સુરતના કરંજ GIdc વિસ્તારમાંથી ભેળસેળયુક્ત દૂધ બનાવવાનું કારખાનું મળી આવ્યું છે. જેના કારણે શહેરમાં ખળભળાટ મચી ઉઠ્યો છે. સુરત LCBને આ સમગ્ર મામલે બાતમી મલી હતી. જે બાતમીને આધારે પોલીસે રેડ જઈને સ્થળ પર રેડ કરી અને પોલીસે કારખાનું ઝડપી પાડ્યું હતું.
ફેક્ટરીમાંથી પામોલીન તેલના ડબ્બા મળ્યા
કરંજ GIDC વિસ્તારમાં આવેલ સહેલી ગલીના પ્લોટ નં-6માં રૂપા ટેક્સટોરિયમ નામની કંપનીમાં આ આ ભેળસેળયુક્ત દૂધ બનાવાનું કારખાનું ચાલતું હતું. પોલીસને ફેક્ટરીની બહાર મહારાષ્ટ્રનું એક ટેન્કર પણ મળી આવ્યું જે દૂધનું ટેન્કરજ હતું. સાથેજ પોલીસને ફેક્ટરીમાંથી પામોલીન તેલના ડબ્બાઓ પણ મળી આવ્યા છે.
ફેક્ટરીની મશીનકરી પોલીસે જપ્ત કરી
પોલીસને સ્થળ પરથી કેમિકલ પ્રોસેસ કરવાની મસીનરી પણ મળી આવી છે. જે તમામ મશીનરી પોલીસે જપ્ત કરી સાથેજ ફૂડ એન્ડ ડ્રગસ્ વિભાગે જ્યારે તપાસ હાથ ધરી ત્યારે તેમની તપાસમાં પણ દૂધ ભેળસેળ વાળું હોવાનુંજ સામે આવ્યું છે. કુલ 9,500 લીટર ભેળસેળ વાળા દૂધનો જથ્થો ફુડ એન્ડ ડ્રગ્સ વિભાગે નાશ કર્યો છે.
2 વર્ષથી બનાવતા હતા ભેળસેળયુક્ત દૂધ
ઉલ્લેખનીય છે કે ફેક્ટરીમાં જે પણ ભેળસેળ યુક્ત દૂધ બનાવામાં આવતું હતું તે મહારાષ્ટ્રના પાલઘર ખાતે મોકલવામાં આવતું હતું. છેલ્લા 2 વર્ષથી આરોપીઓ આ ભેળસેળ વાળું દૂધ બનાવી રહ્યા હતા. સમગ્ર મામલે પોલીસે ફે્કટરીની બહાર રાખેલ દૂધનું ટેન્કર કબ્જે કર્યું છે. સાથેજ ફૂટ એન્ડ ડ્રગ્સ વિભાગે દૂધના સેમ્પલ વધું તપાસ માટે આગળ મોકલ્યા છે.