દેશભરમાં અન્ય આર્થિક પ્રવૃત્તિઓ શરૂ થતાં હવે એવી આશા છે કે, રેસ્ટોરન્ટ્સને પણ મર્યાદિત મંજૂરી મળશે. જોકે, ચોથા લોકડાઉન માટે ગૃહ મંત્રાલય દ્વારા જારી કરવામાં આવેલી ગાઈડલાઈનમાં રેસ્ટોરન્ટ્સને માત્ર રસોડું શરૂ કરવાની મંજૂરી મળી છે. જેથી હોમ ડિલિવરી શરૂ થઈ શકે. કોરોના સંકટ બાદ હવે રેસ્ટોરન્ટ્સમાં સાવચેતીના ભાગરૂપે ઘણાં ચેન્જિસ કરવામાં આવી રહ્યાં છે. મહિનાઓથી બંધ પડેલાં રેસ્ટોરન્ટના માલિકો ફરી કામ શરૂ કર્યા પહેલાં એવી રીત અપનાવી રહ્યાં છે જેમાં સોશિયલ ડિસ્ટન્સિંગનું પાલન થાય
લોકડાઉન બાદ રેસ્ટોરન્ટ્સ શરૂ કરવા માટે આ નિયમોનું પાલન કરવું પડશે
સોશિયલ ડિસ્ટન્સિંગ સાથે રેસ્ટોરન્ટ્સમાં આ સાવચેતી રાખવી પડશે
ફૂડ સિલેક્શનથી લઈને પેમેન્ટ સુધી બધું ડિજિટલી કરવામાં આવશે
હવે રેસ્ટોરન્ટમાં જતા જ મેન્યૂ કાર્ડ નહીં મળે. લોકડાઉનમાં છૂટ મળ્યા બાદ રેસ્ટોરન્ટના માલિકો માટે સૌથી મોટો પડકાર એ છે કે, મેન્યુ વિના ઓર્ડર કઈ રીતે લેવું. કારણ કે કોન્ટેક્ટલેસ ડાઈનિંગ માટે પેપર કે પ્લાસ્ટિકના મેન્યુનો ઉપયોગ બંધ કરવો જ પડશે. તો કેટલીક કંપનીઓ સલાહ આપી કે, ફૂડ ઓર્ડર પહેલાં જ લઈ લેવામાં આવે અથવા તો ડિજિટલ મેન્યુનો ઉપયોગ કરવાનું શરૂ કરવામાં આવે.
તમારા ફોનની સ્ક્રીન પર ઉપલબ્ધ થશે મેન્યૂ
લોકડાઉન બાદ ડેશ મેન્યૂ માટે ઘણી મોટી હોટલ્સ અને રેસ્ટોરન્ટે સંપર્ક કર્યો છે. Idea Chakkiના કો ફાઉન્ડર ગુંજન મહરીશનું કહેવું છે કે, અમારી એપ્લિકેશન ખૂબ જ સિમ્પલ છે. તેમાં ઓર્ડરથી લઈને ટ્રાન્ઝેક્શન સુધીની સુવિધાઓ છે. આ બાકી ડિજિટલ મેન્યુથી એટલે અલગ છે કારણ કે તેમાં માત્ર ઓર્ડર જ નહીં આપી શકાય પણ ફૂડ વીડિયો દ્વારા ડિશની જાણકારી પણ મળશે.
સોશિયલ ડિસ્ટન્સિંગનું ધ્યાન રાખવું છે જરૂરી
કેટલીક રેસ્ટોરાં પ્રી-ઓર્ડર પર તમારા ટેબલ પર પહોંચતા પહેલા ભોજન સર્વ કરી દેશે તો કેટલાક સેલ્ફ સર્વિસની વ્યવસ્થા કરશે. રેસ્ટોરન્ટમાં સીટિંગ અરેન્જમેન્ટ પણ સોશિયલ ડિસ્ટન્સને ધ્યાનમાં રાખીને કરવું પડશે. ઘણાં રેસ્ટોરન્ટમાં ભોજન બનાવતી વખતે લાઈવ સ્ટ્રીમિંગની તૈયારીઓ પણ ચાલી રહી છે. જોકે, સેનિટાઈઝર, માસ્ક અને ગ્લવ્સનો ઉપયોગ ફરજિયાત કરી દેવામાં આવ્યો છે.
ડિજિટલ પેમેન્ટની સુવિધા
ભોજન કર્યા બાદ પેમેન્ટ પણ ડિજિટલી જ કરવું પડશે. કોરોનાને કારણે રેસ્ટોરન્ટ્સ અને હોટલ્સનો બિઝનેસ ખરાબ સમયમાંથી પસાર થઈ રહ્યો છે પરંતુ આવનારા દિવસોમાં કોન્ટેક્ટલેસ ડાઈનિંગની વ્યવસ્થા ઊભી કરવામાં આવશે.