નિવેદન / છોકરા-છોકરીઓને અલગ-અલગ સ્કૂલમાં ભણાવો, જમીયત ચીફના નિવેદનથી ભડક્યા ભાજપ નેતા

• જમીયત ઉલેમા-એ-હિંદના અધ્યક્ષે આપ્યું વિવાદિત નિવેદન 
• છોકરાઓ અને છોકરીઓને અલગ સ્કૂલમાં ભણાવા જોઈએ : અરશદ મદની 
• અરશદ મદનીના નિવેદન પર ભડક્યા ભાજપ નેતા 

જમીયત ઉલેમા-એ-હિંદના અધ્યક્ષ મૌલાના અરશદ દમનીએ શાળા અને કોલેજોના શિક્ષણને લઇને કઈક એવું નિવેદન આપ્યું છે કે જેના કારણે વિવાદ સર્જાયો છે. ગત રિવાવરે મૌલાના અરશદ મદનીએ એવુ નિવેદન આપ્યું હતું કે છોકરાઓ અને છોકરીઓ માટે અલગ અલગ શાળાઓ હોવી જોઈએ. અને તેમનું આ નિવેદન ચર્ચાનો મુદ્દો બન્યો છે. 

છોકરા છોકરીઓ માટે અલગથી સ્કૂલો બનવી જોઈએ: અરશદ મદની 

અરશદ મદનીએ એવું કહ્યું હતું કે છોકરીઓને છોકરાઓ સાથે સ્કૂલ-કોલેજમાં ન મોકલવી જોઈએ. સાથેજ તેમણે લોકોને એવું પણ કહ્યું કે જે લોકો મુસ્લિમ નથી તે લોકોએ પણ આનો વિરોધ કરવો જોઈએ. ઉપરાંત આ મુદ્દે તેમણે એવી માગ પણ કરી કે છોકરીઓ માટે અલગથી સ્કૂલ કોલેજો બનવી જોઈએ. 

અમુક લોકોએ સમર્થન આપ્યું

આ નિવેદન બાદ ઘણા લોકોએ તેમને સમર્થન પણ આપ્યું છે. જેમા મુસ્લિમ ધર્મગુરુ મુફ્તી અસદ કાસમીએ તેમનું સમર્થન કર્યું છે. તો અમુક લોકોએ એવું કહીને સમર્થન આપ્યું છે કે સ્કૂલ સુધી તો ઠીક છે. પરંતુ કોલેજોમાં શિક્ષણ મુદ્દે ચર્ચા વિચારણા કરવી જરૂરી છે. 

કેન્દ્રીય મંત્રી મુખ્તાર અબ્બાસે વિરોધ કર્યો 

કેન્દ્રીય મંત્રી મુખ્તાર અબ્બાસ નકવીએ અરશદ મદનીના આ નિવેદનને મહિલા વિરોધી ગણાવ્યો છે. જેમા તેમણે એવું પણ કહ્યું કે દેશ સંવિધાનથી ચાલે છે શરિયતથી નહી. નકવી બોલ્યા કે જે લોકો શરિયતને લઈને સંવિધાનની મૂળ ભાવના પર હુમલો કરશે તે લોકો ક્યારે સફળ નહી થાય. વધુંમાં તેમણે એવું પણ કહ્યું કે આ લોકો મહિલાઓના શિક્ષણની વિરુદ્ધમાં છે. જેથી આ લોકો નક્કી ન કરી શકે કે છોકરીઓ ક્યા ભણશે. 

યુપી ભાજપના નેતાઓ કર્યો વિરોધ 

ઉલ્લેખનીય છે કે યુપીના મંત્રી મોહસિન રજાએ કહ્યું કે આ એજ લોકો છે જે મહિલાઓને 3 તલાક જેવી બેડીઓમાં રાખવા માગે છે. સાથેજ તેમણે એવું પણ કહ્યું કે અરશદ મદનીની વિચારધારાને લઈને તેમને જૂની સરકારોએ રક્ષણ આપ્યું છે. પરંતુ અમે આવા લોકોને ક્યારેય સમર્થન નહી આપીએ.