VIDEO: અમદાવાદ એરપોર્ટ પર બોમ્બની અફવાથી સર્જાયો અફરા-તફરીનો માહોલ

અમદાવાદમાં ગુરુવારે મોડી રાત્રે એરપોર્ટ પર બોમ્બ હોવાની માહિતી મળી હતી. એરપોર્ટ પર બોમ્બ હોવાની અફવાથી પોલીસ અને CIAFની ટીમમાં દોડધામ મચી ગઇ હતી. તેમજ એરપોર્ટ પર પણ અફર-તફરીનો માહોલ સર્જાઇ ગયો હતો. 

મળતી માહિતી અનુસાર ગુરુવારે મોડી રાત્રે એરપોર્ટના ATC ટાવરના નંબર પર અલતીયાઝ મહોમ્મદના નામથી કોઇ શખ્સનો ફોન આવ્યો હતો. જેણે એરપોર્ટ પર કોલ્ડડ્રિન્કસના કેનમાં બોમ્બ હોવાનું જણાવ્યું હતું. આ ફોન બાદ CIAF અને સિટી પોલીસે તપાસ હાથ ધરી હતી.  

જો કે આ વાત અફવા હોવાનું પોલીસે જણાવ્યું હતું અને એક શંકાસ્પદ વ્યક્તિની ધરપકડ પણ કરવામાં આવી છે. તેમજ પોલીસ વધુ તપાસનો ધમધમાટ શરૂ કર્યો છે.