જો તમે વધુ પડતા ડેરી પ્રોડક્ટનું સેવન કરતા હોય અને જો તમે રોજે-રોજ દૂધ અને પનીરનો ખાવામાં ભરપુર ઉપયોગ કરતા હોય તો ચેતી જજો, કારણ કે વધુ પડતા દૂધ અને પનિરના ઉપયોગથી પ્રોસ્ટેટ કેન્સરનું જોખમ વધી શકે છે.
જી હા, એક નવી સ્ટડીમાં ખુલાસો થયો છે કે વધારે પડતા ડેરી પ્રોડક્ટના સેવનથી પુરષોમાં પોસ્ટેટ કેન્સર જોવા મળી શકે છે. યૂકેની મેયો ક્લિનિકના વિશેષજ્ઞો દ્વારા 47 જેટલા અભ્યાસ કરવામાં આવ્યા. જે તમામ અભ્યાસના પરિણામોનું વિશ્લેષણ ખોરાક અને બિમારી સંબંધિત હતુ.
જે પ્રમાણે, વધુ પડતા ડેરી પ્રોડક્ટનું સેવન કરવાથી ખાસ કરીને પુરુષોમાં પ્રોસ્ટેટ કેન્સરનું જોખમ વધી શકે છે.. જોકે આ રિપોર્ટની ભારે માત્રામાં ટીકા પણ થઈ રહી છે. સાથે-સાથે કેટલાક લોકો આ વિષયમાં વધુ સંશોધન કરવા માટે પણ અપીલ કરી રહ્યા છે.
લોકોનું કહેવું છે કે, આ અભ્યાસમાં એ વાતનો પણ ઉલ્લેખ કરવામાં આવવો જોઈએ કે, આખરે ડેરી પ્રોડક્ટની કેટલી માત્રા શરીર માટે નુકસાન કારક થઈ શકે છે, માનવામાં આવે છે કે, જે લોકો વધારે માત્રામાં ડેરી પ્રોડક્ટનું સેવન કરે છે તેમના શરીરની અંદર ઇન્સુલિન જેવા તત્વોની માત્રા વધી જાય છે.
વર્લ્ડ કેન્સર રિસર્ચ ફંડ ઇન્ટરનેશનલના અનુસાર, પ્રોટીન અને બૉડી સેલ એકસાથે મળી જાય છે. પ્રોસ્ટેટ કેન્સર યૂકે અનુસાર, ડેરી ઉત્પાદનમાં રહેલા કેલ્શિયમ બિમારીઓને નોતરે છે. જોકે આ રિપોર્ટના દાવા પર વૈજ્ઞાનિકો સહમત નથી.