30 મત માટે સેટિંગ કરી આપવાનો કથિત ઓડિયો ક્લીપમાં ઉલ્લેખ, એરાલ ગામના સરપંચ પદના ઉમેદવારે આપ્યું આવેદનપત્ર
કાલોલમાં મત સેટિંગ મુદ્દાનો મામલો
કથિત ઓડીયો ક્લિપ મામલે કલેક્ટરને રજૂઆત
કથીત ઓડીયો ક્લિપ એરાલ ગામની હોવાની કરી રજૂઆત
કાલોલ પંથકમાં મત સેટિંગ મુદ્દે કથિત ઓડીયો ક્લિપનો મામલે એરાલ ગામના સરપંચ પદના ઉમેદવારે કલેકટરને આવેદનપત્ર પાઠવ્યું છે. ગઈ કાલે મતદાન પૂર્ણ થયા બાદ આ કથીત ઓડીયો ક્લિપ વાયરલ થઈ હતી જે બાદ આ ક્લિપ એરાલ ગામના મતદાન મથક-3ની હોવાની કરી રજૂઆત સરપંચ પદના ઉમેદવારે કરી હતી. 30 મત માટે સેટિંગ કરી આપવાનો ઓડિયો ક્લીપમાં ઉલ્લેખ છે.
શું વાત થઈ વાયરલ ઓડિયો કિલપમાં?
અજાણ્યો શખ્સ
હા...મયંક...
મયંક
પેલું શું થાય પછી?...
અજાણ્યો શખ્સ
પેલાંમાં પી.એમ.પટેલને કહ્યું છે. 30 વોટ સુધીનું થાય. 30 વોટથી વધુ ના થાય. કેમ કે પેટી છે ને કાલોલથી માઇક્રો મશીનથી ચેક કરી. અને માઇક્રોમીટરથી વજન માપીને આપેલી છે...
મયંક
30નું થાય એમ..
અજાણ્યો શખ્સ.
એ પણ 2 વાગ્યા પછી થાય. તારે મને યાદ કરાવાનું એટલે હું ઉમેદવારને કહીશ...
મયંક
એવું એમ...
અજાણ્યો શખ્સ
હા...ત્યાંથી થાય જે થાય એ એના પહેલા કહીં ન થાય...
મયંક
પણ કાગળ ન જોઇએ...
અજાણ્યો શખ્સ
તું એ છોડને...
મયંક
પણ હું શું કહું છું કે...બે પેટીમાં થઇ જશે...
અજાણ્યો શખ્સ
ના...બે પેટી નહીં એક જ પેટીમાં થશે...
મયંક
હા...એકનું કરી દેજો ચલો...
અજાણ્યો શખ્સ
હા...બસ...એમ...
મયંક
પણ...
અજાણ્યો શખ્સ
એકથી વધારે ન થાય કેમ કે એમાં એવું છે કે...
મયંક
હું તમને એમ કહું છું કે આજે થશે કે કાલે...
અજાણ્યો શખ્સ
કાલે થશે કાલે...હું તને કહું તું એને મળી આવજે...
મયંક
ક્યારે?...
અજાણ્યો શખ્સ
એ તારે નહીં મળવાનું. તું ઉમેદવારને જ મોકલજે...કાલોલનો પી.એમ.પટેલ ઝોનલ છે...તેમને ઉમેદવારને હું કહું એટલે મળવા જતું રહેવાનું...
મયંક
હા...
અજાણ્યો શખ્સ
30 મતનું થાય એનું કારણ છે કે આ વખતે તમામ પેટીઓ છે ને એસિડથી ધોઇને આપી છે...પણ ઘણા લોકોએ ઉપર પેપરને બધું નાખ્યું છે...સરકારને શંકા જઇ એટલે માઇક્રોમશીનથી ચેક કરીને આપ્યું છે...
મયંક
હા...30નું થશે ખરી પણ 100 ટકા...
અજાણ્યો શખ્સ
30 મતનું થાય...તેનાથી ઉપર કંઇ ના થાય...કારણ કે કાગળનું વજન જ 4 ગ્રામ છે...
મયંક
પણ...જવાબદારી તમારીને...
અજાણ્યો શખ્સ
એ જવાબદારી મારી...વજન નહીં વધવું જોઇએ...એનો નિયમ છે...એટલે 30 મત સુધી થાય વધારે ને વધારે...
મયંક
હા...તો...પેલા સાહેબનું નામ શું?...
અજાણ્યો શખ્સ
તને એનો સાડા 12એ ફોન આવશે...
શું છે સમગ્ર મામલો?
પંચમહાલના કાલોલમાં ચૂંટણી દરમિયાન વિવાદિત ઓડિયો ક્લિપ વાયરલ થતાં એરાલ સરપંચ પદના ઉમેદવારે સમર્થકોએ હોબાળો કર્યો હતો. બેલેટ પેપરનું સેટિંગ કરી આપવાનો ઓડિયો ક્લિપમાં ઉલ્લેખ થઈ રહ્યો છે. ચૂંટણીના મતદાન અગાઉ 2 શખ્સો વચ્ચે એક મત પેટીમાં 30 મતના સેટિંગની વાત થઈ હતી. માઈક્રોમીટરથી વજન કરવાને કારણે મતનું સેટિંગ મુશ્કેલ બનતુ હાવાનો દાવો કરવામાં આવી રહ્યો છે. મયંક નામનો શખ્સ અજાણ્યા શખ્સને કહી રહ્યો છે જેમાં ઝોનલ પી.એમ.પટેલના નામનો પણ ઉલ્લેખ છે. મતપેટીનું સીલ તૂટેલું હોવાના ઉમેદવારે આક્ષેપો કરેલા છે. તેથી વિવાદિત મતપેટી સ્ટ્રોંગરૂમમાં મુકવામાં આવી છે.