Health / તહેવારોમાં મીઠાઈ ખાવાની સાથે વજન પણ કન્ટ્રોલમાં રાખો

• હાઇ શુગર અને બ્લડ પ્રેશરનો ડર
• ૧૬ કલાકથી વધુ ભુખ્યા ન રહો

હાઇ કેલરી, ઓઇલી, હાઇ ફેટથી ભરેલી તહેવારની મીઠાઇઓ વજન વધારવાની સાથે દિલની બીમારીઓ, હાઇ શુગર અને બ્લડ પ્રેશરનો ડર પણ સતત રહે છે. આવામાં આજે કેટલીક ટિપ્સ વાંચી લો, જેનાથી મીઠાઇનો આનંદ પણ માણી શકશો અને વજન પણ કન્ટ્રોલમાં રાખી શકશો.

ઉપવાસમાં રાખો ધ્યાન
ઉપવાસ કરો તો પણ ૧૦ કલાક, ૧૨ કલાક, ૧૪ કલાક કે ૧૬ કલાકથી વધુ ભુખ્યા ન રહો. આ દરમિયાન ફળ, નટ્સ, દૂધ, જ્યૂસ વગેરે લેતા રહો. આ  ઉપરાંત ભરપુર પાણી પીઓ. ડાયટમાં હાઇ પ્રોટીન, ફેટ અને કાર્બ્સ જેવાં ફૂડ્સ સામેલ ન કરો. 

ઓવરઇટિંગથી બચો
મીઠી-નમકીનની ડિશ જોઇને મોંમાં પાણી આવવું તે સ્વાભાવિક બાબત છે. આવા સંજોગોમાં દરેક વસ્તુ ખાવ પરંતુ લિમિટમાં. ઓવરઇટિંગથી બચો. એક વારમાં વધુ ખોરાક લેવાના બદલે થોડું થોડું જમો. તેનાથી સરળતાથી પાચન થશે અને વજન પણ કન્ટ્રોલમાં રહેશે. 

લંચ-ડિનરમાં સિલેક્ટ કરો હેલ્ધી ઓપ્શન
આખો દિવસ મીઠાઇઓ, પકોડા, સમોસાં જેવી વસ્તુઓ ખાવાથી બચો. કંઇ પણ હલકું ફૂલકું ખાવ. તેનાથી દિવસભરની કેલરી મેનેજ થશે અને વજન પણ નહીં વધે. 

ખૂબ પાણી પીઓ
તહેવારોની મસ્તીમાં ખૂબ પાણી પીવાનું ન ભૂલો. તેનાથી બોડી ડિટોક્સ થતું રહેશે. ફેટ જમા નહીં થાય. જો તમે પાણી પીવા ન ઇચ્છતા હો તો નારિયેળ પાણી, શરબત, છાશ કે લસ્સી પી શકો છો. 

થોડી એક્સર્સાઇઝ પણ છે જરૂરી
તહેવારોમાં મીઠાઇઓ ખાવાની સાથે સાથે ફેટ બર્ન કરવો પણ જરૂરી છે. આ માટે એક્સર્સાઇઝ બેસ્ટ ઓપ્શન બની શકે છે. થોડી ઘણી એક્સર્સાઇઝની સાથે સાથે નાનાં નાનાં કામ કરતા રહો. ફિઝિકલી એક્ટિવ રહેશો તો કેલરી સતત બર્ન થતી રહેશે. જેનાથી સ્વાસ્થ્ય સારું રહેશે.