ગુજરાત વિધાનસભાની ચૂંટણીને લઈ રાજકીય માહોલ ગરમાયો છે. ઠેર ઠેર ત્રણય પક્ષો દ્વારા પ્રચંડ પ્રચાર કરવામાં આવી રહ્યો છે તો વળી વિવિધ બેઠકો પરથી અવનવા નિવેદનો પણ સામે આવી રહ્યાં છે. મતદાન માટે કાઉન્ટ ડાઉન શરૂ થઈ ગયો છે ત્યારે નેતાઓ તેજગતિએ વાણી વિલાસ કરતાના વીડિયો સામે આવી રહ્યાં છે. વધુ એક નેતાનો વિવાદિત નેવિદેન સામે આવ્યું છે. સુરતમાં ભાજપના નેતા રણજિત ચેવલી દ્વારા વિવાદિત નિવેદન આપવામાં આવ્યું છે.
સુરતમાં ભાજપના નેતાનું વિવાદિત નિવેદન
સુરતમાં ભાજપના નેતા રણજિત ચેવલીનું વિવાદિત નિવેદન સામે આવ્યું છે. તેમણે નિવેદન આપ્યું છે કે, ભાજપની ટોપીનું મહત્વ સમજો અને ભાજપની ટોપી પેહરીને સરકારી કચેરેમાં જવાનું પછી અનુભવ કરવાનો તેમણે કહ્યું કે, પેહલા અધિકારીઓ તમને બહાર કલાકો સુધી બેસાડી રાખતા હતા પરંતુ હવે DSP, કલેકટર કે કમિશનર હોય કેસરી ટોપી અને ખેસનું વજન પડશે. તેમણે નિવેદન આપતા કહ્યું કે, ગમે તેવી મિટિંગ હશે તમને પેહલા અંદર લઈ લેશે, સુરત માજી ઉપ્રમુખ અને નવસારી જિલ્લાના પ્રભારી રણજીત ચેવલીના આ નિવેદનનો વીડિયો સોશિયલ મીડિયમાં ભારે વાયરલ થઈ રહ્યો છે.
કે સી રાઠોડનો પણ ધમકી ભર્યો વીડિયો વાયરલ થયો હતો
ઉના વિધાનસભા બેઠકના ભાજપ ઉમેદવાર કે સી રાઠોડનો ભાષણનો વીડિયો સોશિયલ મીડિયામાં વાયરલ થયો હતો જેમાં તેઓ જણાવી રહ્યાં છે કે, કોંગ્રેસના લેભાગુ તત્વો મારા વિષે બેફામ બોલતા હતા તેમણે કહ્યું હતું કે, મતદાન કરતા પહેલા વ્યક્તિ જોઈને વોટ આપજો અને હું કહુ છુ તમારુ ભવિષ્ય ક્યા સારુ છે તમે તમારી ચિંતા કરો કે સી રાઠોડે કહ્યું કે, મતદાન તારીખ અને મતગણતરી તારીખ 8 પછી ઉંદેડી નો પતો નહી લાગે તેમણે કહ્યું કે, હમણા જે ઉંદેડીઓ દેખાય છે તે પછી નહી દેખાય તેમણે કહ્યું કે, પરિણામ પછી કોઇ પણને કશુ થાય તો જવાબદારી મારી છે. તેમણે કહ્યું કે, દરેક સમાજના દિકરાને કઈ પણ કામ હોય તો કહેજો તમામ માટે હંમેશા તત્પર રહીશ અને આ ગામના લોકો માટે કાયમી ઉભો રહીશ. ઉના અને ગીર ગઢડાના ગ્રામ્ય વિસ્તારોમા પ્રચાર દરમિયાન તેમણે આ નિવેદન આપ્યુ હતું.