IPLIN
 

આક્રોશ / શરમજનક, મગજની વિકૃતિ... વિવાદિત પરફ્યુમ LAYOR'R SHOT ની એડ પર બૉલીવુડ સેલિબ્રિટિઝ લાલચોળ, કોણે શું કહ્યું જાણો

Team VTV 11:59 AM, 05 Jun 22 | Updated: 12:08 PM, 05 Jun 22
Follow us
controversial body perfume ad bollywoods anger erupts over controversial perfume ad swara bhaskar

વર્તમાન સમયમાં એક પરફ્યુમની અત્યંત વિવાદીત એડ પર સરકાર, મંત્રાલય સોશિયલ મીડિયા યુઝર્સથી લઇને હવે બોલીવુડની સેલિબ્રિટીઓ આક્રોશ દર્શાવી રહી છે. આ પરફ્યુમની અત્યંત વિવાદીત એડ અંગે બોલીવુડની અદાકારા સ્વરા ભાસ્કરે કહ્યું છે કે આ જાહેરાત અત્યંત ધૃણાસ્પદ છે.

  • પરફ્યુમની અત્યંત વિવાદીત એડ પર બોલીવુડ સેલિબ્રિટીઓનો આક્રોશ
  • વિવાદીત એડ પર બોલીવુડની અદાકારા સ્વરા ભાસ્કરનુ નિવેદન
  • અભિનેત્રી રિચા ચડ્ઢાએ આપી કડક પ્રતિક્રિયા

બ્રાન્ડ અને એજન્સી બંને પર કેસ કરવો જોઈએ

તો રિચા ચડ્ઢાએ કહ્યું કે એડ લાવનારા બ્રાન્ડ અને એજન્સી બંને પર આવી ગંદકીનો પ્રચાર કરાવવા માટે કેસ ચલાવવો જોઈએ. કારણકે તેઓ ખુલ્લેઆમ તેને પરોસી રહ્યાં છે. રિચાએ કહ્યું, આ એડ કોઈ અકસ્માત નથી. કોઈ પણ એડને બનાવતા પહેલા બ્રાન્ડ અનેક પ્રકારના નિર્ણયો અને તબક્કામાંથી ગુજર્યા બાદ તેની બ્રાન્ડને પ્રમોટ કરવાનો નિર્ણય લે છે. સ્ક્રિપ્ટ, એજન્સી, ક્રિએટીવ, કાસ્ટિંગ, ક્લાઈન્ટ દરેક વસ્તુ સમજી વિચારીને જ નક્કી કરે છે. શું દરેક વ્યક્તિ એવુ જ વિચારે છે કે બળાત્કાર એક મજાક છે?

સ્વરા ભાસ્કરે આ એડને લઇને પોતાની નારાજગી દર્શાવી

તો અદાકારા સ્વરા ભાસ્કરે આ એડને લઇને પોતાની નારાજગી દર્શાવી છે. પોતાના ગુસ્સાનો એકરાર કરીને હૈદ્રાબાદ સામુહિક બળાત્કાર મામલાનો ઉલ્લેખ કરી સ્વરાએ કહ્યું કે આ એક અત્યંત ધૃણાસ્પદ છે. તો સિંગર ગાયિકા સોના મોહાત્રાએ પણ આ એડની કડક ટીકા કરતા લખ્યું કે થીમ-સામૂહિક બળાત્કાર. મેં તેને પોતાના ટ્વિટર ટાઈમલાઈન પર જોઇ અને વિચારતી હતી કે શું તેને વધારાની પ્રસિદ્ધી આપવી ખરાબ છે. આની પહેલા પણ માહિતી અને પ્રસારણ મંત્રાલયે પણ ટ્વિટર અને યુ-ટ્યુબ પરથી જાહેરાતના વીડિયોને તેના સોશિયલ મીડિયા પ્લેટફોર્મ પરથી હટાવવાનુ કહ્યું હતુ. 

પરફ્યુમ બ્રાન્ડ સાથે જોડાયેલા વીડિયોને હટાવવા માટે કહ્યું 

ટ્વિટર અને યુટ્યુબને મોકલવામાં આવેલા પત્રમાં મંત્રાલયે કહ્યું છે કે આવો વીડિયો શાલીનતા અને નૈતિકતાના હિતમાં મહિલાઓના ચિત્રણ પ્રત્યે ખૂબ હાનિકારક છે તથા માહિતી ટેકનોલોજીનું સરેઆમ ઉલ્લંઘન છે. તો સત્તાવાર પ્રવક્તાએ કહ્યું, માહિતી અને પ્રસારણ મંત્રાલયની જાણકારીમાં સામે આવ્યું છે કે સોશિયલ મીડિયા પર એક પરફ્યુમ બ્રાન્ડનુ અયોગ્ય અને અપમાનજક એડ ટેલિકાસ્ટ થઇ રહી છે. મંત્રાલયે ટ્વિટર અને યુટ્યુબ પરથી પરફ્યુમ બ્રાન્ડ સાથે જોડાયેલા બધા વીડિયોને તાત્કાલિક હટાવવા માટે કહ્યું છે.

બોડી સ્પ્રેની એડમાં આ વાંધાજનક શબ્દોનો કરાયો છે ઉલ્લેખ

બોડી સ્પ્રે શોટના એડમાં બતાવ્યું છે કે, એક રૂમાં ત્રણ યુવકો આવે છે. તે રૂમાં એક છોકરો એક છોકરી સાથે પહેલાથી બેઠેલો છે. તે બંને એક બેડ પર બેઠેલા રહે છે. ત્રણેય યુવકો જ્યારે રૂમમાં આવે છે, તો છોકરી ચોંકી જાય છે. આ ત્રણમાંથી એક છોકરોમાં જે રૂમાં બેઠેલો છે, તેને પૂછે કે, શોટ તો માર્યો હશે. આ વાતથી ત્યાં હાજર રહેલી છોકરી ગુસ્સે થઈ જાય છે, ત્યારે છોકરો જવાબ આપે છે હા માર્યો છે, ત્યારે તે છોકરાઓ કહે છે કે હવે અમારો વારો.

બીજા વીડિયોમાં આવુ બતાવ્યુ છે

લેયરના શોટ બોડી સ્પ્રેના બીજા વીડિયોમાં ચાર યુવકો એક સ્ટોરમાં દેખાય છે. તે સ્ટોરમાં તે જગ્યાએ જાય છે, જ્યાં પરફ્યૂમ રાખ્યા હોય છે. જો કે, ત્યાં પહેલાથી એક છોકરી હાજર હોય છે. સાથે જ પર્ફ્યૂમની એક શીશી પણ ત્યાં રાખેલી હોય છે. ત્યારે છોકરાઓ વાતો કરે છે કે, આપણે ચાર છીએ અને અહીં ફક્ત એક છે, તો શોટ કોણ મારશે. ત્યારે છોકરી પાછળ ફરીને જુએ છે અને તે લોકોની વાતોથી ડરી જાય છે, છોકરીના ચહેરા પર ગુસ્સો દેખાય છે. તેને લાગે છે કે તે મારા વિશે વાત કરતા હતા.

 

 

Controversial Body Perfume Ad Richa Chadha Swara Bhaskar Body Perfume Ad
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ