વલસાડ / કોન્ટ્રાક્ટ કિલરે મફલરથી ટુંપો દઈ સિંગર વૈશાલીની હત્યા કરી, ગૂગલ પેથી રૂપિયા ટ્રાન્સફર થયા, પોલીસ તપાસમાં ઘટસ્ફોટ

• સિંગર વૈશાલીની હત્યા કેસનો મામલો
• મુખ્ય કોન્ટ્રાક્ટ કિલર સુખવિંદરની ધરપકડ
• 3 માંથી 2 કોન્ટ્રાક્ટ કિલરો પોલીસ સકંજામાં 

વલસાડના પારડી નજીકથી પસાર થતી પાર નદી કિનારેથી ગઈ 28મી ઓગસ્ટના રોજ વલસાડની જાણીતી સિંગર વૈશાલી બલસારાની શંકાસ્પદ હાલતમાં બંધકારમાંથી મૃતદેહ મળી આવ્યો હતો .ત્યારબાદ વૈશાલીના પોસ્ટમોર્ટમ રિપોર્ટમાં ચોંકાવનારો ખુલાસો થયો હતો. જેમાં વૈશાલીની હત્યા ગળું દબાવીને હત્યા કરવામાં આવી હોવાનું બહાર આવ્યું હતું  જો કે વૈશાલીના શરીર પર કોઈ જગ્યાએ ઇજા કે પ્રતિકારના કોઈ નિશાન પણ જોવા નહીં મળ્યા હોવાથી પોલીસ પણ મૂંઝવણમાં મુકાઇ હતી. આખરે વલસાડ પોલીસે વૈશાલી બલસારાની હત્યાના રહસ્યો પરથી પડદો ઉચકવામાં સફળતા મળી હતી. જેને લઇને પોલીસે વૈશાલીની હત્યાની માસ્ટરમાઈન્ડ મૃતક વૈશાલીની જ નજીકની મિત્ર બબીતાની ધરપકડ બાદ પ્રથમ આરોપી ત્રિલોકસિંગ અને હવે મુખ્ય કોન્ટ્રાકટ કિલર  સુખવિન્દર ઉર્ફે સુખો ઉર્ફે ઇલુની ધરપકડ કરી વધુ તપાસ હાથ ધરી હતી. 

મુખ્ય કોન્ટ્રાક્ટ કિલર સુખવિંદરની ધરપકડ 
આરોપી બબીતાએ કોન્ટ્રાકટ કિલર સુખવિન્દર ઉર્ફે સુખો ઉર્ફે ઇલુને હત્યા કરાવવા અંગેનું કારણ આપતા કહ્યું હતું કે તેની બહેનપણીના છુટાછેડા વૈશાલીના કારણે થયા હોવાની વાત કરી હત્યા કરાવવા માટે કોન્ટ્રાકટ આપ્યો હતો. આરોપી સુખવિન્દર ઉર્ફે સુખો ઉર્ફે ઇલુની પુછપરછ કરતાં વૈશાલી બલસારાનુ અગાઉ પકડાયેલ આરોપી ત્રિલોકસીંગ તથા આરોપી બબીતા સાથે મળી પૂર્વ આયોજીત કાવતરૂ રચી મર્ડર કર્યું હોવાની કબુલાત કરી છે.

અગાઉ ચોરીના ગુન્હામાં પંજાબ પોલીસે સુખવિન્દરને ઝડપ્યો હતો 
પંજાબથી વલસાડ આવવા જવા માટે અને સુરતમા હોટેલમાં રોકાવા માટે બબીતાએ ગૂગલ પેમાંથી પૈસા મોકલાવ્યા હતા, જે પુરાવા પણ પોલીસને આરોપી પાસેથી પ્રાપ્ત થયા છે. આરોપી  સુખવિન્દર ઉર્ફે સુખો છેલ્લા 11 વર્ષથી સોશિયલ મીડિયાના માધ્યમથી બબીતાના સંપર્કમા હતો .આરોપી અગાઉ પંજાબમાં ચોરીના ગુનામાં પણ ધરપકડ થઇ હતી. વલસાડ પોલીસની તપાસમાં એ પણ બહાર આવ્યું છે કે વૈશાલીની હત્યા જે  મફલરથી ગળું દબાવીને હત્યા કરાઈ હતી. તે મફલર પણ આરોપી સુખવિન્દરનું જ હતું. વૈશાલી મર્ડર કેસમાં મુખ્ય માસ્ટર માઈન્ડ બબીતા બાદ ત્રિલોક સિંગ અને હવે મુખ્ય કોન્ટ્રાકટ કિલર  સુખવિન્દર પણ વલસાડ પોલીસને હાથે ઝડપાઇ ચુક્યો છે. હજી  એક આરોપી પોલીસ પકડથી દૂર છે. તેમને ઝડપવા પોલીસે જાળ બિછાવી અને વહેલી તકે છેલ્લો આરોપી ઝડપાય તેવા પ્રયાસો કરવામાં આવી રહ્યા છે.