કન્ઝ્યુમર ઈન્ફ્લેશન એટલે કે ગ્રાહક ફુગાવાનો દર નવેમ્બરના અંતે 5.54% થઇ ગયો છે જે ત્રણ વર્ષમાં સૌથી વધુ છે. નિષ્ણાતોના મતે ઉંચો ફુગાવાના દર પાછળ શાકભાજીના માર્કેટમાં વધી ગયેલા ભાવો અને ખાસ કરીને ડુંગળીના ઉંચા ભાવો જવાબદાર છે.
નિષ્ણાતોના મતે શાકભાજી અને ડુંગળીના વધતા જતા ભાવ આ માટે જવાબદાર
ફુગાવો અર્થશાસ્ત્રીઓના અંદાજા કરતા પણ વધુ
કન્ઝ્યુમર ઈન્ફ્લેશન એટલે કે ગ્રાહક ફુગાવાનો દર નવેમ્બરના અંતે 5.54% થઇ ગયો છે જે જુલાઈ 2016થી આજ સુધીની વિક્રમજનક સપાટીએ છે. ખાદ્ય ચીજવસ્તુઓનો ફુગાવાનો દર શાકભાજી અને ખાસ કરીને ડુંગળીના ભાવ વધતા વધ્યો હતો જેના પરિણામે ગ્રાહક ફુગાવો વધ્યો છે.
સૌથી ચિંતાજનક બાબત એ છે કે આ ફુગાવો અર્થશાસ્ત્રીઓના અંદાજા કરતા પણ વધુ છે. ડિસેમ્બર 5 થી ડિસેમ્બર 10 વચ્ચે થયેલા સર્વે મુજબ 52% અર્થશાસ્ત્રીઓનું માનવું હતું કે કન્ઝ્યુમર ઈન્ફ્લેશન 5.26% જેટલો હશે.
ખાદ્ય પદાર્થોના રિટેલ ભાવો ઓક્ટોબર મહિનામાં 7.89% ઉછળ્યા હતા જે નવેમ્બરમાં 10.01% ઉછાળ્યા હતા. આ ભાવો ફુગાવાના સરેરાશ દરમાં અડધો ફાળો આપે છે. આ ઉપરાંત RBIએ એક આશ્ચર્યજનક પગલાં સ્વરૂપે ગયા અઠવાડિયે લોનના ભાવો ઘટાડ્યા નહોતા જેની પણ ફુગાવા ઉપર અસર આવી હોવાનું કહેવાય છે. દેશમાં રેપો રેટ અત્યારે મંદ વૃદ્ધિને વધારવા 5.15% કરવામાં આવ્યો છે જે 9 વર્ષનો સૌથી નીચો દર છે.
નોંધનીય છે કે દેશના GDP દરની વૃદ્ધિ છેલ્લા ક્વાર્ટરમાં 4.5% રહી છે જે છેલ્લા 23 વર્ષમાં પ્રથમ વખત છેલ્લા 6 ક્વાર્ટર્સથી પછડાટ ખાઈને ઘટી રહી છે.