશ પટેલની માતાનું નામ બોલતા વિવાદ થયો છે. ચૂંટણી સભામાં અનંત પટેલે નરેશ પટેલને નરેશ મોગરી અને નારંગી ગેંગના સભ્યો કહ્યાં હતા
પૂર્વમંત્રી નરેશ પટેલ અને અનંત પટેલ વચ્ચે વિવાદ
અનંત પટેલે નરેશ પટેલને નરેશ મોગરી કહીને સંબોધ્યા
નરેશ પટેલની માતાનું નામ છે મોગરીબેન પટેલ
અપમાનનો બદલો આદિવાસી ભાઈ-બહેનો 8મીએ લેશે: નરેશ પટેલ
ગુજરાતની ચૂંટણીને હવે ગણતરીના દિવસો બાકી છે ત્યારે દિવસેને દિવસે રાજકીય માહોલ ગરમાયો છે ત્રણય પક્ષો દ્વારા જોરશોરથી પ્રચાર ચાલી રહ્યો છે. આ બધાની વચ્ચે અવનવા નિવેદનો સામે આવી રહ્યાં છે. વાંસદાના પૂર્વ ધારાસભ્ય અનંત પટેલે ગણદેવીના ધારાસભ્ય અને પૂર્વ મંત્રી નરેશ પટેલને તેમની માતાના નામ સાથે નરેશમોગરી બોલતા રાજકીય મામલો ગરમાયો છે
નરેશ પટેલ અને અનંત પટેલ વચ્ચે વિવાદ
નરેશ પટેલની સ્વર્ગીય માતાનું નામ મોગરીબેન છે, ચૂંટણી પ્રચારમાં પૂર્વ ધારાસભ્ય અનંત પટેલ આવેશમાં આવીને નરેશ પટેલને 'નરેશમોગરી' અને નારંગી ગેંગના સભ્ય ગણાવ્યા હતા જેને લઈ રાજકીય માહોલ ગરમાયો છે. જેને લઈ નરેશ પટેલને આ સંબોધનથી લાગી આવ્યું હતું અને ચૂંટણીના પ્રચારમાં પોતાની સ્વર્ગીય માતા વિશે એલફેલ શબ્દો બોલાતા તેમણે નારાજગી વ્યક્ત કરી હતી. આજે કેન્દ્રીય મંત્રી રૂપાલાનો પ્રચાર કાર્યક્રમ યોજાયો હતો જેમાં સ્ટેજ પરથી પૂર્વ મંત્રી નરેશ પટેલે આહવાન કર્યું હતું કે આદિવાસી જનતા 8મી તારીખે આનો બદલો લેશે. ચૂંટણીના સમરાંગણમાં ક્યારેક ઉમેદવારો એકબીજા ઉપર વ્યક્તિગત આક્ષેપો કરતા હોય છે અને જેને લઈને મોઢામાંથી નીકળેલા શબ્દો ક્યારેક મનમાં ઊંડો ઘા કરતા હોય છે આવું જ કંઈક થયું છે મંત્રી નરેશ પટેલ સાથે ચૂંટણી જંગમાં વાંસદાના પૂર્વ ધારાસભ્ય અનંત પટેલે મંત્રી નરેશ પટેલની માતાનું નામ સંબોધતા તેઓ નારાજ થયા હતા અને સ્ટેજ પરથી આદિવાસી જનતા બદલો લેશે તેવી વાત કરી હતી.
શુ છે સમગ્ર મામલો
થોડા દિવસ અગાઉ વાંસદાના ધારાસભ્ય અનંત પટેલે આવેશમાં આવીને નરેશ પટેલને 'નરેશમોગલી' અને નારંગી ગેંગના સભ્ય તરીકે સંબોધ્યા હતા જેને લઈને આ ક્લિપ સોશિયલ મીડિયામાં પણ વાયરલ થઈ હતી આ વીડિયો ક્લિપ ફરતી ફરતી પૂર્વ મંત્રી નરેશ પટેલ પાસે પહોંચી હતી અને તે સાંભળી નરેશ પટેલને દુઃખ થયું હતું. તેમની માતાનો સ્વર્ગવાસ થયેલો છે અને આ ચૂંટણી જંગમાં તેમની માતાનું નામ ન લેવું જોઈએ તેવું એમનો માનવો છે જેના બદલમાં તેમણે આ સંબોધનમાં જવાબ આપવાને બદલે આદિવાસી સમાજ આઠમી ડિસેમ્બરના દિવસે જવાબ આપશે તેવું કહીને પોતાનો રોષ ઠાલવ્યો હતો.
અનંત પટેલે શું કહ્યું ?
આ સમગ્ર મુદ્દે વાંસદા પૂર્વ ધારાસભ્ય અનંત પટેલનો સંપર્ક કરાતા તેમણે જણાવ્યું હતું કે નરેશ પટેલની માતાનું નામ મોગલી નથી તેમના ગામના લોકો જ તેમને નરેશમોગલી કહીને સંબોધે છે કારણ કે મંત્રી નરેશ પટેલ વધુ ભણ્યા નથી જેથી મેં તેમની માતાનું અપમાન કર્યું નથી પણ તેમના ગામના જ લોકો તેમને નરેશમોગલી કહીને સંબોધે છે એટલે મેં પણ આવા પ્રકારનો સંબોધન કર્યું છે.